لا الدار داري ولا المكان مكاني عبثت بديار لست املكها

بارت 9

انصدم من شافها تمشي وراه ومعها رانيا
ونطقت رانيا : اقعدو بالمجلس الثاني وخذو راحتكم لا تستحون وترا دقايق وبجي ازعجكم
مسك يدها أوس ودخلو المجلس سوا وقعدوا
كان الصمت سيد المكان
أوس : ادري انك ما وافقتي علي برضاك كله عشان وصية ابوك
هزت راسها ب اي
كمل  أوس :صرتي نصيبي وزوجتي بتبقين كذا معي؟
يقين بدموع: احس بشعور غريب معك ماعرف كيف
أوس : تتعودين مع الوقت
يقين : ليه حبيتني
اووس :قلبي م اختار الا انتي والحمدلله طلعتي بنت عمي
يقين : الي صار بعمان صدق؟
هز راسه ب اي
أوس : حددي موعد الزواج والي تبينه يصير
يقين : ابي اكمل جامعه وابي اتوضف بالشركه مابي يكون فيه عائق لي
أوس :الي تبينه وانا معك بكل خطوه
كمل أوس : لييه احسك مو مرتاحه معي ليه كارهتني؟
يقين بدموع : تعرفت عليك بيوم مستحيل انساه بحياتي اسوء يوم بالنسبه لي كلامك معي هذاك اليوم م انساه صراخك على نايف م انساه احس فعلا كرهتك كلامهم عني بسببك م انساه لو مو وصية ابوي م تزوجتك ياوس
أوس : وان قلت لك كان كله عشان شغلي وهذاك الشخص كان شخص ثاني كان لازم ابين لك قساوتي وجمودي عشان القضيه
يقين بقساوه:وكانت كافيه اني اكرهك بكل مافيني
أوس :بس انا حبيتك بكل مافيني

خرجت وهي مستغربه من كلامها الي قالته هي ممكن تحس بشعور تجااهه لكن تكذب نفسها لا مستحيل احبه اي انا اكرهه اكرهه
كانت يوميا تشوف كلامه عنها وتبتسم ليه الحين تكابر وتخفي شعورها كلامها صح انها عرفته ب اسسوء يوم بحياتها بس هل فعلا تكررهه؟

خرجت وهي ضايعه بينهم كانت تحس بشي غريب من كلامها جلست بينهم وابتسمت بمجامله
استغربت المار من ملامح يقين راحت للمجلس الي كانت يقين فيه واوس وقابلت أوس خارج ناضرته ونطقت : اسلوبها مزعج صح وماعجبتك؟؟
استغرب أوس من كلامها تجاهلها ومشى
لحقته المار: شوفني تراني احلى منها واحبك اوس
مشى أوس بانزعاج وهو مايعرف مين ذي
طلع سيارته بعصبيه مخه مشتت باله مو معه
كل الي بباله "اكرهك بكل مافيك"
ساق بأسرع ماعنده وبكل عصبيه

كانت يقين متوتره وودها تروح تعتذر على كلامها ماكانت عارفه وش تسوي
نزلت للحوش وجلست لمحها
يزيد ونطق :شفيك قاعده هنا
يقين : احس مادري جتني مشاعر حلوه لما لبسني الخاتم
يزيد :يمكن تحبينه
يقين : ماعرف احس نصي يحبه ونصي لا
يزيد: ماشفته من نزل ولاجاء عندنا
يقين : قلت له اكرهك ويمكن تضايق
يزيد ناضرها بجمود: يقين منجدك؟
يقين :ماعرف وش جاني والي خلاني اقول كذا تكفى دق عليه
يزيد : مايرد
يقين بخوف: يزيد تكفى
يزيد : اصبري
يقين : ليه م يرد
يزيد: هو اذا عصب او تضايق يطلع سيارته واخاف يسوق بسرعه بروح ادور له
يقين :انتضرني بلبس عبايتي
يزيد: لا خليك
يقين: يزيد تكفى انا السبب
يزيد: قولي لهم بوريك حاجه
اخذت عبايتها وقالت لهم يزيد يبغى يوريها حاجه وطلعت بتوتر

طلعو السياره وحركو
بعد ساعه ونص

فز من دق جواله : السلام عليكم
يزيد: وعليكم السلام
: انت دقيت على الرقم أكثر من مرا صح
يزيد يخوف : اي
: يقرب لك؟
يزيد: اي وينه صاحب الرقم
: سوا حادث واسعفناه مستشفى.........
يزيد بخوف وارتباك : بجيكم الحين
يقين ناضرت يزيد يخوف :وش صاير
يزيد: سوا حادث بمستشفى عمي
يقين شهقت بخوف ونطقت : بسببي والله بسببي
يزيد: اهدئي
يقين بدموع : انا غبيه غبيه
يزيد يخفي دموعه : يقين ماصار شي ان شاء الله بخير
وصلو المستشفى يدورون اسمه دق ع الرقم ورد عليه يوصف له الغرفه
يزيد سلم ع الرجال ونطق يزيد :وش صار وينه
: بالغرفه يفحصونه
يزيد: انت ساعدته؟
:اي كان يسوق بسرعه وفجأه وقف وانا كنت وراه انتبهت له وخفت يكون صار له شي بس لقيته مغمى عليه والحمدلله ربي سلمه
يزيد: يعني م صار له حادث؟
: اي بس إغماء للان مانعرف من ايش
دخلت يقين الغرفه بدموع انصدمت من شافته فعلا مغمى عليه ع السرير وحوله الابر
حضنته بخوف ونطقت : اسفه اسفه والله الكلام مو من قلبي تكفى أوس
فتح عينه من حس فيها وسمع صوتها اكتشف انها م انتبهت ورجع يغمض عيونه ويسمعها
يقين بدموع: سامحني أوس كله بسببي الكلام الي قلته مو من قلبي والله