♡ •ملكت قلب أمير• ♡

الفصل الثاني

شهقت بخضة ثم قالت / يا عم خضتني و بعدين ايه ده انت بتعمل ايه هنا؟ !

أمير / ايه ده هو انتِ

ثم اقترب منها بالكرسي المتحرك و قال / انا اللي المفروض اسألك السؤال ده

رنا بتوتر / انا... انا

أمير / اهدي هو انتِ متوترة كدا على طول

رنا / اه.. لا.. قصدي... يووه بقى

ابتسم أمير ثم قال في نفسه / نفس البراءة والتوتر والجمال لسه زي ما انتِ
ثم قال لها / اهدي بس كدا و خدي نفس و بطلي التوتر اللي انتِ فيه ده

رنا بهدوء/ دي اوضتي

أمير / و دي اوضتي

رنا بإستغراب / ثواني بس هي البلكونة لالا

أمير / للاسف اه مشتركة

رنا / هو للاسف فعلا.. بس غريبة يعني
الاوضة جميلة و فيها بلكونه حلوة اوي
ازاي محدش قاعد فيها

أمير ببرود / عشان انا مش عايز حد يقعد فيها

رنا / عشان البلكونه يعني

أمير / اه وعشان اللي انا بقوله لازم يتنفذ

رنا بضيق / طب عن اذنك انا هدخل

أمير / استني

رنا بضيق / خير

أمير بتحذير / متطلعيش تاني بالمنظر ده
قال ذلك وهو يتفحصها من اعلاها إلى
اسفلها بنظراته

رنا بتوتر من حديثه ونظراته / و.. وانت مالك
اا.. انا حرة

أمير بحده / لو شوفتك بالمظر ده تاني
برة الاوضة هتزعلي مني

رنا / احم احم، انا مكنتش اعرف ان البلكونه
مشتركة و بعدين ثواني بس هو انت
حاططني في دماغك ليه انا حرة، البس اللي انا عايزاه و اعمل اللي انا عايزاه

أمير بغيرة / مفيش حاجه اسمها البس اللي انا عايزاه اسمعي الكلام وبطلي عند، ثم اكمل بهدوء  انا مبحبش لبس البناطيل للبنات ممكن تلبسي واسع و يكون حلو عادي

رنا بصدمة / نفس الكلام بيتعاد تاني بالحرف لا مستحيل مستحيل

" قبل ثلاث سنوات "