مهما طفت ارجاء اللغه،
لن تجد استفهاما اكثر وجعا من هذا: او مخرجي هم؟
للاسف إن الكثيرين سيكرهونك لمميزاتك لا لعيوبك!
و قد تسلم ممن حرمتهم ولا تسلم ممن اعطيتهم!
سيأخذون منك بيد و يطعنونك بالاخري،
هذه الدنيا مليئه بالجحود!
سيكسرك بعض الذين رممتهم،
و سيجرحك الذين داويتهم،
و سيطفئ شمعتك بعض الذين اضأت شموعهم،
و سيكسر مجاذيفك بعض الذين دفعت قواربهم،
و سيبكيك بعض الذين مسحت دموعهم،
كن خيرا، و لكن لا تنس:
اول ما يفعله الاعمي بعد ان يبصر هو ان يلقي عصاه!
من كتاب رسائل من النبي 🌺
ـــــــــــــــــــــــــــــــــــــــــــــــــــــــــــــ
في طنطا حيث الريف الذي يشع بالهواء المنعش و المناظر المذهله سبحان من ابدع في هذه الدنيا و ايضا من ابدع في البشر و نواياهم!
تحديدا في غرفه الجده "شيماء" يدلف "مروان" و "مالك" الغرفه بهدوء حيث ان لا تلاحظهم الجده يريدون ان يستردوا هواتفهم بعدما سلبتها منهم الجده ليقضوا وقتا مع بعضهم
همس "مروان" الي "مالك" قائلا: الحق يلا دي حطاهم في الصندوق
رد عليه الاخر بحيره: لا و كمان مخبيه المفتاح في حته مش هنعرف نجيبه منها طلعت مش سهله تيتا دي برده
قال "مروان" بسخريه: انت لسه واخد بالك! اه منك اتيتا
ــ بتعملوا اي هنا ياض انت و هو
وضع "مالك" يده علي وجنتاه كحركه شعبيه مشهوره قائلا: يا نهار مش معدي اقسم بالله
حمحم "مروان" و قال بإبتسامه مصطنعه: مساء الخير يا تيتا
قالت "شيماء" بحده: مساء الخير! قول صباح الخير ياخويا الساعه واحده بليل خشوا ناموا
قال "مالك" بهدوء: ننام اي بس يا تيتا احنا مش بنام دلوقتي خالص ممكن بس ناخد الموبايلات ربنا يخليكي و تحجي يارببب
امسكت الجده بعصاها التي تسندها عند السير و هي تضرب بها "مالك" و "مروان" تحت تأوهاتهم تقول: موبايلات اههه يلا ياض انت و هو بره من هنا
استغل الاخران الفرصه و فروا جريا من الغرفه تحت ضحكات الاخرين الشامته بهم
قال"احمد" ابن عم "ساره" ممسكا ببطنه من شده الضحك: مش قادر والله شكلكم عامل زي الكتاكيت المبلوله كده
ضحك الاخرين بشده علي قوله
قالت"لحن": انا قولتلكم هتخشوا تتهزقوا جوا عملتولي سوبر هيرو و انتوا علي الله ان شاء الله
قالت "لمار": م تجرب حظك كده يا احمد و خشلها ده انت الحته الشمال حتي
قال" احمد" بشهقه: انتي عايزاني اضحي بروحي انتي بتهزري ولا اي يا لمار تيتا ف الكلام ده معندهاش يا اما ارحميني
