♡ •ملكت قلب أمير• ♡

الفصل الثامن عشر

خرجوا جميعا من حمام السباحه بعد اللعب
و المرح

حبيبة بضحك / مالكوا عاملين زي المطلقين كده ليه

سندس بزعل / محدش يكلمني بقى انا زعلانة اوي

حازم / مين اللي مزعلك يا سندستي يا قمر

سندس بضيق / والله... اوعى كده حل عني

حازم / امممم طيب براحتك هروح اكل ايس كريم انا بقى

سندس / بجد هتجيب ايس كريم

حازم / ايوة لنفسي

رنا / تصدق انك بومة يا حازم

حازم / بلاش انتِ بوشك ده

رنا / نعم و ماله وشي بقى

ادهم كان يضحك و بشدة... ثم بدأ الجميع يضحكون

سندس بضحك / والله العظيم اسفة بس.. ههههه مش قادره

رنا بعدم فهم / في ايه يا جدعاان

أدهم بضحك / الروچ البرتقاني هياكل منك حتة

رنا بصدمة / برتقاني ... يا حبيبة الكلب انتِ قولتي بينك و حياة أمي ما هسيبك

تركتهم حبيبة و بدأت تركض و رنا خلفها تتوعد لها

حبيبة بتعب / خلاص بقى النادي كله بيتفرج علينا

كانت تركض رنا من خلفها لكنها اصطدمت بشخص و كادت لتسقط لكنه حاوط خصرها  بذراعيه بسرعه

عز / انتِ كويسة

رنا بتوتر / انا.. انا اسفة اسفة جدا

ثم اعتدلت فنظر لها و ضحك على منظرها

رنا بضيق / يووه بقى

اخرج من جيبه منديل و اعطاه لها لتمسح فمها

رنا بعبوس / شكرا

حبيبة / رنا انتِ كويسة

رنا بضيق / كويسة اصبري عليا يا حبيبة

حبيبة / قلبك ابيض بقى مين ده

رنا / ده استاذ عزيز اللي خبطته بعربية ادهم... يوووه قصدي مصطفى لغبطتيني

عز / اتشرفت بيكي يا انسة حبيبة

حبيبة / شكرا و انا كمان

رنا / اتفضل احنا قاعدين هناك لو تحب تيجي

عز / تمام

حبيبة بهمس / انا قلبي مش مرتاح للواد ده

رنا بهمس / بطلي انتِ شك في الناس

حازم بسخرية / ايه خدتي حقك

رنا / لا بس بكرة هيجي اللي يجيبلي حقي
منكوا كلكوا

سندس / مين ده

رنا / ده استاذ عزيز...

حبيبة / اللي خبطته بعربيه مصطفى