لا الدار داري ولا المكان مكاني عبثت بديار لست املكها

بارت 3

نواف : انتي الي محليته اخذت عبايتها ونطق يزيد : م بتلبسين العبايه الي جبتها؟
يقين : ذكرتني نسيت اشوفها عاد اعشق العبايات
يزيد : مياسه جيبي عبايتها الجديده

نزلت مياسه وبيدها كيس العبايه
فتحته يقين ناضرت العبايه بذهول الي لونها كحلي والطرحه السماويه
لبستها بحماس وقربت من المرايا : تجنن ماشاءالله مرا كان بخاطري بعبايه شكرا مرا اسعدتوني
ابتسم يزيد؛ بتغطين ع الكل العزيمه متأكد
نواف ب ابتسامه : بدون تفكير
يزيد حط يده على عيونها : اختاري السياره الي باليمين او اليسار
يقين : اليمين
يزيد: يلا نواف رح وحدك
نواف : اصلا عادي متعود
ضحكت يقين وطلعت بسياره يزيد

انذهلت من البيت إلى دخلوها أكبر وافخم من بيت اهل أوس م توقعت يكون كذا ابدا
نزلت ويزيد معها
فتحت لهم روجا ونطق يزيد : أحد جاء؟
روجا : كلو موجود
يزيد : أوس وسعد وين؟
روجا : بالحوش في المسبح مع بابا وعمو انتا
دخلت يقين ونطق يزيد : امي
فزت ناديه : ياهلا
حضنها يزيد وباس راسها
تقدمت ناديه تحضن يقين ونطقت :اهلا وسهلا فيك بيينا و فبيتك
يقين ابتسمت وتذكرت كلام رانيا عنها
ناديه : شيلي عبايتك يابنتي
شالتها يقين ونطقت ناديها : ماشاءالله وش هالجمال
يزيد؛ تحصنتي؟
يقين هزت راسها ب اي
ناديه ناضرت ب يزيد :العيال وابوك ينتضرونكم
هز راسه ب طيب
مشت ناديه مع يقين وفزت امل : يامرحبا بك يابنتي
حضنتها يقين وكملت امل ماشاءالله
رانيا حضنتها بحماس : وحشتيني
يقين ابتسمت : أكثر
ناديه : هذه زوجه عمك عمر
سلمت عليها يقين ونطقت حليمه : كيفك
يقين : الحمدلله
جلست يقين جمب رانيا
ناديه؛ كيفك ان شاء الله أفضل من اول
يقين : الحمدلله احسن
حليمه : تشوف كل هالفلوس والدلع ماتكون احسن؟
أشرت لها امل و تجاهلتها يقين بهدوء
ناديه من شافت العاملات جهزو الاكل
حياكم الله تفضلو

بعد العشاء
يقين : تسلم يدك ياعمه
ناديه : الله يسلمك
رانيا تلبس عبايتها : ابوي يقول البسوا  حجابكم ونقعد برا الجو حلو
يقين : مع العيال؟
امل؛ اي يابنتي هذه عادتنا بعد العشاء نسوي شاي ونطلع نقعد معهم نسولف وطبعا رانيا كانت مثل حبه الرز بالهيل
رانيا : بس الحين يقين معي
ناديه : يلا بنتي يقين البسي عبايتك وحجابك
يقين : مدري مو متعوده
امل؛ لا تستحين نواف ويزيد اخوانك واوس وسعد مثل اخوانك بعد
يقين : اي بس لان م كان عندي عيال  عم ومو متعوده
رانيا من شافتها تلبس العبايه : ماشاءالله تجنن مرا حلوه
حليمه : ملونه بعد الله لا يبلانا يبيلك تربيه من جديد
يقين ب ابتسامه: ايش دخل العبايه بالتربيه الحمدلله متربيه افضل تربيه والعبايه اختارها لي يزيد
امل همست لها : ماعليك منها حلوه مرا
ناديه : تجنن العبايه يزيد ذويق وانتي محليتها
رانيا : اي والله

طلعو للحوش
رانيا بصوت مرتفع : دايم نجيكم اربعه هالمره خمسه
سلمت يقين على ابوها واعمامها
ونطق عمر : ماشاءالله تبارك وش هالزين
يقين : تسلم
عبد العزيز : ماشاءالله تبارك الله بسم الله عليك
ابتسمت يقين بهدوء ونطقت رانيا اصلا مستحيه لا تحرجونها
نواف بضحك : وجهها حمر
اوس: كيفك بنت العم
يقين ناضرته بكرهه : بخير
سعد : نورتي
يقين : تسلم
حضنتها ناديه وناضرهم مشاري بفرح ونطق : انا حاب اقول شي
عمر : تفضل
مشاري : حياك الله في بيتك يابنتي انا كل واحد من عيالي من نواف ويزيد وحتى عيال عمك ورانيا كل واحد منهم معه بيت وسياره وانتي ابيك مثلهم مد لها يده ونطق : هذه مفتاح سيارتك يابنتي وبصراحه ماعرفت وش اجيب لك لون لكن أوس قالي ازرق ان شاء الله تعجبك
ناضرته يقين وعيونها تلمع وكمل مشاري ومد لها علبه وهذه مفاتيح بيتك وقريب مني متى ودك تروحين فيه روحي تبين تخلينه للمستقبل تبين تأجرينه الي يريحك بالنهايه هذا حق من حقوقك
ومد لها كرت وهذه بطاقه يابنتي تشترين الي ودك بها مد لها كيس وهذا جوال شفته توه نازل م قدرت م اجيبه لك 
بكت وقامت بهدوء وقفت رانيا بتروح لها ونطق مشاري : انا بروح لها
لحقها ؛ شفيك تبكين
صدت تمسح دموعها ونطق مشاري : يقين بنتي  شفيك بكت من ناضرت فيه وحضنها ونطقت يقين : ماني متعوده على هالحنان تغيرت حياتي بيومين شعوري صعب كلكم كلكم غمرتوني بالحب من جيت م ودكم تحسسوني اني غريبه تحاولون تتعودون على واتعود عليكم حنان يزيد ونواف انا م عمري عشته مع اخواني الي عايشه معهم سنين كنت اتمنى يحنون على كنت اتمنى ابوي يفكر يهديني اعترف كل الحياه الي تمنيتها فيهم عشتها معكم بيومين بس يبقون اهلي مقدر انساهم للحين مو مصدقه انه م تربطني فيهم صله اشوفكم تحاولون تغيرون من نفسيتي واقدر هذا الشي مرا بس ماقدر اتأقلم بهالسهوله
مشاري بدموع : سامحيني انا السبب بكل الي تمرين فيه ضلمتك وضلمت نفسي معك ياكبر ذنبك يامشاري
يقين : بالنهايه قضاء وقدر ربي اللهم لا اعتراض لكن الي مو قادره اتقبله عيال اخواني الي احبهم أكثر من نفسي شلون م يقربون لي شلون
مسحت دموعها ونطقت : بطلبك طلب تسمح لي اشوفهم؟
مشاري : عشتي معهم سنين وربوك وكبروك واكلوك وربوك ماعندي مانع بس م ودي تنجرحين او يصير لك شي بسببهم ولا تقابلين أحفاد فهد لو أعمارهم كبيره
يقين بدموع : انا تربيت بينهم كبرت معهم
من وعيت ع الدنيا ورد وجوري يقولون لي خاله وهم أكبر مني وريان ونايف وفجر وجوليا ينادوني عمه شلون م اقابلهم؟
مشاري : مو بيدي يابنتي بس بالنهايه م يجوز م يجوز كم اعمار ريان ونايف
يقين : ١٦
مشاري حضنها : ماينفع يابابا
يقين : كانو نقطه ضعفي م ودي انحرم منهم ابقى عمتهم مهما كان كنت احس مشاعر الامومه معهم كانو يرتاحون لي ويحبوني أكثر من اهلهم
مشاري  ناضر فيها : انتي قويه وبتتخطين تبغين تتواصلين معهم او تشوفينهم بوجودي انا واخوانك
اوعدينيي
يقين هزت راسها  بتمام ونطقت : اهمشي م انحرم منهم
مشى مشاري ماسك يدها
ابتسم لها نواف ونطق : بخير؟
هزت راسها ب اي
كان اوس يناضرها وهو عارف كل شي عنها من تنام ل تصحى بس م يحب يبين ل احد قلبه يتقطع عليها من داخله لكن مو بيده شي كل الي وصلت له بسببه وشايف نضراتها له وواضح مو طايقته
حليمه : بطلي هالدموع والبكبكه الي مالها داعي يكفي الألماس الي بيدك والسياره والبيت يعيشوك سنين قدام وش تبغين أكثر من كذا
دقته امل ونطق عمر : حليمه وش دخلك
مشاري  الي يعرف كلام حليمه وطمن يقين بعيونه
امل : رانيا عندك بكرا مدرسه؟
رانيا : اي بس م حداوم
نواف ناضر يقين : اذا َم عندك شي مهم لا تداومين بلاه وجع الراس
مشاري : ليه وش صاير
نواف : البنات الي غدرو فيها يزعجونها بكلام ونضرات البنات عليها
مشاري بعصبيه : من هالمتخلفات ولا وحده منهم تقدر تسوي لك شي عطيني اسمائهم
يقين بخوف من شافته معصب: لا ماعليك اقدر اسكتهم بس مالي خلق لهم
اوس : الهنوف وجمانه ولين؟
يقين هزت راسها ب اي
أوس : اعتبري الموضوع انحل
يقين : بس م ابغا تفصلونهم او تسون بهم شي بالنهايه كانو صحباتي
ناديه ابتسمت ومسكت يدها ونطقت : فعلا متربيه لو غيرها ذمتهم واشتكت عليهم وسوت كل شي
أوس : اصلا م يحق لهم يقولون اي شي انتي م ودك واوعدك ينفصلون
يقين بعناد: بس انا م ابغاهم ينفصلون انا بختير الاختبارات النهائيه وبنقل بعدها يعني ماله داعي
رانيا : تعالي مدرستي تكفين
عبد العزيز : اي مدرسة رانيا ماشاءالله زينه المديره خالتها ونص المعلمات والاداريات معارفنا
رانيا : يعني ابشري بالدرجات والدلع
أوس من غير تفكير : اصلا يقين دافوره م تحتاج واسطات
سعد ناظره : وانت شدراك
يزيد : كان ماسك قضيه ابوها وهو الي يراقبه ف اكيد يعرف عنهم اغلب الاشياء
عمر؛ يعني نقدر نقول أكثر واحد عارف يقين أوس؟
أوس بانكار : صلو ع النبي اعرف اشياء سطحيه مرا وبسيطة
حليمه : اي واضح وانت طول الجلسه تناضر فيها اكلتها بعيونك
قام أوس بعصبيه من بينهم وخرج
ونطق عمر : محد يسلم من لسانك
سعد قام : انا بروح له
أوس كان جالس عند باب البيت يناضر بالفراغ فز من جلس جمبه سعد ونطق : لا تزعل من امي هي كذا تعرفها
أوس :لا ماعليك
سعد : شفيك متضايق الاسبوع دايم تجينا مبسوط وفرحان وتطقطق
أوس : تذكر مو كنت اقولك عن بنت الصباح واحكيك عنها وكنت انبسط اذا جاء طاريها
سعد :  البنت الي تراقبوها بالمركز؟
هز راسه أوس ب اي
وكمل : اعترف اني كنت احزن من حزنها وافرح من فرحها تدري بالاخير تطلع بنت عمي؟
سعد بصدمه : مو منجدك صح
اوس حط راسه على كتف سعد : هي بنت الصباح ياسعد هي
سعد : يعني كلام امي صح
أوس : للأسف وتدري اشوف بعيونها مدى كرهها لي كارهتني بس شغلي يجبرني سمعت كلام من اعز ناسها بسببي عصبت على ولد اخوها قدامها وهذه مو من اطباعي للتخويف وانا مضطر كرهتني ياسعد
اخذت أهلها قدام عيونها
سعد : لا تتعلق فيها بالنهايه بنت عمك وتعرف انو أهلنا م يزوجون من الأقارب و بتعتبرها اختك يا اوس
اوس : هذا الي هاد حيلي بس تدري؟ باخذها غصب عن الكل لو هي تبيني
سعد : الله يفرج همك صل الوتر وادعي الدعاء يغير الاقدار يا اوس
أوس : ان شاء الله مالي الا الدعاء ياسعد
ابتسم وكمل كلامه :تذكر لما كنت اعيب الحب؟
سعد ب ابتسامه: ومن عاب ابتلى
اوس:اي والله ابتليت
سعد : قم وتعال معنا نبغى نضحك ضحكنا يالمهرج
أوس : مضيع ترا
ضحك سعد ودخلو مع بعض
ابتسم من شافها تسولف مع رانيا
ونطق عبد العزيز :خرجت متضايق رجعت مبسوط لهدرجه سعد غير مزاجك؟
أوس : يقول عني مهرج
رانيا : وهو صادق
امل ضحكت عليهم وكانت يقين تحاول تتعود عليهم وتسولف معهم قد م تقدر
مشاري : كم باقي على اختباراتكم؟
رانيا : بعد ذا الاسبوع
مشاري : كله؟
رانيا : من الأحد للاربعاء
مشاري : فاضين الخميس نسافر؟
أوس : وين
سعد : بالنسبه لي كويس ابي ارتاح من الدوام
نواف : كلنا كويس
مشاري : وين ودكم
عبد العزيز : الي تقوله يقين معها
عمر : اي والله يابنتي وين ودك
يقين : والله مادري الي ودكم
يزيد؛ وش الدوله الي خاطرك تروحين لها انتي بس قولي
يقين : عمُان احبها
نواف : ياحظ اهل عمُان والله
ضحكو ونطق مشاري : موافقين؟
يزيد : اتحدى احد يعارض
سعد: اوف تصعيد
حليمه : ليه مو لندن او أسبانيا
امل : انا ماعندي مشكله وبالعكس شي حلو نغير اغلب سفراتنا لندن
ناديه : صح وعمُان م قد رحناها نتعرف على عادتهم وتقاليدهم
حليمه : نسكت ونمشي ورا هالطفله وش ورانا
عمر بعصبيه : كلميه لا تخليني احرجك قدام الكل م تبين تروحين اقعدي وانتي ساكته لا تنكدين ع الغير محد ناقصك
مشاري : أهدأ حصل خير خلاص
يزيد : اجل ضروري نروح المول نختار شنط لك موافقه؟
رانيا : اكيد بتوافق بروح معكم
أوس : قسم رانيا متحمسه أكثر من يقين
ضحكو ونطق عبد العزيز؛ من حقها والله اخيرا معها بنت محد قدها والله
نواف : الظاهر م بنشوف اختنا كثير والسبب انتي
ناديه : هيا الحين تتهاوشون على يقين
يقين كانت تبتسم بينهم
امل: ياكثر هوشات نواف ورانيا الله يعين
رانيا : هو يعاندني
نواف : بسمح لك تعانديني بكل شي الا يقين لوسمحتي
رانيا : مافي وبقعد عندكم ببيت
أوس : مو حلاوه ترا تقعدين عندهم
رانيا؛ الا يقين تبغاني ناضرت ب يقين
ردت يقين : اي صح ابيها
نواف : يعني م تبيني
مشاري : خلاص عاد ابلشتو بنتي مزعجين
نواف: اح
رانيا : تجرح والله
عبد العزيز: وهو صادق
سعد :امنيتي نواف ورانيا يعقلون رانيا وعذرها معها توها ١٨ انت ٢١ وش عذرك
يزيد : عاد كلنا الشكوى لله
ناديه ناضرت يقين : ودك تنامين عندنا اليوم؟
رانيا : لا توافقين بعدين نواف يشوفك أكثر مني
نواف؛ وخري بس وافقي يايقين بندلعك دلع
عمر ضحك: مالهم حل
عبد العزيز : وربي طباين
مشاري : ان ودك تقعدين هنا اقعدي وان ودك ترجعين بيت يزيد عادي يابنتي مافيه مشكله
يقين ب ابتسامه : اغراضي ف بيت يزيد ف افضل ارجع هناك
مشاري : الي يريحك يابابا
رانيا :انا ويقين بنسوي لكم فشار وبنرجع تسمحين لنا ياعمه ناديه؟
ناديه : البيت بيتكم يابنتي
أوس : مصروعه
امل : خليها مبسوطه ياعمري هي