انتي حبيبة شجاع مالتفت للضعوف وانتي مليكة من يشوف أمنياتك امر

10

{المستشفى}
ابتسمت لها الممرضة من اعطتها المغذية وردت لها الابتسامة وناظرت بسعود الي كان منسدح ؛ ابوي
سعود لف لها ؛ هلا ياعيوني
الجَادل ؛ اسفه ماكان ودي يصير كذا بس مدري من لعب بالدركسون
سعود ؛ اخر مره اخليك تسوقين سياره فاهمة!
الجَادل بزعل ؛ يبههههه خير ترا احب اسوق
سعود ؛ بغيتي تروحين فيها لكن بفضل الله ثم الحزام ما ودعتي
الجَادل ؛ اصلا اول ماشفت السياره انحرفت اغمى علينا ولا دريت وش الي صار بعده
دخلو البنات بعد ما طهرو جروحهم وقعدت ريم جنب الجَادل ورينا جنب سعود
رينا بزعل ؛ شفتي كيف وش صار فينا !
الجَادل ؛ خلاص عاد شر وراح وبعدين شوفكم ماشاء الله غزلان
ريم ؛ رينا ليش انتي دلوعه ترا كلها جروح ماهوب كسر
الجَادل ؛ اي والله مسويه دراما على جروح يومين وتختفي
رينا ؛ انتو الدلوعات اكيد بسوي دراما اسمها جروححححح
الجَادل ؛ جروح ولا لصقه ههه اضحكو
سعود ناظر فيها ؛ هذي التعبانه؟؟
الجَادل ؛ بابا لا تشخصنها
سعود ؛ سياره مافي
الجَادل ؛ فيه وفيه وفيه
سعود ؛ عناد الوضع يعني؟
الجَادل ؛ ايه
سعود ؛ نشوف من الي بتمشي كلمته
رينا ؛ خلاص قم تكفى وشوف موعد خروجها ابي ارجع البيت
سعود ؛ توكلي انتي الثانيه اتصلي على شّجاع يجي ياخذك
رينا ؛ كفو وانا اختك بطنش الكلمة الاولى ذكرتني ان شّجاع يرسل سلامه للجادل ويقولها الحمدلله على السلامه
الكل ؛ الله يسلمه
الجَادل ؛ الله يسلمه ماقصر
{شّجاع }
فيصل ؛ اوف مادريت انك عاشق لذي الدرجه
شّجاع ؛ اكرمنا بسكوتك تكفى
فيصل ؛ اوف اوف
شّجاع ؛ وشو؟
فيصل ؛ شفيه الحلو زعلان
شّجاع ناظره بنص عين ؛ والله انك موب صاحي
فيصل بضحك ؛ خلاص ياخي تطمنت عليها وعرفت انها بخير ليه تكشر ؟
شّجاع ؛ ياخي المشاكل تتحذف بنا من كل جهه
فيصل ؛ اذا قصدك سالم تراه بالسجن
شّجاع ؛ لا ترا حادث الجَادل بفعل فاعل على كلامها
فيصل بستغراب ؛ ليه وش السالفه؟!
شّجاع جلس وجلس معه فيصل ؛ السالفه انها تقول ماقدرت تتحكم بالدركسون ويوم رحت اشيك على السياره طلعت الاسلاك مقصوصه قصه مقص موب حادث
فيصل ؛ من عدوها غير الحمار ؟
شّجاع ؛ هذا الي محيرني ماعندها اعداء على كلام عمي
فيصل ؛ طيب ماشفت البصمات؟
شّجاع ؛ مافيه شي ممسوحه
فيصل فز اول ما تذكر ؛ مافي غيره
شّجاع ؛ منهو؟
فيصل ؛ تذكر كلام سالم اول ما مسكته؟
شّجاع ؛ ايه اذكره
فيصل ؛ بس مافيه غيره مرسل واحد من رجاله ياذي الجَادل
{الجَادل }
ناظرت ابوها بنظرات مايله للبرائة وصد عنها لانه يعرف حركاتها ؛ ابعدي هالنظره
الجَادل ؛ بابي
سعود ؛ لا
الجَادل ؛ ابوي
سعود ؛ لا
الجَادل بخبث ؛ تدري إنك صغير ؟ لازم ازوجك
سعود ناظر فيها ؛ ابعدي هالفكره من راسك لاني مستحيل اتزوج بعد امك
الجَادل ؛ بابا
سعود ؛ قلت لا
الجَادل بقهر ؛ بابا خير ! ابي سيارتي ياخي
سعود ؛ شفتي وش الي صار فيك؟؟
الجَادل ؛ بابا ترا سالم السبب
عقد حواجبه بستغراب ؛ كيف سالم السبب وهو مسجون؟
الجَادل ؛ رينا قالت لي ان شجاع وفيصل وجدي  كانو عارفين ان الحادث موب بسبب التفحيط لاني دايم افحط وبا لديره فحطت ولا صار لي شي بس يوم كنا راجعين وصار الحادث اكتشفو ان اسلاك الدركسون مقطوعه بمقص مو من الحادث
سعود بحقد ؛ الخسيس وكيف سوا كل ذا وهو بالسجن
الجَادل ؛ بابا طبيعي بيكلم ناس ويقطعونها
سعود ؛ والله لوريه
الجد ؛ سعود لا تتهور كلشي بيكون علي وانتي يا الجَادل لك هديه سياره مني لا تشافيتي
الجَادل ابتسمت وناظرت بابوها وهي تحرك حواجبها بمعنى احسن
تفاجؤا بدخول سعيد ومن وراه فيصل وشجاع وتغطت بسرعه وهي معقده حواجبها
وقف الجد بستغراب ؛ خير وش جابك يا الخسيس ؟
سعيد بندم ؛ سامحني يا راجح
الجد ؛ على وش اسامحك عليه ؟ يوم بغيت تودون حفيدتي للموت؟ ولا على طردك لي؟ ولا على وفاه زوجه سعود؟ علمني على وش اسامحك فيه
سعود بهم ؛ سامحني على كلشي كلشي سامحني عليه
الجَادل لفت لجدها بعدم فهم ؛ كيف هو السبب في وفاه ماما؟ مو قلتو انها توفت بعد ولادتي ؟
سعيد تسارعت خطواته نحوها ونظراته مليئة بالندم ؛ انا السبب انا الي قتلت امك وخليت ولادتها تتعسر
الجَادل بعدم فهم ؛ كيف؟؟
سعود بخوف عليها ؛ الجَادل حبيبي ارتاحي
الجَادل بعناد ؛ هو وش دخله بامي ؟؟
سعود ؛ الجَادل خلاص
الجَادل ؛ والله ما اسكت لين تقولون لي وش علاقته بامي
تنهد سعيد بالم وحزن ؛ انا اكون جدك ابو امك
الجَادل بغضب ؛ تخسي تكون جدي
سعود مسكها بسرعه ؛ يابنتي اهجدي وكلامه صدق يكون جدك
الجَادل ؛ ماعندي جد يقتل بنته بكل دم بارد وبدون سبب!
سعيد بحزن ؛ كان لي اسبابي
الجَادل بانهيار؛ وش هالسبب الي مخليك تذبحها بدم بارد وتحرمني من شوفتها اكرهك ياسعيد اطلع برا
سعيد تقدم لها وهي علطول نزلت ودفته وصارت تضرب فيه غير مراعيه لكبر سنه
تقدم سعود وشالها وهي بقمة انهيارها لا احد يلومها بعد كل السنين ذي يقولون امك متوفيه عمداً ويطلع سعيد جدك يعني سالم يكون خالها