♡ •ملكت قلب أمير• ♡

الفصل الرابع عشر

في صباح يوم جديد

روان بشك / مالك يا سندس شكلك مش على بعضك

سندس بعبوس / انا عكيت الدنيا

رنا بإستغراب / عملتي ايه

سندس/ بصراحه حازم كلمني

روان / طب دي حاجه حلوة

سندس / يا بنتي بصي امبارح لما سيف وصلني نزلنا من العربية وكنا واقفين بنتكلم واول ما هو ركب و مشي لقيت حازم في وشي

رنا / وبعدين

سندس / بيقولي مين ده قولتله ده خطيبي

روان بصدمة / نعم ياختي !!

سندس / منا بقولك عكيت الدنيا خالص

رنا بهدوء / طب اهدي و قوليلي ايه اللي خلاكي تقولي كده

سندس / بصراحه انا زي ما قولتلك بحبه بس عايزة اتأكد اذا كان بيحبني ولا لأ ومحستش بنفسي غير وانا بقول كده

روان / يخربيت دماغك

رنا / استهدوا بالله بصي يا روان احنا هنحاول نستغل الموضوع لصالحنا عشان هي متفضلش في الدوامة دي كتير و انتِ عارفه كويس ان سيف و سندس اخوات فمتخليش دماغك تروح لبعيد

سندس / مينفعش يا رنا انا عارفه اني غلطت في حق روان لما قولت كده

روان / سندس انتِ اختي يعني مفيش الكلام ده تمام و بعدين مفيش مشكله احنا هنستغل الموضوع زي ما رنا قالت و ان شاء الله خير و بعدين انا مش زعلانه منك

سندس / بجد

ضحكت روان ثم قالت / بجد ياختي

رنا / طب احنا بقى نشوف سيف ونظبط الدنيا

روان / تمام هتصل بيه

🦋🦋🦋🦋🦋🦋🦋🦋🦋🦋🦋🦋

أدهم / حبيبة اصحي

حبيبة /....

أدهم بصوت مرتفع / حبيبة

حبيبة بنعاس/ امممم

أدهم / يلا قومي الساعة بقت 3 العصر

حبيبة بنعاس / 5 دقايق بس

أدهم / خلصي بقى كفاية كسل و بعدين
المفروض ان انا اللي انام مش انتِ

حبيبة / قصدك ايه

أدهم / وسطي اللي اتقطم امبارح بسببك

حبيبة / هو انا ضربتك على ايدك عشان تشيلني

أدهم / انا غلطان اني ساعدتك

حبيبة / و بعدين انت محسسني انك كنت شايل فيلة

أدهم / لا يا حبيبتي متقوليش على نفسك كده
انتِ قمر

حبيبة / طب شوفلنا بقى حاجه ناكلها