انتي حبيبة شجاع مالتفت للضعوف وانتي مليكة من يشوف أمنياتك امر

8

{سعيد}
جلس جنب ولده وهو فرحان فيه ؛ يا هلا والله بولدي
ابتسم بفرح ؛ هلابك يبه
سعيد ؛ عساك مرتاح الحين؟
ابتسم بخُبث ؛ لا والله ماني بمرتاح لين ما انتقم من شّجاع وبنت عمه
سعيد بستغراب ؛ ليه؟
سالم ؛ لانهم هم السبب بالسجن !!
سعيد ميل راسه بعدم اعجاب ؛ لاتظلم العالم
سالم ؛ ما اظلم احد انا هذا الصدق
سعيد ؛ وش عرفك طيب ؟؟
سالم ؛ سمعتهم يوم جات الشرطة
فجاة دخل شّجاع وفيصل وراه يتابع الهوشه الي منتظرها
ووقف شّجاع قدامهم متكتف ؛ ماشاء الله اجل طلعت من السجن يا سويلم؟
وقف سالم وسعيد متفاجئ منهم ؛ ايه طلعت يا شّجاع وش عندك؟
شّجاع ؛ ماعندي شي بس حبيت أنبهك مني
تقدم سالم ودق صدره ؛ هيه وش تقول انت تكلم صح!
مسك يده ونزلها من صدره ؛ احترم نفسك يا سويلم ومثل ما قلت دامك بديت اللعبة ولعبت معنا تحمل الي يجيك
سالم بعدم اهتمام ؛ سو الي تبيه مايهمني
شّجاع ؛ متاكد؟
سالم ؛ اي نعم
اشر لفيصل وفهمه واتصل على احد موظفين الشركة وقال لهم يجون بسرعه
شّجاع ؛ هاه وين صوتك؟
سالم ؛ وش بتسوي ؟؟
شّجاع ؛ الحين تشوف وحق جدي بيرجع
سعيد ؛ اي حق تتكلم عنه؟؟
شّجاع ؛ انت تعرف وشهو الي اقصده يا سعيد وقبل لا يكمل كلامه استغرب من الصوت الي سمعه
فيصل ؛ ذا صوت دباب صح؟
شّجاع ؛ ايه صوت دباب اطلع شوف مين
طلع فيصل وانصدم من الي شافه ورجع مسرع لشجاع وهو يلهث وياشر ؛ فيه بنت برا راكبه دباب ومعها بنتين كمان
شّجاع ؛ ماعرفت من هي ؟
فيصل ؛ لا
طلع شّجاع ووراه سعيد وسالم وفيصل وانصدمو من شافو الجَادل قاعده على الدباب تنتظرهم وريم ورينا معها مجبورات
تقدم شّجاع لها وتكتف ؛ ماشاء الله اول شي شاص والحين دباب؟ من وين جبتيه؟
نزلت الجَادل الخوذه من راسها ؛ ماشاء الله اولا مجتمعين بدوني ثانيا الدبابات حقتي ومن قروشي ثالثا لا تتلقف وكلامي ماهوب معك مع الي وراك
فيصل اشر على نفسه من الخوف ؛ انا؟
هزت الجَادل راسها بلا ؛ لا موب انت الحمارين الي وراك الاب وابنه
~ قبل اربع ساعات~
مسكت الجَادل جوالها واتصلت على السكريتره الخاصه بابوها وطلبت ثلاث دبابات لها ولريم ورينا وطلبت بودي قارد معهم دبابات ويوصلون بكل سريه للديره والسكريرته وافقت بسهوله
رينا بستغراب ؛ وش بتسوين؟
الجَادل ؛ انتقام صغيرون لسعيد وولده
ريم ؛ وش دخل اللعبه بالدبابات ؟
الجَادل ؛ بتشوفون بعد ساعتين
رينا بخوف ؛ حنا مالنا دخل
الجَادل ؛ انتم اساس اللعبه وبعدين وش خايفه منه بس نركب الدبابات ونلعب فيها
~الوقت الحاضر~
سالم بعدم اهتمام ؛ وش بتسوين يعني بتهدهسيني ؟
الجَادل بخبث ؛ ليه اوصخ يدي فيك؟ توتو لسا موتك ماقرب
شّجاع بخوف ؛ الجَادل وش بتسوين؟
الجَادل ؛ الحين اعلمك وش بسوي واشرت على البودي قارد يفتحون سيارته ويطلعون الهيروين الي كان مخبى داخل سياره ابوه واشرت مره ثانيه عليهم وفتحو سيارته وطلعو منها اكياس كبيره من الابر المخدره وعلاجات الادمان والدخان المستورد من الخارج بطرق غير قانونيه
سالم بصدمه ؛ وش عرفك فيها!!!
الجَادل بابتسامة ؛ لسا ماشفت شي واشرت للمره الثالثه وشقو كفر السياره ولقو فيها انواع كبيره من المخدرات والاشياء الممنوعه
انصدم شّجاع ولف لفيصل الي كان مصدوم اشد منه وناظر بسعيد الي جلس على عتبه الباب من شده الصدمه وناظر باهل القريه الي تجمعو حول الحدث وهم يناظرون بصدمه ومن بينهم الجد والاعمام المصدومين
شّجاع بصدمه ؛ ماشاء الله عليك كشفتيه بسهوله بس كيف؟
الجَادل ؛ الظاهر اني فضحت وظيفتي لكن مو مشكله وطلعت جهاز لاسلكي من جيبها وبصوت مليئ بالهيبه الى رئيس قسم المخدارت الرجاء التوجهه الى قريه **** اكُرر الى رئيس قسم المخدرات التوجهه الى قرية *** للقبض على المُتهم وفوراً وصلها صوت الرئيس عُلم ونزلت الجهاز وهي تناظر فيهم ؛ شفيكم ؟
رينا بصدمه ؛ يعني انتي من وقبل لا تكمل ردت عليها ؛ ايه من المباحث العامه ولا كان احد يدري الا ابوي وجدي وهم الي شجعوني واشرت على البودي فارد يمسكون سالم ويحطونه بالسياره لحين تواجد الفرق

سالم ؛ كيف عرفتي ؟؟ ومتى ووين !!
الجَادل ناظرت فيه وكتمت ضحكتها على شكله المصدوم ؛ يوم اخذت السياره شفت انها موب طبيعيه ومحمله وزن اثقل منها ويوم نزلت خليت البنات يمشون قدامي على ساس اني ناسيه شي لكن بالحقيقة عرفت انها موب مضبوطة وقبل شوي شقيت الكفر وشفت الوصاخه الي فيها اجل تبي تنتقم مني يا سويلم
ريم بحماس ؛ الله عصابات ومافيا ومباحث جويييي
الجَادل طلعت المسدس وعشقته ووجهته عليه وبنبره فيها الامر ؛ الدعم جاي الحين اي حركة الرصاصه بتتفرغ براسك فاهم؟ وبتمشي مثل الحلوين للسجن مره ثانيه وعاد اثبتت عليك تهم ثانيه انت وحظك انا اديت مُهمتي
شّجاع بصدمة ؛ يعني الدبابات ذي حقت المباحث؟
الجَادل ؛ لا ذي حقتي شاريتها بفلوسي
تقدم سعيد لسالم وصفقه كف خلاه ينسى حليب امه ؛ انا يا قليل الادب تستغفلني وتحط مخدرات بسيارتي ليتني خليتك تتعفن بالسجن!
سالم بتبرير ؛ يبه
سعيد ؛ مانيب ابوك يا قليل الادب
سالم ناظر الجَادل بنظرات حقد ؛ بتندمين يابنت سعود وقبل لا يكمل كلامه حس با المسدس على راسه رفع راسه وشاف الدعم متوجهه له وسكت خوفاً منها وسيارات الشرطة حوطت بالمكان من كل جهه
ضحكت الجَادل وبنظرات ماعرف يفسرها ؛ كمل كلامك بالسجن يا سويلم
رئيس الدعم ؛ كفو والله يا الجَادل مسكتي اكبر مجرم بالمملكة وفيه غيره بس ذا اخطرهم
الجَادل بابتسامة ؛ كفوك الطيب هذا واجبي وتذكر مقولة وطن لا نحميه لا نستحق العيش فيه وهذا واجبي اتجاهه وطني حمايته والامساك بالمفسدين
رئيس الدعم ؛ من طيب اصلك يا الجَادل استاذنك الان وناظر بسالم الي كان سرحان وانت امش قدامي على السياره حسابك بالسجن يا قليل الادب هذي نهايه الي يخون وطنه
سالم ناظر فيها بحقد اكبر ؛ بتندمينننن يا الجَادل بتندمين
رئيس الدعم ضربه على راسه وبحده ؛ تهدد قدامي صدق عديم تربية يبي لك تربيه من جديد
شّجاع بإعجاب ؛ والله وطلعتي من المباحث
الجَادل ؛ الحمدلله هذا بفضل الله ثم فضل ابوي الي دعمني
شّجاع ؛ الله يوفقك يارب
تنهدت الجَادل ؛ امين اجمعين
سعود ؛ هذي بنتي الي اعرفها كفو عليك
قعد سعيد بتعب  ؛ تصرفي فيه الي يعجبك انا ماعاد عندي ولد اسمه سالم