لا الدار داري ولا المكان مكاني عبثت بديار لست املكها

بارت 8

مسك يدها سعد  ونطق : امي انزلي واحنا وراك
رانيا : اي عمه افضل
حليمه مسكت رانيا: وانتي معي
ضحك سعد بانهيار من التوتر وريهام معه
المصوره بضحك : صورتكم صور عفويه لا نهائي
سعد يضبط نفسه: يالله بداية خير علينا يارب
ضحكت ريهام وناضرته : امين يارب

بدأو ينزفون والكل مبسوط ومتحمس

كانت ريهام مبسوطه اخيرا بتاخذ الشخص الي تمنته رغم معرفتها انه م يحبها وعقيم لكن من حبها له وافقت عليه م اهتمت ل كلام حليمه اليي تعرف اطباعها وهي كذا مع الكل
بدأو يرقصون سوا ونطقت : مبروك لنا
كان سعد يناضر ف ابتسامتها بكلامها ومشاركتها الضحك معه ابتسم لها وكملو يرقصون سوا

الكل مشى وبدأو العاملات يلمون الأغراض
يقين شالت كعبها ونطقت :تعبت منه بخرج حافيه ضحكت رانيا: وانا معك
لبسو عبايتهم ونطقت يقين : م دقيت على يزيد
رانيا : أوس قالي برا هو والعيال
رانيا : مشو مياسه ويوشا؟
يقين؛ اي تقريبا انا وانتي اخر ناس
رانيا: انكرفنا كرف
يقين: يستاهل ولد العم
رانيا : اي والله
خرجو وكعوبهم وشنطهم بيداتهم وفساتينهم أطول من العبايه تسحب
كانو نواف واوس عند الباب جمب سياراتهم ينتضرون البنات
رانيا من خرجو بصدمه : رانيا الحقي الكاميرات
يقين:انفضحنا وين السيارات
ضحك نواف على أشكالهم من طلعو ونطق : هذول مو رانيا ويقين
ضحك أوس : الكاميرات تصورهم رح خذها
أوس ونواف مشو لهم بضحك
مسك نواف يد يقين واوس يد رانيا
طلعو السياره وضحك نواف بانهيار : وربي تطلعون ترند ويطقطقون عليكم هذاا واحنا ناس راقيه
ضحك يقين بانهيار : انخرشنا من شفنا الكاميرات فوجهنا
نواف بضحك؛ وربي اخذكم طقطقه انتي ورانيا
يقين بضحك : هذا واحنا خارجين اخر الناس وش ينتضرون ليه م يرحون
نواف : اكيد شافوني انا واوس وعرفو
يقين تمسح دموع الضحك؛ انتو السبب
نواف بضحك؛ المعذره

أوس بضحك : شفيكم شايلين الكعوب كذا
رانيا بفشله : تعبنا توقعنا مافي احد بس انتو فضحيه
أوس : حصل خير اهمشي ضحكنا
رانيا : لهدرجه اشكالنا كانت تفشل؟
اوس؛ احلى ثنتين بحياتي صدقيني بعد امي طبعا
رانيا انتبهت له لابس البشت  ونطقت؛ غريبه للحين
لابس البشت مو عادتك اصلا تلبسه بالسياره
أوس بارتباك: عادي بس كذا
كانت تحكيه وش صار وايش سوو
وفجأه شافته يشم البشت ونطقت بضحك : اها عرفت ليه لابسه وتشم فيه
ضحك أوس : مافي شي
رانيا : فيه اشياء والله بنت الصباح م سوت خير
أوس ابتسم من قالت بنت الصباح

نواف : بيت يزيد او بيتنا؟
يقين؛ بيتكم اشتقت لعمتي
نواف وقف السياره ونطق  : نسولف شوي؟
يقين : ليه لا وش ودك
نواف : تكملين جامعه؟
يقين : ان شاء الله  قدمت انتضر القبول
نواف: قالي يزيد ع الوصيه وشب  بتسوين؟
يقين : ماعرف للحين ضايعه
نواف : تدرين لما عطيناه البشت جلس يشمه ويبتسم؟ واستقعدنا له انا ويزيد وسعد و قلت مين تحسون بعد سعد بيتزوج وكلنا قلنا أوس ورد علينا إذا من بنت الصباح ان شاء الله
سكتت بهدوء ناضرت الشباك
كمل نواف : كلنا مدركين حب سعد لبنت الصباح وعارفين حبه لها صدقيني يحبك من قلبه
بس بالنهايه القرار قرارك وهذه حياتك
فزت من دق يزيد على نواف :وينك
نواف حرك السياره : يلا بالطريق الواحد م يسولف مع اخته
ضحك يزيد؛ خذو راحتكم
وصلو البيت وجلست يقين بفستانها
مع نواف وناديه ويزيد
فز يزيد من دق جواله : هلا اوس
أوس : الحق شف البنات صورهم بكل مكان
يزيد بس استغراب؛ وش صاير
أوس : شوف بس شوف
قفل يزيد وناضر نواف ويقين : وش صور البنات
فتحت يقين جوالها تشوف
انهار نواف ضحك ونطقت يقين : والله م تفشل اشكالنا حلوه بس عشان شلنا الكعوب بيدنا؟
يزيد ضحك :وتبتسمون للكاميرا بعد
يقين بضحك : اصلا انخرشنا طلعنا وهي فوجهنا
ناديه اخذت تشوف الصور وضحكت وضربت نواف ويزيد بمزح ونطقت: مايضحك يازينهم أكثر ثنتين اشتغلو
يقين؛ قولي لهم ياعمه
ناديه: ماعليك منهم والصوره حلوه وابتسامتك محليتها
حضنتها يقين ونطقت : شكرا
ناديه؛ تصدقين كان شكلك ولا غلطه والكل يسال عنك تبارك الله
يزيد : محد يلومهم ماشاءالله
نواف : مافي طلعه لمدة سنه
يقين : لا يشيخ
نواف: اي لاني اغار على اختي
يزيد: وش هالغيره
يقين ناضرتهم بهدوء : ابغا اروح بكرا دار الايتام
ناضروها ب استغراب ونطق نواف : بسم الله ليه
ناديه : ليه يابنتي
يقين : قبل فتره طلبت لهم طلبيه العاب وهدايه وابغا ازورهم ييمدي؟
يزيد : ليه لا بس بشرط تقوين نفسك وتروحين بسيارتك
يقين : لا تكفى اخاف
نواف؛ معك الرخصه وتعرفين ليه الخوف
يقين : برضو يخوف
يزيد؛ انا بكرا فاضي وبمشي معك ماعليك
نواف : وانا بعد بجي وماعليك واحد يحرسك من اليمين والثاني من اليسار كل شي الا خوفك
ضحكت ونطقت : م انحرم شكرا
يزيد : ترجعين البيت؟
يقين : بقعد هنا للصباح مابقى شي
ناديه : حياك الله يابنتي البيت بيتك
يقين : الله يحيك
نواف يرسل لها الصوره : شوفي بالله والله يضحك
يزيد رمى عليه المخده بضحك: خلاص يافله
نواف : تبين ترفعين عليهم قضيه؟
يقين؛ اذا برفع قضيه برفعها عليه
ضحكو ونطقت ناديه  : صادقه والله قامت وكملت : يلا انا بروح انام
يقين؛ نوم العوافي
نواف يشوف كلام الناس ونطق : مين المار؟
يقين ناضرته : اخت ريهام
نواف : اوف زوجه سعد
يقين : اي ليه
نواف : غبيه شكلها ماتعرف مين بنت الصباح ضاييفه كل العائله الا انتي ومسميه نفسها المار واحيانا بنت الصباح
ضحك يزيد بانهيار : ونطق مو صاحيه
يقين باستغراب : طيب يمكن هي
ناضرها نواف : مو منجدك كلنا نعرف انك بنت الصباح الا انتي
يزيد؛ الله يعين أوس اجل
يقين : البنت كويسه معنا يعني م اضن هي يمكن وحده ثانيه
نواف : قلت كذا بس تأكدت انها اخت ريهام منزله صورة فستان أسود وكاتبه اليوم غير
يقين؛ صح كانت لابسه اسود
نواف : يع تقهر كرهتها
يزيد : تتلصق
يقين : عادي واذا تلصقت خلها تاخذه
يزيد : ناضرها مو منجدك صح
يقين : ليه
نواف : اعترف لك ودافع عنك ولقبك وخلا الي يعرفك والي م يعرفك يدعي لبنت الصباح والكل صار يتمنى مكانك وسوا كل شي عشانك وباقي م تحبينه ولا تبينه
يقين : اذا بوافق على أوس اعرفو انه عشان ابوي مو اكثر
يزيد: الحب مو بيدك اعرف بس صدقيني أوس يحبك من كل قلبه
نواف: فعلا البشت وحالته اليوم م انساها يشهد علي ربي من سنه واوس ماهو أوس يايقين أوس تغير م كان كذا ابدا
يزيد : احنا كاخوانك م بنجبرك على شي ومعك فكل قراراتك بس صدقيني أوس مافي مثله
يقين: طيب تزوجنا وبعدين؟
نواف : وبعدين؟
يقين : اي طيب بس كذا؟
يزيد : الحين تأكدت ان فعلا عمرك ١٨
ضحكو ونطقت : ياخي مو متعوده عليه ماعرف كيف اكلمه كيف اقعد معه صعبه انا مو بس مو متقبله أوس انا مو متقبله الزواج بكبره
نواف: يمكن لاننا اولاد مو قادرين نفهم عليك
يقين : تقريبا
يزيد : استخيري وخذي راحتك وبلغينا
يقين؛ يعني اذا تبون الصدق سوا ارتحت او م ارتحت بوافق عشان وصية ابوي ماعندي خيار ثاني
صرخ نواف بكل صوته: اييي هذا الي نبيه اخيرا
ضحكت يقين : ياغبي خل اكمل
نواف بضحك؛ اسلمي
يقين بدموع : احس اني صغيره كيف اتزوج وعمري ١٨ وبعدين اجيب اطفال وابتلش بهم وشغلي وحلمي شايله هم كل شي
نواف : يمديك تملكين وتصيرين حلاله بدون زواج ووقت تحسين انك فعلا جاهزه نسوي الزواج
يقين : صعبه يعني لو كذا بقعد طول عمري كذا لاني فعلا ماني جاهزه عندي جامعه وباقي امسك اداره الشركه على وصية ابوي مرا ملخبطه
يزيد : الزواج مو عائق اكيد أوس يتفهم وضعك وبيساندك بدراستك وبشغلك ويساعدك واحس شي حلو بس بالنهايه هذه حياتك وقرارك ومصيرك انتي شوفي نفسك وفكري وخذي راحتك مو مستعجلين على شي
يقين : كيف تحبون انتو احس يع
ضحك نواف : هذه مو بس مو متقبله أوس والزواج هذه الحب بكبره مو متقبلته
ضحكو ونطقت يقين : احس شي غريب طيب ماعرف وش يعني حب م عمري حبيت
نواف حضنها بضحك : يالله يقين
يزيد : تكبرين وتفهمين
نواف: انا اقول لا تتزوجين خلك عندنا
يزيد : اتفق ندلعك لين تشبعين
يقين : هذا الي كان ودي فيه بس مقدر وصية ابوي
يزيد استوعب: انتي للحين بالفستان
ضحكت ونطقت؛ م استوعبت
نواف؛ اروح اجيب لك من ملابسي؟
يقين : لا والله مرتاحه لدرجه م حسيت عادي
يزيد بضحك : بس جيب لها جزمه عشان اذا بترجع
يقين بضحك : والله صدق
نواف : والله بمسكها عليك
يقين ابتسمت بدموع : م عمري ضحكت وانبسطت بالسوالف مع احد هالكثر رغم ان علي هموم الدنيا إلا انكم غيرتو جوي صدق الحمدلله عليكم
نواف : ياحضنا بس
يزيد: يكفي انك جيتي وحققتي أمانينا بجيتك
يقين ابتسمت ونطقت : مين يوصلني؟
نواف؛ حجره ورقه مقص
يزيد بصراخ : فزت فزتتت عشقييي المشاوير مع يقين صدق غير
نواف: احسن اصلا فيني نوم الله يهنيكم
ضحكت ولبست عبايتها ونطق يزيد؛ تكفين البسي جزمه
يقين؛ بنزل الصوره بحسابي منكثر م انها حلوه