مَــوْتِــي تَــعْــنِــي مَــوْتُــكَ..

أَنَا بَرِيئْ؟

مصدوم من الي حسيت فيه ومن الي سمعته ومن الي حصل! احسهم يكذبون عليه مستحيل مستحيل!!

قاعد اسمع طنين في اذني قوي واسمع احد ينادي لكن رؤيتي تشوشت وماعد اشوف الا الظلام...

_________________________________________

"ليث!! لاا!! بعد عنه!"

كان الرجال الي قدام الجالس والمربوط من كل شبر من جسمه ماسك سلاح سكينته كبيرة جدا وطويلة ومنحنيه شوية زي الاداة وكان انس يصرخ وهو يقول:

"لاا!!! الا ليث بعطيكم الي تبونه! الا لييث!!"

فجأة كل شي صار اسود وحتى السلاح وبعدها ظهرت عيون كانت تومض باللون الابيض والبؤبؤة كانت مستطيلة زي القطة عندما تغضب وتصغر بؤبؤتها

وبعدها كشرت الانياب حقت العيون وهمس بكلمة:

"هو ليس بريئ!"

________________________________________

قمت وانا اشاهق بقووة شديدة!وغمضت عيوني مسرع من النور والطنين لسا موجود ومستمر بعدها راح بسرعه وسمعت جنبي:

"لك تؤبرني شو به ابني!"

قعدت اسمع شخص يكلم لكن كلامه كان بعيييد بعيد بشكل مو طبيعي وانا قاعد اتنفس بقوة انفاسي ما احس فيها بعدها حسيت بهمس جنب اذني بالضبط جنبها والله كأنها دخلت مخي وكان يقول:

"لا تتنفس موت! موت!!"

قعدت الطنين يزداد بقوة شديدة!! لدرجة ما قاعد احس بأي شي حولي قمت من السرير مسرع وقعدت اصرخ بقووة شديدة احاول ابعد الطنين المزعج وكنت اصرخ من قلبي منجد!!! فجأة...كل شيء هدأ

الطنين راح...

الصوت راح...

الصراخ راح...
كان فيه احد يحضنني وعرفته مباشرة...بادلته الحضن حول ظهره وقعدت متكي عليه ومدري ايش صار لأني ما قاعد اسمع شي حولي غير المكيف وكان اريح صوت بالنسبه لي الهدوء مع المكيف..

بعدها ليث باسني على راسي وقالي بهمس بالغصب سمعته لكن عشان الهدوء:

"انا اسف..بقتلهم كلهم"

رفعت راسي عن حضنه لأني كنت جالس وهو واقف وقلت له:

"كان..حلم؟"

تنهد وبعدها حضني مره ثانيه عشان ما اشوف وجهه وقالي بنبرة حنونه:

"لا.."

اخذت احضنه اكثر وهو يحضنني اكثر واحسني بأمان شديد شديد واحس انه انا في مأمن طول حياتي اذا قعدت في حضنه وما قاعد احس بأي خطر ابدا حتى لو كان قدامنا بكبره..

بعدها نمت في حضنه وانا حاس بالامان والراحة..

___________________________________________