انتي حبيبة شجاع مالتفت للضعوف وانتي مليكة من يشوف أمنياتك امر

7

صباح اليوم الثاني الي وقتها طلع سالم من السجن وسعيد سوا غدا لا صار ولا ستوى {فلوس الجماعة😂}
الجَادل بقهر تناظر فرحة ام سالم الي كانت ترقص على الاغاني  ؛ ماشاء الله ترقص وانا هنا احترق من القهر
رينا بهمس ؛ اهجدي مانبي مشاكل الحين
ناظرت فيها الجَادل ؛ يعني انا اسوي مشاكل؟ لا وبعد الشايب العايب مسوي له غدا لا صار ولا استوى بفلوس الجماعة
رينا ؛ وش عرفك انها بفلوس الجماعه
الجَادل ؛ مالك دخل
رينا ؛ اوبا زعلان الحلو
الجَادل ؛ ايه زعلانه اجل انا ولد عمي يسوي فيني كذا ويخرج واحد مثل سالم من السجن!!
رينا ؛ لا تنسين ترا انتي الغلطانه ماخذه السياره وتفحطين!
الجَادل ؛ بالله؟ اجل خليه ينفعك
وقامت من عند رينا رايحه لغرفتها مالها خلق لاحد
جت ريم ومعها عصيرات  ؛ وش فيها الجَادل قامت؟
تنهدت رينا ؛ قسيت عليها
ريم ؛ ليكون على نفس السالفة
هزت رينا ايه براسها ؛ مو راضيه تفهم انها الغلطانه
ريم ؛ معليه مع الايام تفهم ان هالشي غلط
رينا ؛ عمرها بيصير 21 وهي مو راضيه تفهم
ريم؛ انتي الله يهديك تهاوشينها عامليها بلطف ترا الجَادل عنيده وتسوي الي براسها
رينا ؛ خليها الحين تهجد وبعدين بتفاهم معها مو صاحيه ذي تمشي كلامها علي !
ريم ؛ خلاص خليها لين تهجد تعالي شوفي ام سالم كيف
رينا ؛ مسكينه فرحانه بولدها
ريم ؛ الله يعينا من الجَادل والله زعلها شين
رينا ؛ شسوي لها عنيده البنت
ريم ؛ مثل ماقلت لك كلميها بالطيب
رينا ؛ طيب
{ الجَادل}
قعدت جنب ابوها ودموعها على خدودها
سعود بحنان؛ وش فيك ياعيون سعود؟ من بكاك
الجَادل ببكى ؛ سجنت ولد سعيد وجاء ولد اخوك وطلع!!!
ثنى سعود ركبه قدامها ورفع دقنها بحنان ؛ يابنتي الي سويتيه غلط وتصرف شّجاع صحيح
الجَادل بحده ؛ تصرفه موب صحيح ماله دخل هو ليه يطلعه ويدفع الغرامه!!! اوريك والله لنتقم منه
سعود ؛ الجَادل ترا انتي دلوعتي لكن مستحيل اخليك تعيدين الغلط وترا الانتقام ما بيفيدك
مسحت دموعها وبحقد ؛ اجل اخليه يتصرف على كيفه؟؟
سعود ؛ خلي الرجال بحاله يابنتي
الجَادل ؛ مستحيل اخليه في حاله بخليه يندم على لقافته
سعود بحده ؛ الجَادل !
الجَادل ؛ يبه ! ترا قسم بالله ولد اخوك يرفع الضغط !
سعود ؛ يرفع الضغط بس ما تنتقمين علشان شي تافهه
الجَادل بتحدي ؛ بنتقم ونشوف يا انا يا هو
قاطعهم اتصال من شّجاع وحط سعود على الاسبيكر ؛ هلا شّجاع
شّجاع ؛ هلا ياعمي وصلني كلام الجَادل انها زعلانه مني ومن ذا الكلام
سعود ؛ وشهو؟
شّجاع ؛ رينا تقول ان الجَادل زعلانه لاني طلعت سالم من السجن ودفعت الغرامه
سعود يناظرها بنظرات ؛ كلام باطل ولا قالت هالشي
شّجاع ؛ متاكد؟
سعود ؛ ايه متاكد وهذي هي عندي تسمعك
شّجاع براحه ؛ طمنتني ياعم لاني مابي احد يزعل مني والسبب تافهه
انفجرت الجَادل وهي غير مباليه لسعود ؛ ومن قال اني سامحتك تدري انك خربت انتقامي! خربت شي كنت مخططه له بسببك!!
شّجاع ؛ اوف اوف كل ذا بقلبك يا بنت العم
الجَادل بحقد ؛ واكثر ماراح اسامحك يا شّجاع لو تموت ورينا معك ماراح اسامحكم
شّجاع بهدوء ؛ رينا مالها دخل انا عندك رينا لا تدخلينها
الجَادل ؛ انت وهي السبب في كلشي
شّجاع ؛ براحتك سوي الي تسوينه اما رينا لا تسوين لها شي تراها عمتك واكبر منك
الجَادل ؛ ماعندي عمة نقالة علوم
سعود ؛ خلاص يا شّجاع بخليها تسامحك غصب عنها وسكر منه وناظر فيها بعصبيه ؛ عاجبك كذا ضيقتي خلق الولد
الجَادل ؛ مافيه شي بالغصب واذا غصبتني يبه بتندم معهم
سعود ؛ تهددين؟
الجَادل ؛ ما اهدد ذا مجرد انذار
{شّجاع}
قفل من عمه وخلقه ضاق لاحظ عليه فيصل وضربه ؛ شّجاع شفيك
تنهد شّجاع ؛ بنت العم معصبة مني وتتواعد فيني
فيصل ؛ تبي الصراحه تراكم غلطانين وانت ماقلت لها عن خطتك فطبيعي بتكون رده فعلها كذا
شّجاع ؛ اعرف اني غلطان لكن علشان انتقم صح طلعته
فيصل ؛ حتى لو انت كسرتها وطلعتها قدام عمتك وبناتها الغلطانه
شّجاع ؛ موب بيدي هالشي
فيصل ؛ الا بيدك
شّجاع ؛ شسوي البنت عنيده ولا تعرف على من طالعه بالعناد
فيصل ؛ جيبها بالحيله
شّجاع ؛ لو اقولك اني بديت احبها بتصدقني ؟
ضحك فيصل ؛ ماشاء الله صراحه كنت عارف من مناقرتكم
تنهد بحُب ؛ موب بس احبها الا اموت فيها واعشق عنادها لكن حركاتها تقهرني
{سعيد}
جلس جنب ولده وهو فرحان فيه ؛ يا هلا والله بولدي
ابتسم بفرح ؛ هلابك يبه
سعيد ؛ عساك مرتاح الحين؟
ابتسم بخُبث ؛ لا والله ماني بمرتاح لين ما انتقم من شّجاع وبنت عمه
سعيد بستغراب ؛ ليه؟
سالم ؛ لانهم هم السبب بالسجن !!
سعيد ميل راسه بعدم اعجاب ؛ لاتظلم العالم
سالم ؛ ما اظلم احد انا هذا الصدق
سعيد ؛ وش عرفك طيب ؟؟
سالم ؛ سمعتهم يوم جات الشرطة
فجاة دخل شّجاع وفيصل وراه يتابع الهوشه الي منتظرها
ووقف شّجاع قدامهم متكتف ؛ ماشاء الله اجل طلعت من السجن يا سويلم؟
وقف سالم وسعيد متفاجئ منهم ؛ ايه طلعت يا شّجاع وش عندك؟
شّجاع ؛ ماعندي شي بس حبيت أنبهك مني
تقدم سالم ودق صدره ؛ هيه وش تقول انت تكلم صح!
مسك يده ونزلها من صدره ؛ احترم نفسك يا سويلم ومثل ما قلت دامك بديت اللعبة ولعبت معنا تحمل الي يجيك
سالم بعدم اهتمام ؛ سو الي تبيه مايهمني
شّجاع ؛ متاكد؟
سالم ؛ اي نعم
اشر لفيصل وفهمه واتصل على احد موظفين الشركة وقال لهم يجون بسرعه
شّجاع ؛ هاه وين صوتك؟
سالم ؛ وش بتسوي ؟؟
شّجاع ؛ الحين تشوف وحق جدي بيرجع