♡ •ملكت قلب أمير• ♡

الفصل الثاني عشر

اتجه أمير ناحيتهم و انهال على أحم بالضرب
الشديد

رنا ببكاء / كفاية يا أمير سيبه

أمير / وحياة أمك ما هسيبك يا ابن ال****

نهضت رنا و حاولت ابعاده عن أحمد و
قالت / كفاية بقى عشان خاطري

نهض أمير و ضمها لصدره بقوة وقال
بتفحص / رنا انتِ كويسة الكلب ده عملك حاجه

لم تستطع التحدث بسبب بكائها و شهقاتها
المتواصلة التي تأكل قلبه

أمير بخوف / رنا ردي عليا

أحمد بإستفزاز / هترد تقولك ايه يا ترى هتقولك
انك بوظت ليلة دخلتنا

أمير بغيرة / نعم ياروح أمك انت اتجننت

رنا ببكاء/ أمير صدقني كان غصب عني

أحمد / يعني ببساطة ياريت تاخد بعضك و تحل عننا بقى عشان هي خلاص مبقتش تخصك يا سيادة المقدم

رنا / والله العظيم يا أمير انا عملت كده عشانك لأن هو هددني انه ممكن يقتلك لو موافقتش اتجوزه

أمير بغضب / وانتِ صدقتيه بكل بساطة

رنا بشهقات / ايوة... صدقته عشان.. عشان خوفت عليك

أحمد / ممكن تخلصونا من الدراما دي بقى

اتجه احمد ناحية رنا وسحبها من يدها
وقال/  يلا بقى يا عروستي بذمتك في عروسة قمر زيك تعيط كده يلا بطلي عياط وانا هعوضك عن كل ده

اقترب أمير منه و كان الغضب قد سيطر عليه بالكامل فركله في معدته و انهال عليه بالضرب بكل  قسوة

أمير بغضب شديد / انت اللي جبته لنفسك لما فكرت تبص على حاجه تخص أمير الانصاري يا ابن ال *****

رنا  / خلاص يا أمير كفاية هيموت في ايدك

استدار و نظر لها بعيونه التي اصبحت
حمراء كالدماء

رنا بخوف / أ.. أمير انت كويس

🦋🦋🦋🦋🦋🦋🦋🦋🦋🦋🦋🦋

روان بغضب / ازاي يعني يروح لوحده ما احنا كمان خايفين عليها زيه بالظبط ويمكن اكتر المفروض يعرفنا

أدهم / اهدي يا روان أمير مش اول مرة يعمل حاجه زي كده أمير ظابط ومتعود و وهو مش هيرجع غير وهي معاه

سندس / انتوا ازاي اعصابكوا باردة كده اتصل طيب بخالد يمكن هو عارف مكانه

قاطع حديثهم دخول خالد وهو يقول بقلة
حيلة / حاولت اتصرف بس للاسف معرفتش اي حاجه أمير راح لوحده و المصيبة ان احنا منعرفش حتى مين اللي خطفها انتوا لو شاكين فحد قولوا يمكن اقدر اوصل لحاجة

حبيبة / معتقدش انه حد نعرفه

روان بتفكير / ممكن يكون أحمد

سيف / بس أحمد ده مش باين عليه انه من النوع ده يعني لما أمير ضربه معملش اي ردة فعل