مَــوْتِــي تَــعْــنِــي مَــوْتُــكَ..

مُذكِرَاتُ عَائِلَتِي

"الله يعين بس.."

قالت امي وهي تنظف الصحون وانا وراها..لي ساعة احاول اقنعها انقل من المدرسة! المدرسة كلها خياس ابي انقل!
قلت بمحاولة ثانية لأن الاسد لا. يستسلم! مدري شدخل بس قلتها:

"امي تكفين! وقسم بالله المدرسة خياس ومعاملتهم زفت وزق ولا افهم شي لا من طالب ولا من استاذ! تكفين امي.."

تحوقلت امي بعدم صبر بعدها صرخت عليه وطلع العرق..

"يابني! ما تبعد عني صدعتي لي راسي!"

يب..امي سورية قعدت احاول قد ما اقدر وعلى راسها ليين صجتني بالصاج حق البيض وقالت لي:

"عيب الشوم عليك! يلا طر مناك لغرفتك!"

امي تتداخل سعودي على سوري ورحت عاد لا تصجني مره ثانيه ومريت من عند غرفة ناصر اخوي الكبير..اقوله يقنع امي؟ ولا بيصجني بيد الخباز حقته؟ خليني اروح بس لا تحصل منجد...

نسيت اعرفكم عن عيلتي! هم اربع اخوان وانا خامسهم بنتين و ولدين وامي بس ابوي ما ادري وينه هو اصلا حي ميت يتنفس يتعذب امي ما رضت تعلمني ولا اخواني رضوا يعلموني انا اصغر واحد وصف ثاني ثانوي البنت الي بعدي جامعيه يعني كلهم لحقوا على ابوي الا انا وليش ما يعلموني؟ ماعد دريت ما يهمني الصراحه ابوي افعاله شنيعه ومدري ليش وايش كان يسوي لكن مادامني عايش بسعادة مع امي واخواني وبراحة فااا ما يهمني احد. .. اول واحد من عيلتنا ناصر عازب عاطل تقال الشايب الي يطفي المكيف ولا احد يدري ليش ما تزوج لما امي تسأله يرقعها بأبغى اهتم بأخواني ماابي اتعبك يعمي نبي الفكه منك اصلا انقلع تزوج!

المهم ناصر عمره ٢٨ بيطق الثلاثين ولسا ما تزوج وكريه وغثيث ويكرهك بحياتك انه اخوك الكبير ولازم تحترمه وهو اصلا طقاع وخياس هو وشماغ الكوبرا حقه اخوي الي اصغر منه يعدل له الشماغ ولو قلنا له ليش ما تعرف له يقولنا انا مو من اهل الديرة انا من المدن يعمي طز وكل خرا هو شعره اسود ورياضي عشان الفضاوه حقته يروح نادي لكن بعدين كنسله عيونه ما بين حادة و واسعه وماخذ من صفات ابوي كثيير امي الي تقول مو انا وشعره محلق من رقبته لكن من قدام كثييف مره لدرجة لما نبي نشعفه من قدام احيانا نشعف جبهته بالغلط ما نشوف شي وما يحب يحلقه متمرن ويعرف للرياضيات والكارتيه ويهاوش وهواشه قوي واسنانه عادية ولون عيونه بني غاامق

الثانيه الي هي سراب عمرها ٢٦ مخطوبه وبعد شهرين الزواج..الله يعين زوجها سراب تعشق التنظيف تكره تكره الي يوصخ اذكر مره وصخت بالغلط وانا اكل بعدها خلتني امسح المخزن الي له سنه ما فتحناه وكان مليان تراب ومن وراها جاني ربو وبعدها بكت لما عرفت عن الموضوع حساسه ذي وهي شعرها قصير لكن طويل يعني يوصل لأكتافها وكيرلي وتحبه مره وتقول ذي هبه و شفايفها ما بين واسعه وخفيفه وعيونها حلوه وصغيره