مريم : عليوه شوفي هذا الجوكلت ايي من داخل جوكلت ابيض و بندق و مم برع عليه الحروف مالي انا و نهيان
عليا : هيه حلو وايد و طعمه لذيذ بعد ينفع حق التوزيعات
مريم : لو سمحتي حطي لي هذا النوع
الي تشتغل ف المحل : حاضر كم حبه ؟
مريم : م اعرف والله عليوه كم حبة ؟؟
عليا : 40
الي تشتغل : تمام في نوع ثاني تبون
مريم : هيه حطي من هذا و هذا ابا يكون داخل بسكوت
الي تشتغل ف المحل : تمام
و خلصوا من محل الضيافه و خلصوا من كل شي و ردوا البيت
عند نهيان و سلطان :-
سلطان : ها ولد العم بتعرس و بتخلينا
نهيان و هو يضحك : لا افا عليك الا اختك باخذ هههههههه
سلطان و هو يستهبل : ان زعلتها يا ويلك فاهم
نهيان : اختك مثل فطوم و زود و بحطها ف عيوني
سلطان ب استهبال: هيه عبالي بعد
و ضحكوا و اموت يسولفون ف نص السوالف سلطان ياب طاري فاطمة
سلطان : الا نهيان بسالك
نهيان : اسمعك
سلطان : اختك فاطمة تدرس ؟؟
نهيان : اختي تخرجت وياك السنه الي طافت بلاك نسيت
سلطان : هيييههه تعال نسيتتت
نهيان : شعنه تسال
سلطان : لا بس سوال يعني
نهيان : هييي
في بيت عبيد :-
ميثا : ها مريوم اشتريتي حق عرسج تزهبتي
مريم : هيه امايه بس نسيت احجز ميكب و شعر بحجز باجر
ميثا : تمام يلا تعالو تعشوا
مريم و عليا : ان شاء الله
و تعشوا و كل واحد سار حجرته و رقد الا مريم كانت تكلم نهيان
نهيان : الوووو
مريم : انت ليش داق ه الوقت
نهيان : حرمتي و حلالي اتصل متى م ابا تفهمين
ضحكت مريم و استحت من كلامه و تموا يسولفون لين م رقدوا
اليوم الثاني الصبح في بيت سالم ( ابو نهيان ) :-
سالم : نهيان تعال
نهيان : هلا ابويه ش تامر عليه
سالم : كلمت حرمتك و تطمنت عليها؟
نهيان : هيه ابويه امس كلمتها و عقب رقدت
سالم : زين تسوي تراها بنت اخويه الغالي م اوصيك عليها
نهيان : افا عليك ابويه كلهم يوصون عليها ترا الا مريوم
سالم و نهيان ضحكوا
بارت قصيرررر وايد 🤍.
