لا الدار داري ولا المكان مكاني عبثت بديار لست املكها

بارت 11

قفل جواله بملل مسك مكان العمليه بالم وحاول يقوم
نواف من شافه : بسم الله ليه تقوم
أوس : لا تعطون يقين الجوال
نواف: ليه
أوس : اكره الشهره واكره كل شي شوف كلامهم
نواف: ياخي لا تهتم
أوس؛ ماعليك مني انا متعود بس يقين بيتعبها الكلام
نواف: ياخي الناس مادري وش تبغى
أوس : يحسبون اني سحبت على بنت الصباح وأخذت يقين
نواف ضحك : وهي نفس الشخص
أوس : محد يدري انها بنت الصباح
نواف من شافه فتح الباب وخارج: وين رايح انت
اوس: عند يقين
دخل معه نواف
يزيد: جاك النشبه
ضحكت يقين
يزيد : بتنفتح عمليتك وانت رايح جاي م ارتحت
جلس أوس ع الكنبه ب الم ونطق : راحتي هنا
ابتسمت يقين ونطق يزيد: يابني افهم البنت م تحبك
أوس : انت طرف ثالث
ضحكو ونطقت يقين : جوعانه
نواف؛ تبشرين ب احلى اكل وش ودك
أوس : حتى انا جوعان
يزيد: شفتي كيف ناشب
أوس؛ الانسان م يجوع؟
نواف؛ وش ودكم ماعليكم من يزيد غيران
يزيد: اسكت انت الثاني
يقين : مكرونه
أوس : زيها
نواف : تبشرون بجيب لكم على ذوقي وانت يا يزيد تبغى
يزيد: اكيد مو بس هم جوعانين
أوس ناضر يقين الي تضحك بألم :شفتي كيف زعلان
يقين : مهما تغير كل شي تبقى اخوي وحبيبي وسندي
أوس : اوف اوف
يزيد؛ تبشرون بأحلى اكل
ضحكو ونطق أوس : كلم عمي يخليهم ينقلون السرير هنا ولا انا انقله بنفسي
يزيد : يابني ارتاح محد بينقله
يقين : وش السالفه
يزيد: أوس يبي يقعد معك بالغرفه
أوس :كلها 10 ايام تخيلي اقابل فيها وجه سعد ونواف ويزيد
يقين ضحكت
أوس : هاوشي يزيد
يزيد يقلد كلام اوس:
خرج يزيد أوس ناضر يقين : باين عليك التعب نامي
يقين:نفسي انام بس مقدر احس ابغا سريري هنا متعب
أوس :كلنا والله بس تهون كلها كم يوم ونرجع
يقين :جوالي مع نواف ابيه غريبه ما جابه
أوس؛ الصدق انا قلت له ما يجيبه
يقين باستغراب :ليه
أوس :الناس يقولون كلام مو منطقي وغبي ف انقهرت م ابيك تشوفينه
يقين؛ ما اهتم بس مثل أيش
أوس : انو سحبت على بنت الصباح وتزوجت بنت عمي وانو الرجال مالهم ثقه وانو احنا بالمستشفى بسبب دعوات بنت الصباح لان دعوة المظلوم مستجابه
ضحكت يقين وضحك معها أوس ونطقت يقين؛ بالعكس يضحك والله
أوس :توقعتك تتضايقين
يقين : ليه اتضايق وانا نفس الشخص
ابتسم أوس من كلامها: ونطق الحمدلله انك زوجتي
دخل عمر ومعه يزيد
أوس؛ جاء النشبه
ضحك عمر عليهم: خلاص ارتاحو وانت روح غرفتك بتتعب
وناظر اوس وكمل : لحد يزعج يقين بنتي تعبانه شوي
دخل نواف ومعه الاكل
عمر : مو عشانه مستشفى عمكم تاخذون راحتكم
ضحكو ونطق عمر: امزح معكم عيالي انتو وعيوني لكم سوو الي تبغوه اهمشي تكونو مبسوطين وبصحه وعافيه
حضنه نواف؛ اطلق عم
أوس : الله لا يحرمنا
عمر: يلا بطلع اتطمن على المرضى
يزيد : بالتوفيق
عمر بتهديد؛ لحد يزعج يقين
ضحكو من كلامه
أوس كان خارج غرفته من شاف يزيد ياكلها: ترا عندها يد تاكل
يقين ضحكت: ما ودي احرك يدي وفيها ابره يخوف
يزيد؛ لا تبررين له خليه
ضحكت يقين وكانت تلاحظ كيف يحاولون يلطفون لها الجو وحتى أوس رغم تعبه الا انه يحاول وتشوفه يتألم