سارت مريم و ركبت السيارة و تسوق و هي منهارة و عيونها متروسة دموع و وصلت البيت و دخلت و هي تصيح و كان عبيد يالس ويا ميثا و سلطان وياهم
عبيد : بلاج شو فيج شي مستوي !!!!
ميثا : امايه قولي لي شو بلاج هب زين جي
سلطان : مريوم قولي شو فيج ولا بهفج
مريم و هي تحاول تتكلم و تمسح دموعها : انا كنت ف الصالة و يا عمو و نهيان ف الحجرة و سرت عسب ارقد و سمعته يكلم وحدة و يوم اقوله منو هاي تم ساكت و م رد عليه
عبيد : والله لـ اخذ حقج منه و بتشوفين عيل نهيان التيس يسوي جي ف مريم م يستحي م حشم حتى عمه
مريم : لا ابويه عمي و عمو م يدرون
سلطان : تتمصخرين انتي ولا شووو !!!!! عندج اخو و ابو و م تبينهم ياخذون حقج خبلة انتي والله اراويه
حضنت مريم سلطان : سلطان انا محظوظة فيك انت و ابويه الحمد الله ان الله رزقني اياكم لو لاكم م ادري ش بسوي
ميثا تشوفهم و تصيح ع حال بنتها
سلطان : اذا م وقفت وياج اوقف ويا منو ؟ و انتي اختي الغالية
عبيد : انتي بنتي و كل شي ب النسبة لي كيف م اغليج و انتي مريم بنت عبيد و نهيان خليه عليه
حبت مريم راس عبيد و ميثا و سارت حجرتها
في بيت سالم :-
سالم : انت ايه شو مسوي ف البنت مخلنها تطلع جي
سلمى : نهيان رد ع ابوك قبل لا يستوي شي بسرعه
نهيان : هب لازم تعرفون
سالم و هو معصب : نهيان بتتكلم و غصب عنك تفهم ولا
نهيان يصرخ : ابويه مالكم خص حرمتي هاي و مالكم خص ف حياتنا و باجر بتعرفون السالفه من عمي عبيد
و سار حجرته و كلم مريم سناب
ف الجات :-
نهيان : مريم انا اسف والله كانت غلطة
مريم : انت اي اسمعني ورقتي باجر توصلني و انا هب راخصة ف عمري عليك تفهم ولا لا ؟ انا مريم بنت عبيد هب اي حد يستاهلني و زواجي منك غلطة و بصلحها تمسع و انا هب عاقة عمري عليك و اكرر ورقتي توصلني كرامتي م تسمح لي اكون ع ذمة ريال نفسك هذا اذا كنت ريال
و بلكت مريم نهيان و م صاحت ولا انها ت نفس اول مرة لان ادري انه كله قسمه و نصيب و تدري انه خيرة و تذكرت كلام ابوها و اخوها لها
اليوم الثاني:-
في بيت عبيد :-
وصلت الورقة مال الطلاق حق مريم و وقعت عليها بس م صاحت لانه تدري انه خيرة
عبيد و هو حاظن مريم: م عليه ي بنتي ان شاء الله ان خيرة و رب العالمين صرفه عنج لان شر م عليج وراج عبيد و سلطان و بيتخذون حقج من رب العالمين
مريم : الحمد الله ع نعمتك انت و سلطان يشهد الله اني لولاكم كنت بكون ضعيفة ف الموقف هذا لكن الحمد الله الله رزقني انت و سلطان
ميثا : الحمد الله يا بنتي بعده عنج نهيان كان شر هب خير
مريم ضحكت ع كلام امها و بابًا راس ابوها و روحت حجرتها تكلم عليا
عليا : ها مريوم شحالج اليوم
مريم : حمد الله تمام و انتي
عليا : بخير دام مريوم بخير
مريم : واااههه فديتج شخبارناصر ولدج؟
عليا : تمام توني كلمته و الحمد الله اموره طيبة
مريم : هيه زين عيل اكلمج عقب سلطان يزقرني
عليا : تمام
و سارت مريم ل سلطان
نكمل بعدين اعذروني ع الاخطاء💕
