انتي حبيبة شجاع مالتفت للضعوف وانتي مليكة من يشوف أمنياتك امر

9

الجَادل ناظرت فيه وبحقد ؛ هذي نتيجة طمعك يا سعيد وهذا انتقام لانك سرقت فلوس جدي
شّجاع بحزن على حال سعيد ؛ الجَادل خلاص
ناظرت فيه وشاحت انظارها لسعيد الي يناظر فيها بندم وحزن ؛ جيتي للديره ماهيب عبث جيت علشان انتقم منك وولدك من الاساس ماكنت ادري عنه شي لين كشفته وطاح بيدي
شّجاع ؛ خلاص يا الجَادل ماتشوفينه تعبان ؟
الجَادل ؛ مايهمني ! حق جدي ورجعته ومن الاساس جدي وينه!
شّجاع ؛ رجع للرياض علشان الشركة هو واعمامي
رينا ؛ خلصتو انتقام؟ خلونا نرجع لاني صدق طفشت
شّجاع ؛ جهزو اغراضكم وكل واحد يروح بسيارته
الجَادل ؛ اخيرا لي دهر ماحركت سيارتي
ريم ؛ بروح معاكم دام اهلي سحبو علي
الجَادل ؛ حياك الله
سعود ؛ انا بروح مع شّجاع لي كم كلمة بقولها لك لحالنا
شّجاع ؛ عساه خير
سعود ؛ خير خير
رينا ؛ بروح مع الجَادل
سعود ؛ روحي معها محد منعك
ريم ؛ بقول للعاملات وانتو قولو للسواقين
سعود ؛ قلنا لهم من الاول انتو خذو اغراضكم
الجَادل ؛ اجل بنتظركم بالسياره بروح اشغلها واشيك عليها
سعود ؛ تمام حنا بنمشي قدامكم
الجَادل ؛ درب السلامة
مشو سعود وشجاع وبقو البنات يجهزون الاغراض ويمشون
{شّجاع- فيصل - سعود }
سعود بهدوء ؛ وش سالفتكم انتو؟
فيصل ؛ اي سالفه
سعود لف وناظره بحده ؛ فيصل لا تجنني وقل وش سبب جيتكم للديره عرفت السبب من الجَادل باقي انتم
شّجاع يسوق بروقان تام ؛ انت هد الحين الموضوع مايستاهل
سعود لف انظاره عليه  ؛ وش الي ما يستاهل الحين تعلمني!
فيصل بهدوء ؛ لان سالم ارسل تهديد بايميل الشركة هذا اول شي ثاني شي راح للصايهد وبغى ياخذ ناقه شّجاع هذا ثاني شي ثالث شي تذكر السياره السوداء ؟ مرسل ناس علشان يراقبونكم
سعود ؛ ووش هدفه من ذا كله
شّجاع بهدوء ؛ لاني فزت عليه بكم مسابقة وفضحته لانه كان يعطي الابل منشطات وهو ممنوع يستاهل صراحه
سعود ؛ بس كذا؟
فيصل ؛ ومثل ما قالت الجَادل عنده تهم كثيره
سعود ؛ وواثق ببنتي لكن ان عاد عدتوها ياويلكم
شّجاع ؛ ابشر هد اعصابك الحين وروق
سعود ناظر بسياره الجَادل الي مرت مسرعه قدامهم ؛ هالبنت مستحيل تعقل
شّجاع ؛ خلها ياعم الخط سريع
{سياره الجَادل}
رينا بحماس ؛ احس بشتاق لذي الديره
كسرت بقرف وهي مركزه على الخط ؛ مستحيل اشتاق لها الحمدلله انتقمت وحلال جدي رجع كامل مكمل
ريم ؛ اقول صبي شاهي
الجَادل ؛ ايه صبي شاهي وخلي كلامك الفاضي بعدين
رينا ؛ اوريكم
الجَادل ؛ شوفو ابوي يناظر فيني بصدمه
ريم ؛ موب مصدق ان الحلاوه ذي رجعت حق جدها كامل
الجَادل ابتسمت ؛ انتي الحلوه والله
رينا ؛ شف تتغزلون قدامي وش قله الادب ذي
الجَادل ؛ ياربييي يالغيره وش الغيره ذي!!
رينا ؛ مالي دخل
ريم ؛ اقول اهجدي
رينا ؛ مافي احترام
ريم انسدحت وتناظر فيهم ؛ لا مافي
الجَادل ضحكت وهي تناظرها من المرايه ؛ قومي قربنا نوصل
ريم ؛ مافيني حيل اقوم ابداً
رينا ؛ مسرع عجزتي؟
ريم ؛ ياربيييبيي وش هالعمه الي كلشوي بحلقي
رينا بغرور ؛ احمدي ربك علي!
ريم ؛ الحمدلله بس ترا الغرور ماهوب لايق عليك
الجَادل ؛ افحط فيكم؟
رينا ؛ اهجدي
ريم ؛ اييييييييي
رينا لفت ونطت وراء وبدت تضرب ريم وريم تضحك
{الجَادل}
ريم ؛ خلاص رينا ترا نبي حماس ! ماراح يصير لنا شي كلها لفتين بالطريق
رينا بحده ممزوجة بالخوف ؛ بنت ! ياكم ناس توفو بسبب اللفتين ذي!
الجَادل ناظرت فيها من المراية ؛ مافيها شي يا رينا وابشري يا ريم الحين يجيك التفحيط الصح
وبدت تفحط ورينا تصيح من الخوف اما ريم مستمعة جداً لكن لاحظت الجَادل انها ماعاد تقدر تتحكم بالدركسون {اطار السياره} وصرخت باعلى صوتها ؛ اربطووووووووو حزامكممممممم
خافو البنات وربطو احزمتهم بسرعه وهي حاولت تتحكم فيها لكن مافيه اي فايده وانحرفت السياره عن الطريق وسط صياح البنات وبدت تتقلب بقوة
{سياره شّجاع}
توسعت عيونه بصدمة من شاف الحادث قدام عيونه وقف السياره وصرخ باعلى صوت غير مدرك الي معه ؛ الججججججاااااددددللللللللل !!!
سعود بخوف على بنته الوحيده واخته وبنت اخوه نزل من السياره  ؛  اتصل على الاسعاف بسرعهههههههه
شّجاع ماقدر يتحمل وطاح من طوله وعيونه تدمع من الصدمة الي شافها وفيصل اول ماشاف حالته ركض عنده وبدا يضربه كف علشان يصحصح ؛ شّجاع تكفى قوم عمك مصدوم قوم معه
سعود ركض للسياره وحاول يقلبها بشويش وينادي بالبنات ؛ ريم ريم تسمعيني؟؟؟
ريم بالم؛ اههه عمي اههه راسي عمي الجَادل قدام انا ورينا بخير بس الجَادل هي المتضرره
سعود ؛ فكي الحزام وانزلي بشويش ونزلي رينا معك
ريم بالم ؛ تمام بس شوف الجَادل
سعود تقدم لشباك جهه السواق وناظر بوجهها الي مليان دم جلس على ركبه بصدمة وقعد يهز فيها ؛ الجَادل الجَادل قومي وانا ابوك قومي شوفي الاسعاف جاء تكفين يا ابوك قومي الجادلللللل!!!!
تقدمو المسعفين وحاولو يطلعونها بكل هدوء لان يتوقعون عندها كسور ونزيف داخلي
سعود ؛ تكفون ساعدوها ماعندي غيرها
واحد من المسعفين ؛ باذن لله بتطلع بخير بس ذي مجرد توقعات
المسعف الثاني ؛ طلعناهااااا ودوها بسرعه الاسعاف وعطوها اكسجين
سعود بخوف ؛ شطلع فيها ؟؟
المسعف ؛ الحمدلله مافيها لا كسور ولا شي سبحان الله الحادث قوي لكن ربي نجاها بسهولة معها جروح بس براسها ويدها ورجلها تفضل معنا للمستشفى
ركض شّجاع عندهم بخوف ولحقه فيصل بعد ما ركب البنات سياره البنات ؛ وش طلع فيها ؟!
سعود براحه ؛ جروح بس واعتقد ان الدم الي كان مغطي وجهها