♡ •ملكت قلب أمير• ♡

الفصل العشرون

جلال / بصي يا انسة علياء انا عندي ليكي اتفاق اظن انك مش هتلاقي احسن منه انتِ عليكي ترجعي و تعتذري لأمير الانصاري و تلطفي الجو و مش هوصيكي طبعا على المعلومات اللي انا عاوزها

علياء / و اللي عليك

جلال / انا عليا اني اخرجك من هنا و ليكي مبلغ كويس تظبطي بيه أمورك لحد ما فلوسك ترجعلك

علياء بشر / وانا موافقة

🦋🦋🦋🦋🦋🦋🦋🦋🦋🦋🦋

بعد مرور اسبوع

سندس بتعب / انا حاسة ان دماغي خلاص وقفت

رنا بضيق / دي مادة بومة

سندس / عارفة المشكلة فين المشكله اننا مخلصين المادة بس كل ما بنحل لازم نلاقي اسئلة غلط

رنا بضيق / مع اني حليت شبههم كذا مرة

سندس / و بعدين بقى

رنا / بقولك ايه

سندس / ايه

رنا / عارفة نفسي أدخل سينما اووي عايزة احضر تايتانيك

سندس / تايتانيك اللي بقاله مليون سنة

رنا / بس بحبه اوي و بعدين نفسي جدا اشوفه في سينما و مع أحدهم كده

سندس / يا سلام والله شوقتيني انا بقى نفسي احضر الجميلة و الوحش بس فيلم حقيقي مش كارتون

رنا / الله

أمير / و ماله نشوف تايتانيك

شهقت الفتاتان بصدمة

رنا بخضة / أمير!!

سندس / حرام عليك يا أمير والله العظيم خضتني

أمير / ما تجمدوا قلبكوا شوية... و بعدين يعني انا بقالي 3 ايام مشوفتكيش يا قلب أمير ينفع يعني

رنا / كان عندي مذاكرة كتير و بعدين انت كمان كنت مشغول

أمير / يلا هانت عملتوا ايه في المذاكرة

رنا / خلصت بس في كام سؤال رخمين اوي

أمير / طبعا ما انتِ سايبة المذاكرة و عمالة تحلمي بتايتانيك

سندس / بصراحه ليها حق هو في في جمال تايتانيك

رنا / ولا شعر تايتانيك و عيون تايتانيك

أمير بإستفزاز / الشعر الأحمر

رنا بغيظ / لا الشعر الاصفر أحلى

أمير / اممم اذواق بقى

رنا ببرود / و بعدين يا سندس كنا فين

سندس بضحك / لا كملوا شكلكوا عسل

أمير / عشان خاطرك بس يا سندس قوليلي صح شفايف تايتانيك بردو حلوة كانت...

رنا بغيرة / أمييير انت قليل الادب شفايف ايه لم نفسك