مَــوْتِــي تَــعْــنِــي مَــوْتُــكَ..

هَدَأَتْ الأَوْضَاعْ

مر شهر...

الحال الي سويته قبل شهر والاغماء والطنين باااح..

تعرفون ايش يعني باح؟ يعني انتهى

لكني كنت في عذاب..بتسألوني هل كنت اعاني من الكوابيس؟ بقولكم لا ، هل كنت اعاني من الصداع او الذكريات بقلكم لا ، اجل وشهو؟

ليث ماله اثر..

كأنه الارض انشقت وبلعته من يوم دخلت المستشفى وهو ماله اييي اثر حرفيااا!! ولما سألت الشله عنه قالوا لي 'هو في الاستراحه..' سألتهم وانا بنفجر 'كيف في الاستراحه مختفي له شهر تقولون لي في الاستراحه؟؟!! قالوا. 'حمار انت! انت الي ما تجي الاستراحه عشان تتكلم!' بعدها قلت لهم 'يعمي انا كل ليله اجي الاستراحه ما القاه موجود!!' تهاوشنا وسحبت عليهم والا الان مستغرب من كلامهم كيف موجود وانا دايم امر عليه؟ يمكنهم يبون بس يمشوني...

بتقولون لي..طب هو مو مقرب لك؟ الا مقرب لي ونص ويعرف كل شي عني تقريبًا وارتحت له بشكل مو طبيعي ابدًا كيف؟ ماادري حسيت انه ذا الادمي لاازم انسجم معاه والحين؟ احسني مثل ام فاقدة ولدها واني داايم اسأل نفسي هل ياكل؟ هل يهتم بنفسه؟ هل يعالج جروحه؟ لأن كل ذي ما يسويها ما ياكل!؟ اي ما ياكل الا نادر ولما اسأله ليش يقولي 'تعودت ومااحب اكمل يومي كله وانا اكلت الاكلات كاملة...'يهتم بنفسه؟ لا كمان هو مهمل نفسه وصحته ولا يهتم اذا جا له اكتئاب ولا مرض ولما اسأله يقولي 'اصلا امراض الدنيا كلها فيني' ولما اقوله 'حتى الاكتئاب؟' يقولي 'حتى الاكتئاب' ويحب يعرض نفسه للخطر ولا يهتم ما يعالج جروحه؟ ايه ما يعالجها فيه مره جيت عنده لقيته منسدح يتفرج مباراة وقاعد ينزفف!! ينزف يا ناس كأنه شلال ومو مهتم!! ولما اجي اعالجه واعاتبه وابي اضربه بس ماني قادر يقولي 'من عتابك احسني فوق السماء' ولما اعاتبه زياده يقولي 'مستحييل اخلي احد يتلقى عتاب زي كذا غيري..' يعمي كل زق! بغيت افصل فوقه لكن تحملت وقتها...والحين؟ انا خايف عليه مررره!! اخاف تأذى اخاف احد اذاه اخاف انه مغمى عليه ولا شي..

انا اتظاهر اني ما فيه شي وسعيد وكل شي وعفوي لكن سعادتي تتلاشى كل مالها وعفويتي كل مالها تصغر وابدا ما اهتم واصير هادي احيانا يشيخه حتى هالاتي واضحه..واتظاهر بقد ما اقدر لأنه بالنسبه لأهلي ذا احلى اشهر وانا اخس شهر..

بقولكم ايش صار مع اهلي..بعد ذاك الحال الي سويته قعدوا معي و ساندوني ولا كبوني ومعايه كل ما زانت الجلسه بعدها جا يوم الملكة ولما جيت اكلم سراب عنها طارت من الفرحه وقالت 'يعني عادي اذا سويناها؟' قلت 'احسبكم سويتوها من اول ثمانية شهور مو هينه..' قالت لي 'ما هان لي اسوي ملكة وانت في غيبوبة' وبعدها بخمس ايام سوينا الملكة وفرحوا اهلي مره بسراب والحين هي تجهز مع زوجها مدري خطيبها مدري ايش يقولون للخطيب بعد ما يملك..

علياء؟ تخرجت بأعلى المراتب وهي الحين تبغى تقدم على المستشفى القريب مننا...

ناصر؟ هنا الصرعه لما عرفت بالموضوع...ناوي يخطب! العجوز اخيرا قرر عفن هو وجهه