انتي حبيبة شجاع مالتفت للضعوف وانتي مليكة من يشوف أمنياتك امر

4

{ الجَادل  }
رينا بطفش ؛ جاني النوم بنقلع جناحنا وانتي على جناحك يلا
ناظرت فيها بهدوء ؛ توكلي يلا
قامت رينا تاركه الجَادل وحدها وقعدت تطقطق على جوالها رغم النت السيئ رفعت الجَادل راسها من شافت ريم متجهه لها وكشرت وبهمس {جت الغثاء} ؛ هلا ريم
ريم ؛ هلابك
الجَادل ؛ شبغيتي
ريم بتردد ؛ بصراحه شفت الي سويتيه اليوم و
رفعت الجَادل حواجبها ؛ اي ؟
ريم ؛ صراحه ابيك تسامحيني انا كنت احبك واحترمك بس خواتي وبنات عمي سامي حرضوني عليك
ابتسمت بهدوء ؛ مانيب شايله بخاطري عليك لكن انتبهي من كلام الناس ترا كل واحد يجيب من راسه
ريم بحماس ؛ يعني مسامحتني ؟
الجَادل ؛ اي مسامحتك
قامت ريم ؛ شكرا مره الحين بروح انام تصبحين على خير ياحلوه
الجَادل ؛ وانتي من اهل الخير
{الصبح}
فتح عينه وشاف سعيد قدامه فز بسرعه وتعوذ من الشيطان ؛ اعوذ بالله من الشيطان الرجيم يالله صباح خير شتبي يالشايب
سعيد ؛ شيطان عندك تتعوذ مني قم الفطور
جلس وحك راسه ؛ يا مسلم وش تبي جاي من صباح الله خير فطور مابي خلني انام ورجع انسدح يكمل نومته
ضربه سعيد بالعصا وبحده ؛ قم صل وافطر لا صلاه ولا عباده !!!
قعد مره ثانيه والنوم لاعب فيه ؛ مدري شسوي فيك اذبحك ولا وشو؟؟ يامسلم خل انام مانمت صح بسبب شخيرك!!
سعيد ؛ اقول اترك الكلام وقم
تنهد وناظر فيصل الي نايم واشر عليه ؛ وذا الحمار ليه ما تصحيه
سعيد ؛ زوج بنتي مالك دخل فيه
قام فيصل بسرعه من سمع كلمه سعيد وناظر فيه بحقد ؛ من متى صرت زوج بنتك يالشايب
سعيد ؛ مالك دخل قم انت وياه صلو والحقوني وطلع من المجلس واول ما طلع  لفو الاثنين يضحكون
شّجاع ؛ والله موب صاحي ذا شكله خرف

شّجاع وهو يلبس ثوبه ؛ طير النوم من عيني هالشايب العايب
ضحكو وقامو يتوضون ويصلون الفجر
{ الجَادل }
قامت من النوم وطلعت برا الجناح وشافت ابوها موب موجود لبست عبايتها لان مالها خلق تبدل بجامتها طلعت من الجناح وشافت جدتها متجهه لها
الجدة فهده ؛ صباح الخير ياعيوني
ابتسمت بخفوت ؛ صباح النور يمه
الجدة فهده ؛ نمتي صح؟
الجَادل ؛ الحمدلله
الجدة فهده مسكت يدها ؛ اجل تعالي افطري حريم الديره متجمعين والحين الفطور يجهزونه جدك كان يبيك لكن طردته قلت له انك نايمه
ضحكت الجَادل ؛ افا تطردين الحُب؟
ناظرت فيها الجدة بنص عين ؛ توكلي لا ارفسك
غمزت لها ؛ افا استحيتي ؟
ضربتها الجدة بالعصاء ؛ ماتستحين
وصلو وجلست الجَادل جنب رينا الي باين فيها النوم وضربت كتفها بخفه ؛ وش فيك؟
رينا بنوم ؛ ماقدرت انام ياخي
الجَادل ؛ صحصحي ورانا مغامره
فزت رينا وطار النوم من عيونها ؛ مثل امس صح؟
الجَادل ؛ اي
رينا بحماس ؛ قدام
الجَادل ؛ بالله وامس تبكين من الخوف مسرع تحمستي لكن بتكون معنا شخص ثالث
استغربت رينا ؛ من ؟
الجَادل ؛ ريم بنت عمي سعد
توسعت عيونها بصدمة ؛ ريم بنت اخوي ما غيرها
هزت الجَادل راسها بنعم
رينا بصدمه ؛ سبحان مغير الاحوال كيف كذا ؟
الجَادل بهدوء ؛ البارح بعد ما قمتي جتني وطلبت السماح وان خوات شّجاع محرشينها علي والبنت تحمست اول ما سامحتها وقلت اخذها بجوله معنا نستكشف الديره
رينا اشرت على ريم الي جايه جهتهم ؛ الحين صدق تصافيتو ؟
الجَادل ؛ يابنت الحلال ايه اهجدي
رينا ؛ سبحان الله اخاف الشمس طلعت من مغربها
مسكت الجَادل راسها باسف ؛ لو منتي عمتي كان ذبحتك
جت ريم عندهم وجلست جنب الجَادل وبابتسامه ؛ صباح الخير
الجَادل ردت الابتسامة ؛ صباح النور كيفك؟
ريم ؛ الحمدلله بخير انتي كيفك
الجَادل ؛ الحمدلله بخير
ريم ؛ دوم يارب
الجَادل ؛ تدومين ياحلوه
رينا ؛ موب مصدقه ابدا
الجَادل ؛ لا تصدقين ولفت لريم ريم حبيبي اليوم بنروح مغامره من نوع اخر
رينا ؛ زي امس؟
الجَادل ؛ تقريبا لكن افضل من امس
ريم ؛ انا معك بكل شي متحمسههه
الجَادل ؛ اجل افطرو وبنمشي
بدو يفطرون ويسولفون ويتكلمون عن المغامره الجديده
رينا ؛ طيب وش بتسوين؟
الجَادل ؛ قلت لك بتشوفين بعدين لا تستعجلين
ضحكت ريم ؛ ياعمه واضح آنك متحمسه
رينا ؛ مافيه احترام ابد
الجَادل بطفش ؛ ياليل ابو لمبه لا تستعجلين وبتهديد اذا بكيتي مثل امس ياويلك برميك بالصندوق فاهمه ؟
رينا بشك ؛ بتنتقمين من سعيد؟
الجَادل بخبث ؛ نوعاً ما
رينا ؛ اهجدي اقول
{ الجَادل }
ناظرت بالبنات وغمزت لهم ؛ مستعدين؟
رينا بخوف ؛ وش بتسوين؟؟؟
ريم بحماس ضربت رينا ؛ اييييي مستعدين  وانتي لا تخافين ياخي وتخربين الحماس !
رينا بالم ؛ وجع
ريم ؛ يوجعك اهجدي
فتحت الجَادل باب السياره ونزلت للجهه الثانيه وفتحت باب رينا ونزلتها بقوه وريم تضحك ؛ انا ما اقولك بدون خوف ولا حطيتك بالصندوق
رينا ؛ يابنت اتركيني !
الجَادل خنقت رينا بمزح ؛ تعودينها ؟
رينا ؛ لا اتركي حلقي
الجَادل دفتها ؛ اجل اركبي وان سمعت لك صوت به نبره خرعه ياويلك
طنشتها وركبت وشغلت الجَادل السياره وهي متحمسه للانتقام وبهمس ؛ جاء وقت الانتقام يا سعيد لعبت مع الشخص الخطاء
تقدمت بكل قوتها للسيارات المرصوصه قدام بيت سعيد وصدمت فيها كلها بجنون وروح الانتقام مشتعل بقلبها والحقد مالي عينها
رينا بصراخ ؛ يامجنونههههههه !!!
ريم بكت بخوف ؛ الجااااددددللللل انتبهيييييي !!
ضحكت الجَادل وناظرت فيهم بنظرات مرعبه ؛ انا شقلت والله ان شفت وحده منكم تبكي لخليها غداي فاهمين ؟؟
سكتو بخوف منها وهي كملت انتقامها ودعست اكثر وهي تصدم السيارات كلها وانعدم كبوت الجيب لكن ماصابهم شي رجعت رويس وبدت تصدم السيارات مره ثانيه من وراء ولسا قلبها ما برد تقدمت بكل قوتها ودعست بنزين وتوجهت نحو الحوش الي كان خالي من الاطفال وهالشي ساعدها بهدمه بسهوله
{ الرجال }
فز سعيد من سمع صوت اصتدام قوي وطلعو كلهم ومن بينهم اهل الجَادل
حط سعيد يده على راسه من هول المنظر سياراته الي كلفت الالاف الريالات راحت تالف والحوش اندمر
شّجاع بهمس ؛ الله يسلم يد من رباك ولا يطيح احد بيدك يابنت العم
سالم بخوف ؛ وش ذا !!
جلس سعيد على عتبة الباب وهو مصدوم من الي قدامه
نزلت الجَادل من السياره تاركه خلفها رينا وريم الي يبكون وتقدمت لسعيد وهي غير مباليه للرجال الي قدامها ؛ هذا الانتقام الاول يا سعيد لسا الجاي اكثر والله لندمك واخذ حق جدي منك فاهم
ماتكلم سعيد وتقدمت الجَادل لسالم الي مصدوم منها وبهدوء ؛ خل مرجلتك على خواتك اما علي تخسي فاهم ؟
سالم بسخريه ؛ وش بتسوين يعني ؟؟
الجَادل بحقد ؛ بسوي مثل ما سويت بابوك واكثر
سالم ؛ تتحدين يابنت؟؟
الجَادل ؛ لا تتحداني ياولد سعيد لان الجاي احلى واكثر
ومشت للسياره تاركتهم مصدومين ولحقها شّجاع يشوف وش صار بعمته
نزلو رينا وريم وهم يبكون بخوف
شّجاع بضحك ؛ اثار معك هالخوافات
الجَادل ؛ ذولي ما ينفع معهم الطيب انا قلت اذا بكو بخليهم بالصندوق وافحط فيهم بالطعوس لكن الليل قرب ونجو هالمره
شّجاع بهدوء ؛ الي سويتيه اليوم شي قوي وانتبهي مره ثانيه
الجَادل ؛ معليك ماخذه احتياطيي عن اذنك بروح انام خل الخوافات معك
رينا ببكى ؛ والله ماعاد اركب معك
ضحكت الجَادل بهدوء ؛ صومي ثلاث ايام بس
ريم بخوف ؛ حتنا معد بركب معك
الجَادل ؛ صومو ثلاث ايام وراي مهمه بكره وانتو بتكونون معي