بعدها ب شوي قال نهيان ل مريم
نهيان : مريم
مريم : ها مريم
نهيان : عادي اطلب طلب
مريم : الي هو
نهيان : تغنين ودي اسمع صوتج يوم كنتي ياهل كنتي دوم تغنين
مريم استحت و قالت : فالك طيب
و بدت تغني
مريم : صدفه و من بين كل الناس علقني
من يوم شفته و عيني جات في عينه
حسيت شي ب عيونه حيل يجذبني
لما ابتسم بانت بوجهي تلاوينه
و هي تغني نهيان كان يتأملها و هي مستحية
نهيان : ترا صوتج حلو والله م توقعت
مريم : تسلم والله لا داعي لا داعي
نهيان : لا ع ه الثقة صوتج سم يخلي الكافر يتوب
مريم : نهيان عاد قول الصدق
نهيان مبتسم و يشوفها : حلو والله
و ابتسمت له مريم
و عقب ردوا كلهم من الحواطة و يلسوا يتغدون و عقب الغدا اتصل يدهم محمد و تموا يكلمونه و يسولفون وياه
فجأة وصلت رساله ف تلفون مريم و كان مكتوب فيها
"" م بخليج ترتاحين ""
و مريم خافت
و قامت قالت لهم انا بسير غرفتي سوي برتاح
و نهيان سألها ليش ارتاحي هنا عادي
مريم : لا بسير غرفتنا
و مريم سارت هناك ف الغرفه و تمت تصيح و نهيان حس انه فيه شي و لحقها الحجرة
نهيان : مريم بسم الله عليج شو فيج بلاج توج بخير
مريم : م فيني شي
نهيان ب عصبية: مريم قولي ولا والله ازقر سلطان
مريم خافت وايد لان سلطان عصبي
مريم : نهيان والله م سويت شي بس في مسجات توصلني من اكاونت و يقولي اشياء تخوف و انا اطنش و انا م رمت اسكت اليوم و خفت وايد لانه كاتب لي م بترتاحين
نهيان : مريم المفروض تيين تقولين لي هب تمين خاشة الموضوع
مريم ب صراخ و عتاب : كيف تباني اقولك شو تباني اقولك و ليش اقولك اصلا ليش م اقول ل سلطان ولا ابويه
نهيان : ليش اني احبج و اباج حلالي غاية انا اخاف عليج لاني احبج هب عشان شي ثاني و انا اعرف منو ورا ه الرسايل
مريم : منو ؟
نهيان : بدر
مريم ب صدمة : بدر ولد عمي زايد !!!!
نهيان : في غيره ؟؟؟؟؟؟؟
مريم : و انت كيف عرفت
نهيان : لان يحبج و يوم شافني انا حبيتج يبا يبعدني عنج ف اي طريقة من الطرق و انا م بخليه تسمعين م بخليههههه
مريم : سو الي تباه اهم شي تفكني منه
بارت قصير ✨.
