انتي حبيبة شجاع مالتفت للضعوف وانتي مليكة من يشوف أمنياتك امر

15

الجَادل بخجل ؛ Grazie { شكراً}
ابتسمت الممرضة وبدت تخرج الابره بهدوء وتلصق مكانها لصق جروح وطلعت
الجازي ؛ ماصدقت انك بنتي
دخل سعود على كلمتها وبابتسامه ؛ على جمالك ذا محد بيصدق
صفرت الجَادل ؛ العب يا الغزل
غمز سعود ؛ شرايك؟ اعجبك صح
ضربته الجازي على كتفه والخجل ماليها ؛ بس انت وهي يلا ابي اطلع انكتمت
عقد حواجبه ؛ وين وين لازم تلبسين حجابك
طلعت الجَادل من شنطتها عبايه وطرحه ونقاب ؛ البسي ماما اكيد مقاسك
سعود ؛ على هالطول كانك بنتي
الجازي ؛ موب لذي الدرجة
سعود ؛ بالله هذا طول وحده عمرها 36؟
الجازي ؛ موب عاجبك طولي يعني؟
سعود ؛ الا عاجبني يلا البسي لازم نوصل المطار بسرعه
لبست الجازي وساعدتها الجَادل وطلعو ورا سعود
شّجاع بحراج ؛ الحمدلله على سلامتك يا عمتي معك شجاع بن سامي
الجازي بخجل ؛ الله يسلمك والنعم والله
شّجاع ؛ والنعم فيك بتنورين السعوديه
سعود ناظره بنص عين ؛ امش قدامي لا اشوتك
سعود ؛ ولا شي غريبه الجَادل ساكته
الجَادل ؛ دام امي معي ليه اتكلم
سعود ؛ اح يا الرد وانا موب حلو؟
الجَادل ركضت لامها ؛ لا ماما احلى
سعود ؛ اوريك يلا اركبو السيارة
ركبو واتجهو للمطار وشجاع يفكر كيف يكلم عمه بخصوص سعيد الي هرب بعد ما طلعو من عنده
سعود ؛ شفيك مهموم
تنهد شّجاع ؛ سعيد هرب
سمعتهم الجَادل وصرخت بغضب ؛ ايييششششش!!!!!
سعود برعب ؛ هدي يا بنتي!
الجَادل بغضب ؛ كيف اهدا والزفت سعيد هرب !!
شّجاع بهدوء ؛ الرجال هرب بعد ما طلعنا على طول
الجازي بخوف ؛ اكيد بيجي ايطاليا
الجَادل مسكت جوالها واتصلت على المباحث وبغضب ؛ بلغو جميع الامن الي بالمطار ان سعيد الراجح لا يطلع مفهوم ؟!!!!
اعضاء المباحث ؛ عُلم
الجَادل بصراخ ؛ قسم بالله لو فيه غلطه وحده لتندمون فاهمين!
اعضاء المباحث ؛ مفهوم
سكرت الجَادل منهم والشرار يطلع من عيونها ناظرت بالسايق حقها ؛ اسرع للمطار بسرعه
الجازي بخوف ؛ وش بتسوين ؟
طلعت سلاحها من الشنطة وجهزته بالرصاص بغضب ؛ بسوي الي كنت لازم اسويه من زمان
شّجاع ؛ لا تتهورين لسا ما طلع للمطار
الجَادل ؛ انا ارسلت لجدي يرسل لي الطياره الخاصه انتو روحو بالطياره العاديه
سعود بحده ؛ بنت وش بتسوين وصلنا المطار !
الجَادل نزلت بسرعه تاركتهم بحيرتهم وركضت للخطوط الجوية الخاصه وشافت طياره جدها وركبت بسرعة
الكابتن ؛ سيدتي السعوديه تبعد 6 ساعات
الجَادل بحده ؛ اسرع ووصلني بدقايق
الكابتن بخوف ؛ بس بيكون خطر
الجَادل بغضب ؛ اذا تبي روحك سوي الي اقولك عليه
اقلعت الطياره للسعوديه والجادل ترجف من الغضب وبهمس ؛ والله لتندم يا سعيد اجل انا تستغفلني
بعد 38 دقيقه بالتمام وصلت الطياره لاراضي المملكة العربية السعودية بسلام
الكابتن ؛ سيدتي وصلنا
نزلت بسرعه تاركته بحيرته ودخلت جوت المطار وكلمت اعضاء المباحث ؛ وش سويتو
المباحث ؛ كلمنا الامن وطلع مزيف اسمه
الجَادل ؛ شددو الحراسه انا جوت المطار الان
المباحث ؛ عُلم
سكرت منهم واتجهت لغرفة المراقبة
الامن ؛ ممنوع الدخول
الجَادل ؛ انا رئيسه قسم المباحث
فتح لها الباب من الخوف وناظرت للكاميرات بكل مكان
الجَادل ؛ شدد محد يركب الطايرات المتجهه لايطاليا
اخذ رجل الامن المايك ؛ انتباه الا جميع المسافرين الذي سوف يسافرون لايطاليا هناك تعليق قادم وسوف تتاخر رحلتكم المتوجهه لايطاليا
الجَادل ناظرت الشاشة الرئيسية وانتبهت لواحد يجري ومن هيئته كبير بالسن متوجهه للبوابه 35 عرفت انه هو وبسرعه اشرت على رجل الامن ؛ قفلو بوابه 35 واستعدو رجال الشرطة بسرعه بتهمه هروب مجرم وطلعت ركض للبوابة 35 ووراها رجالها
{سعيد}
سمع التنبيه وعرف ان الجَادل موجوده بالمطار وركض بتجاهه بوابه رقم 35 وقابله رئيس الامن بابتسامة ؛ سعيد الراجح ؟
سعيد بستغراب ؛ لا
رئيس الامن ؛ بتستغبي علي ؟
لف سعيد وبلع ريقه من شاف الجَادل موجهه المسدس عليه ولف بيهرب لكن شاف جميع رجالها محوطين المكان
الجَادل بابتسامة عذبه ؛ مسوي نفسك بتهرب؟
سعيد بخوف ؛ انا جدك يابنتي
الجَادل بقرف ؛ لا تسميني بنتك وبتروح مثل الحلوين للسجن
سعيد ؛ بتندمين يا الجادل
الجادل ؛ قد قالها ولدك قبلك ولا سوا شي واشرت على العسكر خذوه وانتظروني بعد بكره احقق معه بكره بقدم عندكم واباشر
{بيت الجد}
كانو في حالة استنفار والكل متحمس لرجوع الجازي بالبداية انصدمو لكن فهمهم شّجاع وتقبلو الوضع بسرعة
رينا بحماس ؛ امي هي تشبه الجَادل ؟
الجدة ؛ ايه تشبهها كثير نسخ لصق
ريم ؛ يويلي تحمستتت
رينا ؛ قومو يابنات وصلو وصلو
قامو كلهم متحمسين والجده معهم متحمسه
دخلت الجَادل وطلعت علطول لغرفتها ومن بعدها دخلو الجازي وسعود
الجازي بخجل ؛ سلام عليكم
الجدة بترحيب ؛ ياهلا ومسهلا نورتي السعودية والرياض
تقدمت الجازي وسلمت عليها بخجل وبعدها سلمت على رينا
~ بِيت ال ثَـنـيـان ~
نزل حاكّم من الدرج وقابل بطريقة سَمر وناظر بالارض بهدوء متجاهلها
سَمر بنبرة غريبة ؛ منور البيت يا حاكّم او يا زوج تُوق !..
وقف حاكّم ولف نظره لها ؛ وش المقصَد من كلامك يا سَمر ؟!..
ناظرت فيه لثواني ومن ثم لفت انظارها لتوق الي نزلت بستفزاز ؛ المفروض تعرف أن زوجتك ماتبيك و كارهتك!..
تقدمت توق لها وبنبره حاده ؛  على اي اساس حكمتي يا سَمر ، والمفروض تعرفين انه هو ما يبيك ولو يبيك اختارك ولا اختارني فاهمة؟! ولفت انظارها لحاكم المبتسم لا تتاخر حبيبي عن العمل يحتاجونك !
طلع حاكّم مبتسم من قوة توق الي ما توقعها ابدا وقابل شّجاع
شّجاع بابتسامة ؛ وش فيك؟
تقدم له والابتسامة شاقة وجهه ؛ شدخلك؟
شّجاع ؛ افا الحين وش دخلني؟
حاكّم ؛ ايه
وركب سيارته وركب معه شّجاع وناظر فيه ؛ حاكّم ورانا مداهمة بعد ثلاث شهور وقاعدين نخطط لها !
حاكّم ناظر فيه بـ نص عين ؛ وش افهم من كلامك يعني ؟!!
شّجاع ؛ افهم ألي تفهمه ها المداهمة خطيرة وانت تعرف منهو قايدهم!!..
حاكّم ؛ ايه اعرفه اشد المعرفة وادري انه خطير لكن انا عارف اننا بننجح ونقبض عليه فاهم؟
شّجاع ؛ المشكلة بيكون معنا بنات ، ومن ضمنهم بنت عمي لكن ماتعرف ولا احد من اهلي يعرف اني استخباراتي !..
وقف حاكّم سيارته ولف يناظره ؛ انزل وصلنا واهلك خلهم علي
ابتسمت بهدوء من شافت سعيد وسالم بالسجن يتهاوشون ولفت أنظارها للعسكري ؛ وش بيصير لهم الحين؟
العسكري ؛ تقدرين تقولين إنهم بيتحولون للمحكمة وبعدها ينفذون الحكم دام فيه أدلة كثيرة وقوية عليهم !
تنهدت بهدوء وراحه ؛ الحمدلله الحين اقدر ارتاح
العسكري ؛ ارتاحي الحين كل شي بيكون بيد المحكمة
لفت بتطلع لكن جذبها كلام سعيد لسالم ...
سالم بغضب ؛ أنت الي اقترحت علي يا يبه أصير تاجر !
سعيد بغضب اكبر ؛ محد ضربك على يدك وقال لك تصير تجار فيه مليون طريقة!!!
ابتسمت بخُبث وتقدمت لهم ؛ ماشاءلله وش هي المليون طريقة ؟ علمني !
سعيد بعدم اهتمام وخبث ؛ شتبين انتي ؟ طرق خاصة !
ناظرت فيه متقززه من خباثته ؛ أقول دحدر وراك محكمة بكره نتقابل
العسكري ؛ اسكت يا سالم !
سالم سكت وطلعت وهي تضحك عليهم بوناسة
شافت رينا وريم منتظرينها بالسيارة وركبت معهم
ريم ؛ الله أشوفك مستانسه
الجادل بروقان ؛ كيف ما استانس وسالم بينحكم عليه
رينا بابتسامه؛ الحين أعزمكم على افضل كوفي بالرياض بذي المناسبة الحلوه
الجادل وريم ؛ قدامممم ....
{شجّاع }
ناظر ساعته ورفع أنظاره لفيصل ؛ شعندك ؟
فيصل ؛ تطردني !
شجّاع ؛ والله انك فاضي ، بكرة بيحكمون على سالم وسعيد
فيصل ؛ شي حلو طيب ليه كانك متوتر ؟
شجّاع ؛ حاس ان سالم بيهرب
ضحك فيصل ؛ يهرب من السجن ؟ مستحيل
شجّاع ؛ مافيه شي مستحيل ذا جني
{بالسجن }
ناظر سعيد سالم وشافه مسرح
سعيد ؛ ولد
انتبه سالم له ؛ هاه ؟
سعيد ؛ شعندك تفكر ؟
سالم بتفكير ؛ أفكر اهرب من السجن ذا
اعجب سعيد بتفكيره وبهدوء ؛ وكيف ؟
سالم اشر على الفتحة الي بنهايه السجن ؛ شفت ذيك الفتحة؟
سعيد ناظر بالفتحه ولف يناظر بسالم ؛ وأنت تحسبني نحيف مثلك علشان اطلع منها !!
سالم ؛ الفتحه كبيره يا أبوي بس ذولي ماهم منتبهين لها
سعيد ؛ اجل دام الحين ليل خل نخرج
سالم ؛ يلا
زحفو بشويش لين وصلو للفتحه دون انتباه للحراس ودخلو داخل الفتحه وطلعو منها وقابلو اتباع سالم
سالم ؛ يعطيكم العافيه ياشباب الجوازات موجوده ؟
الولد الأول ؛ ايه موجوده كلها الاثنتين والأسماء متغيره
سالم ؛ يلا يا أبوي نركب ماعاد فيه وقت
الولد الثاني فتح لهم باب السيارة وركبو ومشى للمطار ...
{شجّاع}
دق جواله واستغرب من رقم رئيس القسم ؛ الوه
رئيس القسم بغضب ؛ الزفت سالم هرب هو وسعيد من السجن !
قام بسرعه من مكانه بصدمة ؛ كيف هربووووو وينكم عنهم !!!!
رئيس القسم ؛ تعال أنت وتشوف بعينك وجيب الجادل معك
وسع عيونه ؛ أنت تستهبل ! كيف اجيب الجادل أكيد إنها بسابع نومه
رئيس القسم ؛ تصرف دق على اي احد من أهلها يقومونها وتجي
{الجَادل}
كانت نايمه بأمان الله وفجاة دق جوالها وردت وهي ما تدري مين
الجَادل بنوم ؛ هممم
شجّاع باستعجال ؛ الجَادل قومي سالم وجدك هربو
فزت من نومها وبصراخ ؛ ايششش؟؟
شجّاع بسرعة ؛ بسرعة تعالي المركز الان
قامت الجَادل بسرعه من فوق سريرها ؛ جايه جايه خلاص
وقفلت من شجاع ولبست بسرعة وطلعت من غرفتها
الجازي بخوف ؛ شفيك يا بنتي مستعجله؟
الجَادل بنبره مستعجله وقفت عند باب الشارع تلبس البوت ؛ يايمه عندي شغل ضروري بالمركز إذا أبوي جاء قولي له وخرجت مسرعه تاركه أمها وراها
الجازي بخوف ؛ الله يستر عليك يا بنتي

اطول بارت للان والجزء الي تحت مانزلته لسا بالانستا يعني انتو محظوظين 🤣🤍