SR || Ongoing

03

ධමීර එයාගේ නම ලස්සනයි කියලා කට කොනින් හිනා වෙලා රූම් එකෙන් එළියට ගිය වෙලාවේ ඉදන් ස්වේන් හිටියේ පොඩ්ඩක් කන්ෆියුස් සීන් එකක , මොකද මීටකලින් කවුරුත් එයාගේ 'අශේර්ය' කියන නම ලස්සනයි කියන දේ එයාට කියලා තිබුණේ නෑ . ස්වේන් එයාට ලංකාවේ විදිහට තිබුණ කෑලි පහේ නමට මුල ඉදලම ආස වුණේ නෑ , සමහර වෙලාවට සම්පූර්ණ නම ලියන්න ගියාම එයාට ජීවිතේම එපා වුණා

අනික 'ස්වේන් වේරගොඩ' හරි 'ස්වේන් වින්ත්‍රෝප්' කියන එක වැඩිපුරම පාවිච්චි කරපු ස්වේන් එයාගේ නම් වලින් අඩුවෙන්ම යූස් කරපු නම වුණේ 'අශේර්ය' කියන නම , ඉතින් ඒක එහෙම වෙද්දි ධමීර ඒ නම ලස්සනයි කියලා කියන්න තරම් ඒකේ තියෙන විශේෂත්වේ මොකක්ද කියලා ස්වේන්ට හිතාගන්නවත් බැරි වුණා . ඒ අස්සේ , තමන් ඔය කියන නමේ තේරුමවත් දැනන් හිටියා නම් ඒක ලස්සනයි කියලා පිළිගන්න තිබුණා ගගා ස්වේන් හිතින් තර්ක කරන්නත් පටන් අරගෙනයි තිබුණේ

ඉපදුණ දවසේ ඉදලම එයාට කට්ටිය කතා කළේ 'ස්වේන්' කියන නමින් වෙද්දි අනික් සිංහලට හුරු 'අශේර්ය' කියන දෙවෙනි නම පාවිච්චි කරන්න එයාට කිසිම අවස්ථාවක් ආවේ නෑ . දැන් තිබුණ ඔක්කොම ප්‍රශ්න වෙනුවට ස්වේන්ගේ ඔලුවේ වැඩ කලේ 'අශේර්ය කියන එක ලස්සන නමක් වෙන්නේ කොහොමද?' ප්‍රශ්නේ වෙද්දි ඒ ප්‍රශ්නේ ඇති කරපු මනුස්සයා නම් ඒ ටිකට පහළට ගිහිනුයි හිටියේ

ඉතින් ,  තවත් පරක්කු නොවී ඩිනර් ගන්න පහළට යන්න ඕනේ කියලා හිතපු ස්වේනුත් ඉතුරු වෙලා තිබුණ දේවල් ටික ඉක්මනට අස් කරලා දාලා කාමරේ වටේටම බැල්මක් ගෙනිච්චා . අස් කලා කිව්වට ඉතින් ඒක අස් කිරීමක්ම නෙවෙයි , අහු වෙන අහු වෙන දේ අල්මාරියට ඔබලා දාපු එක තමයි ස්වේන් සරලවම කළේ !

ඒ විදිහට රූම් එක අස් කරලා ඉවර කරපු ස්වේන් ශේප් එකේ අල්මාරිය ඇරලා ඇතුලට ඔබපු රෙදි කන්ද බිමට නොවැටෙන විදිහට ඒකෙන් ශෝට් එකකුයි වයිට් කලර් ෂර්ට් එකකුයි ඇදලා ගත්තා , ඒකට පස්සේ ඒ දෙකත් ඇද උඩට අතෑරලා විසිල් එකක් ගහන ගමන්ම බාත් රූම් එකට ගිය ස්වේන් පැය භාගයක් විතරම හොදට නෑවා

ඊටපස්සේ , බාත් රූම් එකෙන් එළියට හදද්දි තමයි වොශ් දාන්න එද්දි ටවල් එක අරන් ආවේ නෑ කියන එක ස්වේන්ට මතක් වුණේ , ගෙදර ඉද්දිත් ඔය විදිහට ස්වේන්ට ටවල් එක අමතක වෙන එක හරිම සාමාන්‍ය දෙයක් වෙද්දි ඒක එච්චර ගානකට ගත්තේ නැති ස්වේන් උපන් ඇදුම පිටින්ම ආපහු රූම් එකට ඇවිත් චේන්ජ් කරගත්තා