لا الدار داري ولا المكان مكاني عبثت بديار لست املكها

بارت 5

مشاري : محد يعرفها الا هو ونقوله بنروح تخطبها  لك يقول عندها ظروف
يقين : حتى رانيا م تعرفها
مشاري : محد مغير يتكلم عنها بحسابه واذا كلمناه بالحقيقه يستحي ويجحد يقول محد

دخلت المستشفى وناضر بها ابوها ونطق : تدرين ليه جبتك المستشفى بالذات ووافقت على طول نروح؟
يقين : ليه
مشاري : هذا المستشفى الي ولدتي فيه انتي واوس بس
عبد العزيز : كان أوس الوحيد الي انولد هنا وصار أوس ويقين معه ماشاء الله
مشاري : ودكتوركم واحد لو م تدرون
يقين : مين هو؟
مشاري : انس المرزوقي
أوس : ماشاءالله الكل يمدحه يقولون دكتور شاطر
عبد العزيز: يلا ندخل
دخلو وكانت يقين تناضر بممرات المستشفى فزت من سمعت عمر :يامرحبا باخواني وعيالهم
عبد العزيز : مرحبا بك
مشاري : جينا نعرف يقين ع المستشفى الي انولدت فيه
عمر : اهلا وسهلا يابنتي ابد حقك وضروري تشوفون الدكتور انس
عبد العزيز : اي ومنها نبغا نشوف الدكتور سعد ال سالم
عمر ضحك : ماعليكم اول واحد تشوفونه
مشاري : ان شاء الله م عنده مريض
كانو يتمشون بممرات المستشفى فز أوس بصوت مرتفع : دكتور سعد
سعد بصدمه من شافهم : وش جابكم بسم الله
يزيد : نتمشى ونعرف يقين على المستشفى
سلم عليهم سعد ونطق :ياهلا ببنت العم نورتي
يقين : تسلم
عمر : تعرف وين الدكتور انس؟
سعد : اي راح يفطر بالمطعم
يزيد : حالفين م نخرج من المستشفى الا واوس ويقين شافو الدكتور انس الي ولدهم
سعد ناضرهم : منجد؟ بنفس اليوم؟
عبد العزيز: لا بس ولدهم وهم الوحيدين الي انولدو بهالمستشفى عكس نواف ويزيد و َرانيا وانت
سعد : ليه كلنا بمستشفى واحد معدا أوس ويقين ليه مو معنا
أوس : بتودينا لدكتور انس ولا مطول
ضحكو ونطق سعد: شفيك هالايام منفس وش مسويه بنت الصباح
عبد العزيز : والله واضح لاعبه فيه لعب عقله مو معه له يومين
أوس : مالها دخل بنت الصباح
يزيد : تراك مفضوح كل تغريداتك عنها حتى يقين تسأل مين بنت الصباح
مشاري : تبيها يابني الحين اروح اخطبها لك
اوس بتوتر و ارتباك :تبغون نلحق نسلم ع الدكتور او امشي وراي اشغال
عبد العزيز : دايم يتهرب كذا
عمر :الله ييسر حاله ويكتبها من نصيبه

الدكتور انس : هلا ومرحبا دكتور عمر
عمر : هذا مشاري وهذا عبد العزيز اخواني
الدكتور انس سلم عليهم ونطق: يا اهلا وسهلا معروفين ماشاءالله
عمر آشر على اوس ويقين ونطق : هذا أوس وهذه يقين ولدتهم على يدك
انس بصدمه : لا مو منجدك
عمر ب ابتسامه : اي والله
سلم انس على اوس ونطق : كم عمرك ماشاءالله
أوس : 24
انس بعدم تصديق : ماشاءالله وانتي يابنتي
يقين : 18
سعد بعدم استيعاب : ان شاء الله تولد طفلهم
مشاري وعبد العزيز وعمر ويزيد ناضروه بعدم فهم
فز سعد من قرصه أوس
انس : يعني متزوجين؟
يقين صدت بانزعاج
عمر بانحراج : لا بس الدكتور سعد مادري شفيه
سعد يرقع : اقصد يعني لو أوس تزوج بنت الصباح تولد زوجته ان شاء الله ونفس الشي يقين اذا تزوجت يعني اقصد ماقصد شي
الدكتور انس: ان شاء الله ليه لا إذا ربي كتب لنا عمر وعافيه
مشاري : ان شاء الله يارب
انس : مرا اسعدتوني صراحه شعور غريب اني اشوف الي ولدتهم قدامي الله يوفقكم يارب
عبد العزيز ابتسم وياك يارب
فزت يقين من دق عليها رقم وردتت: عليكم السلام مين
..... : مين قدك يابنت مشاري انشهرتي والفلوس تجيك لعندك جاهزه
يقين بعدم فهم : مافهمت مين انت صوتك مو غريب علي
....: قدرتي تتخلين عن اسمي بهالسهوله ولا فكرتي باختك الي ربتك ولا بناتها ولا اخوانك ولا عيالهم وعلى طول رحتي لهالغرباء واندمجتي معاهم
يقين من عرفت انه فهد بدموع : ماتخليت عنك انت الي تخليت عني وكلهم تركوني كلهم لاموني اني دخلتك السجن وانا مالي علاقه انا الي كنت أبكي واقول ابوي م يسويها سمعت كلام من احفادك ومن بنتك ومن زوجات عيالك ولا وحده منهم اهتمت لي نوره طردتني من بيتها هي وبناتها وش تبغاني اسوي يكفي الحقيقه المُره الي قاعده اعيشها
فهد : واضح مُره وانتي مبسوطه عليها تتحضنين ب مشاري وعياله ومالك يومين تعرفينهم
يقين بعصبيه : ع الاقل اخواني الحقيقين انت نجس شلون خليتني اجلس مع عيالك ومابيني وبينهم اي صله ليه انت بكبرك مابيني وبينك صله اصلا
فهد بضحك : الي تقولين عنهم مابينك وبينهم اي صله ربوك واكلوك وشربوك
يقين : م انكر صح عيشتني واكلتني وشربتني وكنت بالعين وعلى الراس بس شلون م انبك ضميرك
فهد : عموما حبيت اقلك اني اكرهك وطول عمري ببقى اكرهك يابنت جميله خلي مشاري يسمع سوالفك ويصير حنون عليك الي م بتلقينه عندي تلقينه عند مشاري وسلمي لي عليه وخليه يشكرني اني ربيتك سنين وصرت لك الاب
قفلت يقين لمكالمه بانزعاج ودموع ومشت
مشاري ب استغراب : الحقها يا يزيد
عبد العزيز : شكل فهد يضايقها
دق أوس ع المركز : امنعو من فهد الاتصال لمدة شهر واذا كرر ازاعاج يقين بنت مشاري امنعو لمدة شهور
مشاري : وش صاير ياعيون بابا
ناضرته يقين بانهيار : ليه ليه مجبوره اعيش كل هذا ليه ليه مهما حاولت اتعود يجي شي ويكسرني ليه مقدر انسى ليه علقني فيهم بعدين يروح ليه انا قلبي وعقلي وتفكيري كله مع ال صالح انا منهم وفيهم مهما قدرت اكذب قدامكم اني بخير انا مو بخير صدقوني انا مو قادره اندمج معكم اعترف م قصرتو علي بشي غرقتوني بالحنان والحب من جيتكم لكني خايفه خايفه اتعود ويطلع كل شي كذب مثل فهد وعياله كل م اتخيل انهم م كانو يقربون لي اقرف من نفسي كيف ما يطلعون محارمي ومن دمي كيف
يزيد آشر ل اوس انه بيأخذ السياره بقهر من كلامها ونطق : اطلعي السياره اوصلك
طلعت السياره بدموع
تنرفز أوس من سمع شهقاتها وناضر سعد : اعطيني مفاتيح سيارتك
عطاه المفتاح سعد وطلع جمبه
سعد : وين بتروح
ناضره أوس بعصبيه ورمى شماغه وعقاله للمرتبه الي ورا وكمل يسوق بأسرع ماعنده
اوس بدموع : كل م اقول بتتيسر تتعسر انا عجزان عجزان ياسعد مو قادر اسوي شي وكله بسببي انا الي دمرت حياتها انا السبب تناضرني بنضرات استحقار وكانها كارهتني ليتني م مسكت هالقضيه من مسكتها وانا عقلي مو معي ليت قلبي مايحس ليت يصير حجر وماحب ولا اكره ولا احس تعبت ياسعد تعبت الكل يسالني مين بنت الصباح كنت اقول عسى ربي يقربها مني وطلعت بنت عمي والحين ماقدر اتزوجها بيني وبينها الفف حاجز وكل م اشوفها متضايقه اتضايق أكثر مستعد اشتري كل احزانها واعطيها السعاده اهم شي تبقى مبسوطه سمعت يزيد وش يقول؟ حتى هي تسال مين بنت الصباح ماتدري ان هي المقصوده بكل كلامي ماتدري ان هالقلب مايفكر الا فيها
سعد : هدي السرعه وانت مو عجزان بيدك الدعاء تقدر تدعي الدعاء اقوى سلاح وربي بيسرها صدقني انت مو السبب هذا قضاء وقدر ربي ربي كاتب لها تعيش ذا وبنت عمنا قويه وهي قده وبتتخطى متأكد بنت الصباح بتكون من نصيبك تفائل وخل إيمانك بالله قوي مردها تعرف مين بنت الصباح
أوس وقف السياره وناصر سعد : سمعتها وش قالت سعد هز راسه ب وش
أوس كمل بقهر : "قالت كل م اتخيل انهم م كانو يقربون لي اقرف من نفسي كيف ما يطلعون محارمي ومن دمي"خيبو كل ضنونها كانت تحبهم أكثر من نفسها وانا الشاهد نجس هو وعياله لو بيدي اهد فكوكهم هد اخ احاول اخفي اهتمامي ونضراتي لها قدام أعمامي ويزيد يا سعد شعوري صعب صعب كاره نفسي كاره كل شي ماخذ اجازه من دوامي وهربت من المركز عشان م افكر فيها ولقيتها بالشركه مقدر انساها انا كل م اتذكر كلام أعمامي وابوي قلبي يحترق يوم قالو مستحيل احد من عيالنا يتزوج من بنات عمه وممنوع عندنا ذا الشي ومايعجبنا ومعطين نفسهم وعد عشان م يجبرون عيالهم طيب وش ذنبي؟ وش ذنب قلبي ياسعد انهلكت