عيال محمد و حمده ساكنين كلهم ف بيت واحد كبير و متقسم و حق كل حد من عيالهم جناح خاص فيه حق عيالهم و احفادهم و البيت فيه حديقة عودة ما شاء الله
كان في يوم الجمعه عزيمه غدا و كلهم متعودين انه كل جمعه فيه عزيمه عند محمد و حمده
في بيت عبيد :-
مريم : اماية ! اماية تعالي ضروريييي
ميثا : ها مريومم ي الصدعه شو تبين
مريم : افا يا امي الحين انت صدعه زعلت خلاص م ابا
ميثا : احسن
مريم : امي اي مخورة البس
ميثا : البسي اي مخورة كل شي حلو علييج
مريم : هيه هيه سلكي لي
و روحت مريم البس و تكشخ لبس مخوره وردي فاتح ويا وقاية بيضة و حطت ميكب خفيف يبرز ملامحها ( ملاحضة مريم احلى وحدة من بين احفاد العايلة و جميلة رموشها كثيفة عيونها بنية جسمها مرسوم رسم ) و لبست و خلصت و سارت عند يدها و يدتها قبل اهلها
مريم : السلام عليكم يدي و يدو طبعا لا داعي ادري انه البيت نور ب وجودي
و كان حمد هناك
حمد : و انتي ليش وايد واثقة
مريم : انت ش تسوي هنا يدي شوفه ش يقول
محمد و هو يضحك : بس ي حمد يوز عن مريم م نرضى عليها ترا
و وصلوا الاهل و استوا وقت الغدا
حمده : مريم غناتي قومي وصلي ه الصينية عند الريايل
مريم: من عيوني يدوتييي
حمده : فديتهن
مريم : فدا
و سارت مريم توصل الصينية و كان شعرها طالع شوي من الشيلة و م كانت منتبهه انه شعرها طالع من الوقايه و دقت الباب و محد سمع دقت مرة ثانية و محد سمع و دخلت عليهم و شل نهيان الصينية عنها و طلعت برع و لحقها نهيان
نهيان : انتي ليش دخلتي عند الرياييل م تشوفين انه كلهم شافوج
مريم : اهدا و بعدين يدوتي قالت لي اوصل الصينية و دقيت الباب و محد سمع
نهيان : و يدو قالت تطلعين شعرج
مريم : م ادريبه انه طالع
طبعا مريم و نهيان كانوا وايد مع بعض يوم كانوا يهال و كبروا شوي و بدو يبعدون عن بعض و طبعا نهيان يحب مريم وايد من يوم م كانوا يهال
و خلصوا الغدا و يلسوا كلهم
مريم : حد يبا جاهي ؟؟؟؟
حمد : هيه انا
مريم : انت غياض م بصبلك
حمد : صبي لي و حطي فيه نعناع
مريم : بعد يتشرط
كلهم ضحكوا و صبت الجاهي و عطته حق حمد و نهيان كان طول الوقت يطالعها و نهيان عنده خيمه و فيها صقور و هي وايد تحب الصقور و نهيان يعرف ه الشي
سلطان : نهيان لين احين عندك الصقور ولا ودرتهن
نهيان : هيه ولا بودرهن
مريم : الله صقورررر ابا اشوفهممممم دخيلك نهيان
سلطان : استحي ع ويهج و كلمي الريال عدل
مريم : ترا الا ولد عمي هب حد غريب
نهيان ضحك : يلا تعالي براويج اياهن
و ساروا صوب الصقور و عطاها صقر عسب تشل واحد و هو طلع برع لان امه زقرته و دخل بدر عليها وقال ....
بدر : مريم
مريم : هلا
بدر : اشتقت لج
مريم : بدر استح ع ويهك و بعدين نحن كبرنا ترا ولا انت اعمى م اشوف
بدر : مريم انا هب اعمى بس انا و انتي كنا نسولف ويا بعض وايد و قريببين من بعض وايد ش الي استوا فيج الحين
مريم : انا قريبه من الكل و م استوا فيني شي الا اني كبرت و ه الكلام و المصاخة م عندي تفهم ولا لا
طبعا بدر كان يحب مريم و لين الحين يحبها بس هي م تحبه حتى يوم كانوا يهال
نكمل ف البارت الياي
حماسكم وييننننن؟؟؟؟؟؟؟؟؟
