♡ •ملكت قلب أمير• ♡

الفصل الخامس عشر

سندس بصدمه / انت عرفت مكاني ازاي

حازم / كنتي فاكرة اني مش هعرف اوصلك على العموم يا ست سندس انا مستحيل اسيبك تروحي مني انا كنت غبي جدا لما اتصرفت معاكي بالطريقة دي كان لازم اعترفلك من البدايه بس انا كنت خايف لتطلعي مش بتحبيني ساعتها كنت هتكسر اوي صدقيني بس خلاص من هنا ورايح مفيش اي حاجه ممكن تبعدنا عن بعض سندس انا انا بحبك

سندس بدموع / وانا كمان بحبك اوي

حازم بحب / خديلي معاد مع بابا في اقرب وقت بقى

سندس بضحك / حاضر يا مجنون

حازم / عايزك بقى ترجعي لصحابك و تظبطي الدنيا

سندس / حاضر

حازم / يلا سلام انا بقى

سندس / انت هترجع زي ما جيت

حازم / اطلع من الباب عادي يعني عمتك مش هتقول حاجه

سندس / يخربيتك انت عايز توديني في داهية

حازم / ما انا نازل اهو في حالي

سندس / طب خلي بالك من نفسك

حازم بإبتسامة / حاضر

🦋🦋🦋🦋🦋🦋🦋🦋🦋🦋🦋🦋

أمير بدموع / والله عيني وجعتني مش قادر

رنا / يا روحي خلاص سيب البصل وانا هقطعه

قالت ذلك دون ان تنظر له ثم ارتفعت بجسدها قليلا لتمسح دموعه فنظرت لعينيه الرماديتان كانت ممتلئة بالدموع و منظرها في غاية الجاذبية ظلت تنظر له مطولا وقاطع شرودها عندما ارتسمت ابتسامته الجانبية

أمير بخبث / ايه هو انا طلعت حلو للدرجة دي

رنا بإرتباك / ها اممم لا اه... اه يوه بقى يا أمير

ضحك بشدة على طريقتها فنظرت له بغيظ
و قالت / بتضحك على ايه

أمير / اااه مش قادر والله انتِ مشوفتيش شكلك عامل ازاي

عقدت حاجبيها بطفوليه فقال لها / اعمل ايه طيب ما انتِ اللي بتضحكيني

رنا / ماشي يا استاذ أمير انا طالعة برة وانت خلص بقى و تعالى

أمير بسرعه / لالا هتسيبيني لوحدي

رنا / هو انا هسيبك في النار يعني و بعدين هقعد مع روان و سيف برة صحيح فين أدهم و حبيبة

أمير / راحوا يشتروا حاجات

رنا / طيب انا طالعة

لم تمر لحظات حتى سمعت صوته الذي اشعرها بالقلق فعادت له على الفور

رنا بقلق / مالك يا أمير وريني ايدك

أمير / مفيش مفيش دي تعويرة بسيطة