لا الدار داري ولا المكان مكاني عبثت بديار لست املكها

بارت 13 النهايه

يزيد : بتقعد معك عاملتنا و سواقنا موجود اي شي تبينه دقي علي
جيلان : تمام
يزيد: ولا تفكرين تهربين البيت مراقب
تنهدت بدموع
نزل يزيد يدق على اوس

بالطيارة كانت مستغربه من توتره وسكوته
تجاهلت الموضوع وجلست تتأمل من الشباك
فز من دق جواله ورد : هلا يزيد
يزيد: مختفي هالسعود م تكلم للحين
أوس ناظر يقين : إذا وصلت اكلمك
يزيد: اخاف يسوي بالمصوره شي
اوس: لا تخاف بخير ان شاء الله
يزيد؛ يلا خلاص انتبه على يقين
اوس:ابشر
ناضرته يقين : يزيد؟
هز راسه اي
يقين ب استغراب: شفيك متوتر فيه شي؟
أوس ب ارتباك: لا ليه
يقين :مدري اشوفك ساكت وتهوجس بالشباك
حط راسه على كتفها ونطق :جتني لحظة ادراك الدعوه و الامنيه الي اتمناها تحققت وهي جمبي الحين
ابتسمت يقين ونطقت : دقيقه بنستأجر بيت؟
أوس : بيتنا جاهز بس ناقصه احنا
ابتسمت و ناضرت من الشباك كانت حاسه ان فيه شي بس سكتت

رانيا مع صحباتها
الماس؛ ماشاءالله يا يقين الزواج ولا غلطه
لمياء؛ اي صدق ماشاءالله يهبل وبنت الصباح تجنن ماشاءالله
رانيا : اي ماشاءالله الحمدلله
الماس : وين ودكم نروح؟
لمياء: نروح مطعم نفطر وانا اختاره
رانيا : تم وعلى حسابي بمناسبة زواج بنت الصباح والاستخباراتي اوس
ضحكو وحركو للمطعم

نواف: توني وصلت العرسان الطياره الله يوفقهم
ماجد : ماشاءالله الله ييسر امورهم
نواف: امين
نواف : وين نروح الحين
فيصل : بموت جوع واختارو مطعم ومشينا
ماجد : فيه مطعم عليه مدح خل نروح نشوف فطورهم ونجربه
نواف :ليه لا مشينا
حركو للمطعم

ناديه رجعت للبيت وكانت تناضر صور مشاري بدموع ونطقت : وحيدتك اليوم كان زواجها وطاعتك وسوت وصيتك يابو يزيد ليتك موجود وشفتها بفستانها الأبيض ملاك ع الارض يا مشاري ليتك معنا وتشوف فرحة اخوانها واعمامها الله يرحمك ويغرفلك
حطت صورته على كومدينتها ونامت بدموع

امل : مادري وش فيه مستعجل على الرياض لكن الله يوفقهم
عبد العزيز: اهمشي هو مرتاح يكفي
امل : اي والله
عبد العزيز: رانيا م رجعت؟
امل : بتروح مع الماس ولمياء يفطرون
عبدالعزيز ابتسم: كويس يتونسون بعد الزواج
امل : اي والله

كانو ينتضرون طلبهم
الماس لاحضت رانيا الي تبكي بهدوء ونطقت : بسم الله شفيك
لمياء من انتبهت لها: بسم الله رانيا وش صار
رانيا بدموع : وحشوني من الحين
ضحكت لمياء و حضنتها
الماس : مسرع يا رانيا
رانيا بدموع: يعني تخيلو م اشوف أوس سنتين او ثلاث او مثلا م اكلم يقين يوميا
لمياء: عادي تروحين لهم بين فتره وفتره وهم يجونكم بين فتره وفتره اكيد لا تشيلين هم
الماس : صادقه لمياء لا تشيلين هم

ماجد يناضر بالمطعم :وربي فخم
فيصل؛ اي ماشاءالله حلو ننتضر اكلهم ونشوف
نواف : الأطباق تشهي مرا تحمست
ماجد يأشر لنواف : ذي مو بنت عمك
نواف انصدم من شافها وتنهد : اي هي
فيصل :تبكي شوف
نواف بضيق :اكيد على اخوها عادي
ماجد؛ شفيك كانه م يهمك روح شوف بالنهايه بنت عمك
نواف بتوتر : خلوها على راحتها مع صحباتها ولا اقول شرايكم نروح مطعم ثاني؟
فيصل؛ توك متحمس الأطباق والطلب الحين بيجي وين نروح خليك
ماجد : م يبي بنت عمه تشوفه
نواف بارتباك : م تفرق معي شدخل
فيصل : لازم نتعرف على خطيبها
نواف بعصبيه : مو من الجماعه م نعرفه كثير بعدين وش تبغون فيه
ماجد : م قلنا شي شفيك