ස්වේත රාත්‍රිය || Ongoing

06

පන්සලේ ලොකු හාමුදුරුවෝ එක්කත් පැය භාගයක් විතර කතා බහා කරලා ධමීර දේවරාජ වලව්වෙන් හැම අවුරුද්දෙම ජනවාරි මාසෙට දෙන දානෙටත් උන්වහන්සේට ආරාධනා කලා , ඒක දැන් අවුරුදු ගානක ඉදන්ම එයාලා එක දිගටම කරන පිංකමක් වෙද්දි ස්වේන්ට නම් ඔය කිසිම දෙයක් ගැන මොනම විදිහකවත් අයිඩියා එකක් තිබුණේ නෑ . ඒ මුළු කාලේ පුරාවටම ලොකු හාමුදුරුවෝ එක්කවත් වැඩිය කතා කළේ නැති ස්වේන් පාඩුවේ පැත්තකට වෙලා හිටියා , අනික ඒ වෙද්දි දහම් පාසල් ඇවිත් හිටපු ළමයි හොරෙන් ඇවිත් 'අලුත් සුදු මහත්තයා' දිහා බලන්න පටන් අරන් තිබුණා

වැඩිපුර ලැබෙන අවධානේ කියන්නේ එයාට අමුතු දෙයක් නොවුණට පොඩි පොඩි ළමයි සැරෙන් සැරේට ඇවිත් එයා දිහා බලලා යන එක ඒ වෙද්දි ස්වේන්ට ටිකක් අන්කම්ෆටර්බල් වෙලයි තිබුණේ , ඒත් ඉතින් හෙට ඉදන් සමහර විට මේ ඉන්න ළමයින්ටම තමන්ට උගන්න වෙනවා කියන එක මතක් කරගත්ත ස්වේන් පුළුවන් තරම් නෝමල් විදිහට ඉන්න ට්‍රයි කලා . ඒ වෙනකන්ම වොලන්ටියර් ප්‍රෝග්‍රෑම් එක ගැන කිසි අවුලක් නැතුව හිටපු ස්වේන්ට දැන් ඒ හේතුව නිසාම පොඩි අමුතු ගතියක් වගේ එකක්තු දැනිලයි හිටියේ , මොකද එයා හෙට ඉදන් කරන්න යන්නේ ජීවිතේටම කරන්න හිටපු දෙයක් නෙවෙයි

අනික , එයාට ඒ ගැන කිසි එක්ස්පීරියන්ස් එකක් ඇත්තෙත් නෑ . පොඩි ළමයින්ට කියලා එයා ආශ්‍රය කරලා තිබුණේ එයාගේ කලින් ටීම් එකේ ටීම් ප්‍රින්සිපල්ගේ පුතාව විතරක් වෙද්දි අනික් අය එක්ක ඩීල් කරන විදිහ ගැන ස්වේන්ට කිසිම අයිඩියා එකක් තිබුණේ නෑ , ඒ වුණාට හැම ප්‍රශ්නෙකටම උත්තර තියෙන නිසා ඒකටත් මොකක් හරිම කරගන්න පුළුවන් කියන එකත් ස්වේන්ට පස්සේ කල්පනා වුණා

ඉතින් , ස්වේන් ඒ විදිහට බර කල්පනාවක ඉන්න අතරේ ධමීර ලොකු හාමුදුරුවෝ එක්ක කතා බහා කරලා ඉවර කරලා තිබුණා , මෙහෙන්මම ස්කෝලේ ලොකු සර්ගේ ගෙදරටත් ගිහින් යන්න එයාලා හිතන් හිටපු නිසා ලොකු හාමුදුරුවන්ට වැදපු ධමීර ස්වේන්ටත් එහෙන්මම කරන්න කියලා ඔලුවෙන් කිව්වා . ඒ නිසාම ස්වේනුත් ශේප් එකේ ලොකු හාමුදුරුවන්ට වැදලා ඔලුව උස්සද්දි ස්වේන්ගේ මූන දිහා උන්වහන්සේ ලොකු අවධානෙකින් බලන් හිටියා . හැබැයි , ස්වේන් නම් ආසාවකට ඔලුව උස්සලා බලන්නැතුව දිගටම බිම බලාගෙනමයි හිටියේ