في المول :-
مريم : نهيان
نهيان : ها عيوني
مريم : تعال في محل فساتين هناك تعال اختار ويايه
نهيان : انتي الي بتلبسين ولا انا ؟؟؟
مريم ضحكت : انا بس لازم ريلي يختار ولا نسيت ؟؟
نهيان : دام جي اوك هههههههههه
و سارت مريم و اختارت فستان الملجة ( كتب الكتاب ) و كان لونه ابيض و راص ع الخصر و ذيل طويل شوي لونه كحلي
و رجعوا البيت
في بيت عبيد :-
عبيد : تعالي يا مريم تعالي
مريم و هي خايفة : هلا ابويه امر
عبيد : ادري انج خايفة اسب موضوع نهيان و بدر لكن انا راضي ع الزواج هذا
مريم ب فرح : صدق ابويه !!
عبيد : اجذب عليج انا عيل
مريم ضحكت و استحت من ابوها : لا ابويه محشوم بس م كنت ابا اعرس و اهلي زعلانيين مني
عبيد ضحك : لا يا بنتي محد زعلان عليج و انشهد انج اخترتي ريال يصونج و يحترمج
حبت مريم راس ابوها و سارت فوق حجرتها تجهز شو بتسوي حق يوم ملجتها
ف حجرة مريم تكلم نهيان في سناب :-
مريم : نهيان
نهيان : هلا
مريم : باجر متى بتيب الملاج ؟؟
نهيان : هههههههه ليش مستعيله
مريم : م يخص بس ابا اعرف متى اسب اتجهز
نهيان : الساعه 7
مريم : تمام
و بدت مريم تجهز ويا اهلها المكان و الاشياء و كل شي كان بيرفكت ثيم الملجة كان كحلي نفس لون فستانها و كانت مسوية شعرها ريترو و مودتنه ع ورا و كعب ابيض و اكسسورارت فضية و امها كانت لابسة فستان بنفسجي فاتح و الميكب كان يجننن ب اختصار كلهم طلعوا حلويينننن و كل شي كان بيرفكتتتتت
في يوم الملجة :-
سلطان : نهيان حط بالك ع اختي و خلها ف عيونك و يلا تعال نودي لها الكتاب
نهيان : افا عليك اختك ف عيوني بحطها لا تحاتونها يلا
و ساروا و ملجوا ع بعض و استووا زوجين رسميين ل بعض
عند مريم :-
فاطمة : هلا والله ب حرمة اخويه الي تجنن واييي ما شاء الله حلوة طالعه تراج !!!!
مريم : حياتي انتي الي طالعه تجنيينننن هب انا
فاطمة : قلبي انتي
مريم : الا بسألج
فاطمة : ها
مريم : غايوه وعليوه و حنون و البنات وين ؟؟؟
فاطمة : تحت يالسين عند خالو يساعدونها
مريم : هييي زين عيل
و ويا وقت ان نهيان يدخل عند مريم
نهيان : هود هود
فاطمة : هدا هدا ادخل م في حد غريب
نهيان غمز ل فاطمة ان طلعي برع
نهيان ل مريم : اخيرا استويتي حرمتي و حلالي و بتكونين ام عيالي الحمد الله يارب
مريم دمعت عيونها من ردة فعل نهيان
نهيان : حصنتي عمرج ؟
مريم : لا نسيتتت
نهيان : انا بحصنج
سلطان دق الباب عشان يطلع نهيان و تنزف مريم للعلم مريم م كانت عازمة حد ف الملجة الا اهلها و ربيعاتها
و نزلت مريم و الكل سلم عليها و بارك لها و حان وقت زفة المعرس نهيان
مريم : امايه خايفه خلاص م ابا اعرس
ميثا : انتي لا تتمصخرين شو م ابا اعرس ترا ريلج و غير ها ولد عمج
مريم : امي ترا توتر والله
ميثا : لاالله هب توتر الا مكر
و ضحكت مريم و لبسوها اللبس الي يكون فوق الفستان ( م اعرف ش اسمه ) و دخل نهيان و يا وقت ان نهيان يلبسها الخاتم
نهيان : بلاج ترتجفين
مريم : متوتره
نهيان يضحك عليها : م بتصدقين لو قتلج حتى انا متوتر هههههه
ضحكت مريم عليه : بسرعه لبسني الخاتم
و لبسوا الخواتم حق بعض
و خلصت الملجة م طولت خلصت ع الساعه 11
و فليل وصلت رسايل حق نهيان من رقم غريب و كان ف ه الرسايل صور حق مريم و هي حاضنه واحد و يوم شاف نهيان الصور عصب و شياطين الارض تتنطط جدامه لان يحب مريم و م توقع انها تخونه و توجه ع طول بيتهم
مريم كانت ف حجرتها و سمعت تحت صراخ ابوها و ريلها نهيان و لبست وقايتها و نزلت
مريم بخوف : نهيان بلاك شو مستوي ليش معصب و تصارخ
نهيان : و تسالين بعد !!!!!!!!!!
و سحب نهيان مريم من ايدها و ركبها السيارة و طلعها من بيت ابوها تصيح ......
بكمل ف البارتات الي يايه ان شاء الله 🙈.
