في بيت عائله الهواري تحديدا في غرفه "مازن"يهاتف "وليد"و يقول :ليدو بقولك طروقه كان بيقول عايزين نطلع الساحل كده اسبوع ولا حاجه و مراتي و عائلتها جايين هناخد احنا الرجاله شاليه و البنات شاليه
قال الاخر بترحاب للفكره:لوز العنب يا زوما خلاص أنا موافق شوف باقي الشباب
قال"مازن"بمرح:الا مش سامع لرحمه صوت خير اللهم اجعله خير يعني كل م اكلمك بسمعها يا بتصوت يا منكده عليك
صدح صوت "رحمه"من الهاتف صارخه تقول:يا وليييييييييييد
قال الاخر بزعر و خنقه:نقيت فيها منك لله ..حاضر يا حبيبتي جاي
ثم ضحك "مازن"و ذهب ليخبر باقي الاصدقاء
***********
علي الجهه الأخري تحديدا في منزل "وليد"
ذهب "وليد"ليري لماذا تصرخ زوجته و قال:في اي يا رحمه بتصوتي لي
قالت"رحمه"بعصبية:مش قولتلك هات نوتيلا فين بقي النوتيلا حضرتك
مسح "وليد"علي وجهه بغضب و قال:يعني ده اللي انتي بتصوطي عشانه بجد يا رحمه حرام عليكي انتي بتتكلمي في اي انتي بقيتي بتزعلي و بتعيطي من اتفه الأسباب انتي طفله !!
نظرت "رحمه"له بعيون باكيه و تقول :انا طفله اه و ع فكره انا مش بعيط ع اتفه حاجه انت مش فاهم اللي بيحصل معايا انت اصلا ع طول بره ف الشغل و اااااااه
تقدم "وليد"لها و قال بقلق:اهدي بس في اي
قالت "رحمه"بألم:بطني يا وليد بتتقطع مش قادرهههه
حملها الاخر و دلف بها الي الغرفه لتبدل ملابسها و يذهبوا للدكتوره
في السياره التي تملؤها بكاء "رحمه"و هي تشد ع ايد وليد
قال "وليد"بخوف:اهدي يا رحمه بس يا حبيبتي خلاص وصلنا يلا انزلي
دلفا الزوجين للدكتوره و انتهي الكشف و قالت الدكتورة: استاذ وليد المدام مش بتاكل كويس خالص و ده غلط ع البيبي و بتتحرك كتير و انا حذرت قبل كده من الموضوع ده
قال"وليد":تمام يا دكتور شكرا لحضرتك انا هبقي اشوف الموضوع ده
بعد ذهابهم لمنزلهم ذهبت"رحمه"للنوم و لكن قاطعها "وليد":رحمه انا اسف والله مش عارف انا قولتلك كده ازاي بس بجد كنت متعصب و مضغوط جامد من الشغل و أسر مشاكله كترت و ماما كل شويه تشتكيى منه
قالت"رحمه"بحنو و هي تغلغل يدها في شعره:خلاص يا ليدو انا اللي اسفه اصلا بس انت عارف حبيبي شقي جدا و هرمونات الحمل بقي و كده بعدين انا اصلا اللي غلطانه عشان مكنتش واخده بالي من انك زعلان انا اسفه
ثم قبل "وليد "جبينها و قال:و لا يهمك يا رحومتي المهم انا مازن كلمني و قالي أننا هنسافر الساحل اسبوع و معانا عيله مراته و الرجاله ف شاليه و البنات كذلك
قالت "رحمه"بفرحه مثل الاطفال:yes انا فرحانه اوووووي بجد شكرا يا احلي ليدو ف الدنيا
قهقه الاخر ع فرحتها و ذهبوا في ثبات عميق
***********
علي الجهه الأخري في غرفه "نور"صدح صوت هاتفها معلننا الرنين بأسم (مازن الهواري)
أجابت "نور"علي الهاتف و قالت بخجل: السلام عليكم
قال الاخر:و عليكم السلام اتأخرتي في الرد مكنتيش عايزه تكلميني
قالت"نور"بسرعه و لهفه:لا والله ابدا بس كنت بصلي عقبال مخلصت لكن الموضوع مش كده خالص
قال "مازن"بضحك :خلاص يا ستي عفونا عنك عموما انا كنت بكلمك عشان اقولك علي موضوع الساحل اكيد عمو قالك بس انا قولت اكلمك برده عشان اعرف رأيك
قالت"نور"برقه:هم كلهم هنا موافقين يعني ف انا كمان موافقه
قال"مازن"بجديه:نور انا عايز اعرف رأيك انتي مش عشان الباقي جاي تبقي انتي ماشيه علي هواهم انا عايز رأيك انتي عشان متبقيش رايحه مغصوبه
قالت"نور"بتفسير:لا انا فعلا موافقه و مش مغصوبه والله انا تمام يعني
زفر"مازن"بأرتياح و قال: خلاص يا نوري كده نبقي خالصين يلا السلام عليكم
شهقت الأخري بخجل من اللقب الذي نعتها به و قالت بخجل:و عليكم السلام ورحمه الله
**********
في بيت سعيد كان يصدح صوت موسيقي اتيه من غرفه "ساره"
اه لو لعبت يا زهر
و اتبدلت الأحوال
و ركبت اول موجه
ف سكه الأمواج
اروح لاول واحد
احتاجتله ف سؤال
كسر بخاطري ساعتها
صدح صوت"ساره":ايوه يا روني يا جااااامد
بينما كانت "نوران"تمسك بالهاتف تصور "روان و ملك"
دلفت الي الغرفه "فاطمه" و قالت بمرح:احلي مسا عليكوا يا ولاد انا بس حابه اقولكم ان سميه لسه قافله معايا و احنا كلنا مسافرين بعد بكره الساحل احنا و عيله نور مرات مازن و البنات ف شاليه و الرجاله ف شاليه
صدح صوت جميع البنات :ايوه يا فطومه يا جامدهههههه
ضحكت "فاطمه"و ذهبت لتخبر اولادها البقيه
قالت "هنا":اععععع انا متحمسه اوي يا جماعه
قالت "نوران":يلا بقي يا جماعه عايزين فعاليات
قالت"ملاك":فعاليات اي دلوقتي استنوا بس انا مش هلحق احضر هدومي و حاجتي ف يوم و بعدين هنسافر بعربيه مين
قالت"نورين"بهدوء:ملك حبيبتي انتي هتروحي ع طول هتنجزي كل حاجه و بعدين موضوع العربيات ممكن نشوف عربيه ساره أو عربيه ملك يعني مش حوار
قالت"ساره":خلاص يا بنات موضوع العربيه ده عليا اي خدمات
قالت "ملك":طب يا حبايبي هطير انا بقي عشان الحق احضر الشنطه و اساعد ماما بقيي يلا بايييي
**********
السلام عليكم بارت قصير بس علشان النهارده بارتين حبيت اقسمهم و اوعدكم أن البارت التاني هيبقي طويل أن شاء الله
مننساش الدعاء لأهلنا في فلسطين و السودان 💙 🎀
