♡ •ملكت قلب أمير• ♡

الفصل الرابع و العشرون

في احدى الغرف استعاد أمير وعيه وجد الجميع حوله لكنه كان يبحث بعينيه عن رنا

سيف / حمدالله على سلامتك يا عم وقعت قلبنا

روان و حبيبة / حمدالله على سلامتك يا أمير

أدهم / حمدالله على سلامتك يا اخويا

أمير / رنا فين

روان / رنا ف...

لم يترك لها مجال للحديث و قام بسرعه و ذهب لغرفة العمليات لكنه لم يجدها

الممرضة / يا استاذ حضرتك...

أمير / رنا فين

الممرضة / رنا مين

أمير / التلاتة اللي جم هنا امبارح كان
فيهم واحدة في اوضة العمليات

الممرضة / مدام رنا كامل

أمير / ايوة بسرعه هي فين

الممرضة / في اخر الممر ده يمين

ركض أمير بسرعه و دخل الغرفة كان ينظر لها بلهفة و حزن، و دخلت الطبيبة خلفه فقال لها / هي مصحيتش ليه

الطبيبة / كلها ساعتين و هتفوق ان شاء الله

أمير / بس ليه كل الوقت ده

الطبيبة / يا استاذ أمير ده معداش غير ساعتين بس

أمير / يعني انا بقالي ساعتين نايم

الطبيبة / لما حضرتك وقعت نقلناك على اوضة تانية و كملت مع المدام لحد ما نبضها رجع طبيعي

أمير / هي اتعرضت لصدمات كتير

الطبيبة / بصراحه شويه.. عن اذنك

أمير / اتفضلي

استلقى بجانبها على السرير و امسك يدها بقوة و اغمض عينيه و هنا بدأت دموعه في النزول و
قال / بحبك اوي يا رنونتي... ثم غط في سبات عميق

🦋🦋🦋🦋🦋🦋🦋🦋🦋🦋🦋

روان / ده انتوا نشفتوا دمنا والله العظيم

سندس / ده احنا اللي دمنا نشف و كنا هنموت

حبيبة / الحمدلله انكوا طلعتوا منها على خير

قاطع حديثهم دخول فرح وهي تقول / ازاي يحصل كده و متقولوليش... ثم اقتربت من سندس و ضمتها

روان / بعد ما حبيبة قالتلي اتصلت بيكي بس موبايلك كان مقفول

فرح / احكولي

سندس /...... قصت عليها ما حدث

فرح بضحك / كنتوا هتتجمدوا زي الفراخ

سندس بضحك / يالهوي عليكي يا فرح

فرح / اومال رنا فين

روان / رنا اتكتبلها عمر جديد بجد