SR || Ongoing

05

වෙල මැදින් වැටිලා තිබුණ ගුරු පාර දිගේ ඇවිදන් ගිහින් නාගහවටුන ගමේ පන්සලට ඇතුල් වෙච්ච ස්වේන්ට දැනුණෙම එයා මීටකලින් මේ තැනට අනිවාර්යයෙන්ම ඇවිත් තියෙනවා වගේ හැගීමක් , ඒත් ඒක එහෙම වෙන්න බෑ කියන එක ඔලුවට දාගත්ත ස්වේන් ධමීරවවත් සත පහකට ගණන් ගන්නේ නැතුව හොදට වටපිට බලන්න ගත්තා . ඒත් , එකපාරටම ස්වේන්ගේ අවධානේ ඒ හරියේ තිබුණ දැකලා පුරුදු ගොඩනැගිල්ලකට යද්දි එයා හීනෙන් වගේ එතනට ඇවිදන් ගියා , ඒ බිල්ඩින් එකේ උඩින්ම 'ශාක්‍ය තරුණ බෞද්ධ සමිතිය , නාගහවටුන' කියන එක වෙද්දි ඊලගට ස්වේන් දැක්කේ එයා කොහෙත්ම බලාපොරොත්තු වුණ දෙයක් නෙවෙයි

ඒ බිල්ඩින් එකේ ඉස්සරහා එල්ලලා තිබුණ බිත්ති පුවත්පත ගාවම පන්සලේ පරණ ෆොටෝස් දාලා ෆ්‍රේම් කරලා හදපු ලොකු ෆොටෝ එකක් තියෙද්දි ස්වේන් බොහොම උවමනාවෙන් එතන තිබුණ එක පරණ ෆොටෝ එකක් දිහා බැලුවා . ඒකේ ඉස්සරහා තරුණ කොල්ලෝ කෙල්ලෝ ටිකක් හිනා වෙවී ඉද්දි යටින් ඒ ෆොටෝ එක ගැනත් පොඩි විස්තරයක් දාලයි තිබුණේ , '1995 - ශාක්‍ය තරුණ බෞද්ධ සමිති ගොඩනැගිල්ල අලුත්වැඩියාවට පෙර' කියලා ඒකේ සටහන් වෙලා තියෙද්දි ඒ ෆොටෝ එකේ බැක්ග්‍රවුන්ඩ් එක තමන්ට ගොඩක් හුරුපුරුදු එකක් කියන එක ස්වේන්ට හොදටම තේරුණා

ඉතින් , කලින්ටත් වඩා අවධානෙන් ඒ දිහා බලපු ස්වේන්ට අන්තිමේදි ඒකට හේතුව හොයාගන්න පුළුවන් වුණා . ෆොටෝ එකේ හිටපු තරුණ කොල්ලෝ කෙල්ලෝ ටිකට පිටිපස්සේ තිබුණ ගරා වැටුණ ගොඩනැගිල්ලයි 'Nagahawatuna' කියන එක විතරක් පැහැදිලිව පේන විදිහට ඉන්ග්ලිශ් වලින් ගහපු නේම් බෝඩ් එකයි දැකපු ගමන් ස්වේන්ට එයාට සැරෙන් සැරේට මැවිලා පෙනිච්ච එක තැනකට මේ පේන ෆොටෝ එකේ බැක්ග්‍රවුන්ඩ් එක සමානයි කියන එක එක පාරින්ම තේරුම් ගියා. ඉතින් , දැන් ස්වේන් කන්ෆියුස්ඩ් වෙලා වගේ ඒ ෆොටෝ එක දිහාම බලාගෙන ඉද්දි එකපාරටම එයාට ධමීරගේ කට හඩ ඇහුණා

" ශූස් ! "

" ආහ් , අමතක වුණා "

ඒ විදිහට ධමීර එයාට ශූස් ගලවන්න කියලා කියනකන්ම ස්වේන් කටත් ඇරන් අර ෆොටෝ එක එක්ක තිබුණ අනික් ෆොටෝස් දිහා බලාගෙනයි හිටියේ , ඒ වුණාට ධමීර නම් ඒ වෙද්දි ස්ලිපර්ස් ගලවලා පැත්තකින් තියලා ස්වේන් දිහා බොහොම ඉවසීමෙන් බලන ගමන්ම ස්වේන්ගේ අතේ තිබුණ පිරිකර බෑග් එකයි බුලත් අත දාපු කවරෙයි එයාගේ අතට ගත්තා . 'සිහියෙන් ඉන්න ආශේර්ය' කියලා ටිකක් තදින් ස්වේන්ට කියපු ධමීර ඊලග මොහොතේ එයාව එතනම දාලා බෝ මළුව පැත්තට යද්දි ඉක්මනටම ශූස් දෙක ගලවපු ස්වේනුත් මූනත් ඇඹුල් කරන් ධමීරගේ පස්සෙන් යන්න ගියා