انتي حبيبة شجاع مالتفت للضعوف وانتي مليكة من يشوف أمنياتك امر

11

{شّجاع}
شاف الاكشن الي حصل قبل شوي وتقدم لسعيد وهو يقومه من مكانه ويناظر بالجادل الي كانت تبكي بحضن ابوها وجده الي ماسك راسه
شّجاع بهدوء ؛ الحين تاخذ عفشك وضف وجهك
مشى سعيد وهو ماله نيه يرجع بعد الي صار وتنحنح شّجاع ؛ يابنت العم الدكتور كتب لك خروج ولاتشيلين هم قضيه امك بتنفتح وبينسجن سعيد مع ولده
ابتعدت عن حضن ابوها وهي صاده علشان لا يشوفها وبصوت هاي ؛ ما تقصر يا شّجاع
سعود ابتسم بفخر ؛ كفو والله
ابتسم بهدوء وروقان ؛ كفوك الطيب ياعم
الجد بتعب ؛ انا مدري وش سويت علشان ترجع المشاكل
شّجاع ؛ ياجد معليك قضية ام الجَادل بتنفتح وانا بكون المشرف عليها
الجد ؛ الله يسعدك يا ولدي وينور دربك ويسعدك
شّجاع ؛ امين
سعود ؛ ترا هالمستشفى ولدت فيه الجَادل
اخذت الجَادل نقابها وتغطت واخذت جوالها الي كان سليم وقامت من مكانها وهي سافهه الكل وطلعت بعد ماعرفت ان هالمستشفى هو الي ولدت فيه وتوجهت لقسم الولادة والاطفال وقابلت الممرضة الي كانت على الاستقبال ؛ سلام عليكم
الممرضة ؛ عليكم السلام هلا اختي امري؟
الجَادل ؛ ما يامر عليك عدو حبيت استفسر كان عندكم مريضة قبل 20 سنة اسمها الجازي سعيد الراجح؟
الممرضة بتذكر ؛ انتي الجَادل ؟
الجَادل ؛ ايه معك الجَادل
مشت الممرضة عندها وهي تبكي من الفرحه ؛ انتي الجَادل بنت سعود ؟
الجَادل بخوف ؛ ايه انا
الممرضة ؛ تعالي وراي بسرعه
مشت الجَادل وراها لين وصلو عند مكتب الدكتور وكان شايب كبير
الممرضه ؛ يا دكتور عبد الله ذي الجَادل بنت الجازي !!
رفع الدكتور راسه بسرعه ووقف ؛ الجَادل بنت سعود ؟
الممرضة ؛ ايه هي
الجَادل بهدوء ؛ السلام عليكم
الدكتور تقدم لها ؛ هلا وعليكم السلام
الجَادل ؛ يا دكتور ممكن اعرف وش الي خلا امي تتوفى ؟ ادري انك مستغرب لكن ماكنت ادري ان وفاتها موب تعسر
عبد الله وهو يتذكر الماضي ؛ بالجادل امك كانت تجي مراجعات دايم رغم صغر سنها هي ويعود الا انها كانت قوية وذكيه وبيوم جانا سعود وهو شايلها ويبكي بخوف والدم ماليها وعرفت انها كانت مخطوفة والي خطفها ابوها وعذبها علشان الفلوس وتعسرت ولادتها وجابتك على الدنيا وكان اخر شي نطقته انتبهو لبنتي
الجَادل ؛ طيب وش سبب النزيف هل هو ضرب ولا وشو؟
عبدالله ؛ السبب كان ضرب بالسوط والسلاسل
انصدمت الجَادل وبصراخ ؛ والله لنتقم منه السافل وطلعت بسرعه من الغرفه والدكتور يجري وراها وقابل قدامه شجاع وسعود ؛ سعود؟
سعود بستغراب ؛ ايه من انت
الدكتور ؛ الحق بنتك راحت تذبح سعيد
سعود ؛ عبدالله ؟؟؟
عبدالله ؛ الحق بسرعه بدون اساله
لحقوها وشافوها يوم تركب سياره سعود وحركت على الديره وهي ناوية ترجع حق امها
سعود ضرب رجله بالارض ؛ اخذت سيارتي وراحت بسرعه قدامي لسيارتك
ركبو سياره شّجاع وانطلقو وراها وهم يكبسون لها وهي موب مركزه وعيونها اشتدت وصارت حمراء غير مباليه للي بيصير
شّجاع ؛ ياعم وش قال الدكتور ؟؟
سعود مركز بالسواقه ؛ علمها سبب وفاه امها والطريقة الي تعذبت فيها الجازي
شّجاع ؛ بيندم سعيد والله بيندم
وقفت الجَادل ووقف سعود ونزلت ومعها مسدس من نوع سيرديوكوف وهو اقوى سلاح في العالم واطلقت بالسماء وبصوت عالي ؛ اطلع يا الخسيس والله لتندم على كل لحظه بكت فيها امي من الالم
طلع سعيد بخوف ؛ وش جابك؟
الجَادل بحقد ؛ ابغى اخذ روحك مثل ما اخذت روح امي اجل الجازي تنضرب بالسوط والسلاسل ولا بعد تخطفها من زوجها؟؟
سعيد ؛ ماسويت شي غلط
وجهت الجَادل المسدس عليه وبنبره فيها الحده ؛ ماسويت شي يالكلب؟؟ الحين اعلمك كيف كانت تحس فيه امي وناظرت البودي قارد وفهمو نظراتها واخذو سعيد وقالت لهم وين يحطونه