﷽
____الكاتبة بحر_____
شـــرارة بين الــنار والـــماء
حبايتين شربت حتى اكمللكم البارت وماطالبة مقابل ولا تفاعل بس كافي تجريح وقهر هاي تصيح شنو تأخير هاي تكتب لا تسردين بالفصحى هاي تكتب كاتبة القصة وضامتها يعني انتو تعرفوني من رواية روح في بحر الظلام اني اتأخر واسرد بالفصحى وعندي اخطاء بالاملاء وكتبتلكم طريقة السرد ماتتغير اللي معاجبهه تغير القصة لا تضوج نفسها 😔🤎
اكثر من 5500 كلمة
♡_______________________♡
عليــااء
بعد آذان الفجر بدينا نگعد لصلاة الفجر نصلي قبل لا تطلع الشمس وتصير قضى
صليت ورحت اگعد شرارة مثل ما وصاني أيهم
طرقت الباب بهدوء حتى لا افزعها لان شرارة تفز من كل شي من الصوت العالي اذا احد خطف امامها اذا صحيتها من النوم بصوت عالي حتى الحركات المفاجأة تخليها ترتعب وتضل تتلفت
سمعت صوت أنين خافت بلعت ريقي بخوف و فتحت الباب
وسعت عيوني صرت اقترب منها وانا احس نفسي راح ينقطع
متمددة بالارض وفاتحة عيونها على وسعهن وتون بخفوت .. گعدت يمها ولمست كتفها اوعيها مرة والمرة الثانية انتبهت لي
مثل وكأن شي لازمها وتحررت منه هربت لأخر الغرفة تصرخ رحت الها اهدئها .. هجمت علية بكل قوتها
تضربني وتحاول توصلي تريد تخنگني .. من الخوف والصدمة باد حيلي صارت اقوة مني بعشر مرات
تبجي وتصرخ
:لااااااااا .. لااااااااا عوووووفنييي عووووفني
دخلوو جدي وعباس وجدتي بطلاع الروح خلصوني منهاا التفتت عليهم تبجي وتصرخ
:مـاااا أگووول مااا أگوول شششي ولج يمااا لحگيني والله ماا أگوول والله
جدتي ضلت تقرأ قرآن وطلب كوارها جبته الها
طلعت منه طاسة ذهبية حطت بيها ماء وضلت تقرأ وترش عليها
سوادي : ولج أيهم ووينه وين صاار لا يصيبها شي ويبلييناا
رد علي عباس من خارج الغرفة
:خااابرته جااي راح يووصل .. جدة الهاا ماي مقري علي اطيهاا منه .. عليااء دووري البت لاا تتخبل
جدي وجدي يقرأون بصوت عالي قرآن وادعية وهي مستمرة تصرخ وترجف تريد تهرب منهم وماكو مجال تشوف عباس بالباب وكان منطينا ضهره لان حالها حال تشوفه وترجع تجلس وتبچي
شعرها الاسود متناثر بلارض والروب طاح ضالة بالتراك نص ردن
جسمها علي علامات زرگ بزنودها ورقبتها واديها
دورت بكل مكان على الماي المقري علي مالگيته
أنت تقرأ
شرارة بين النار والماء
Spiritualضحية الجهل ، في محاولة بائسة ل تحصيني من اشباه الرجال وضعو لي حارسا من عالم اخــر في سحر قاسٍ ضناً منهم انه لن يقوم سوى بحمايتي انقلب الســحر ليس على الســاحر بل عليّ شيئ من لاشيئ يجعلني اعيش ما لا ينبغي ان اعيشه وارى ما لا ينبغي لي ان ارى منذ ح...
