مرت الشهور و الايام و الاسابيع و تعب اليد ( محمد ) عليهم فجاة و دخل العناية المركزة و تم فيها حوالي شهرين
مريم : عمي سالم الحين يدي متى بيطلع
سالم : الله يعلم الحين الي اباكم كلكم تسوونه انكم تدعون له وبس
الكل : ان شاء الله
و سارت مريم ترتاح لانها تعبانه من التفكير ف يدها
رقدت و نشت ع خبر وفاة يدها
نشت من النوم و شافتهم كلهم يالسين تحت و يصيحون
مريم : بسم الله بلاكم فطوم شو فيج امايه عليوه عمو عوشة بلاكم شو مستوي
عبيد : يدج
مريم ب صدمه : بلاه
عبيد ؛ توفى الله يرحمه
مريم سارت عند حنان : حنان ابويه يجذب صح حنان يدي م توفى وديني عنده دخيلج حنان ردي عليه
حنان : لا ابوج م بجذب صدق توفى الله يرحمه
و صرخت مريم صرخة التعب الي فيها من اول م يدها دخل العناية و سمعها سلطان من ميلس الرياييل و يا عندها بربع حظن سلطان مريم و ام يهديها و يصيح ع حالة اخته لان يدري انها اقرب وحدة ل يده و هي بعد يدها وايد قريب منها
سلطان : مريوم بس دخيلج ادعي له ب الرحمه انتي اقوى من جي بس لا تصيحين هب زين
مريم و هي تصيح و تصارخ ف حظن سلطان : اخخخ ي سلطان كيف م تباني اصيح و اصارخ هذا يدي اعرف شو يعني يدي هذا اقرب شخص لي من بعدك و من بعد ابويه سلطان دخيلك ودني عنده
سلطان : فطوم تعالي وديها الحجرة و هديها
و وداها فاطمة الحجرة صاحت صاحت و رقدت
نهيان : فطوم شحال مريم الحين
فاطمة : بخير الحين ترا م كان له داعي تخونها ابد
نهيان : فاطمة افهمي غلطة والله غلطهههه
فاطمة : م يفيد غلطة و لا مب غلطة انا بسير عند عمو ميثا بروحها تحت
و نزلت فاطمة
ميثا : شحال مريوم؟
فاطمة : بخير الحين هدت شوي
ميثا : الحمد الله
حمده : يلا نشوا صلوا و ادعوا ليدكم ب الرحمه
الكل : ان شاء الله
و عدت ه الثلاث ايام مال العزا ع خير و يا وقت تقسيم الورث و تقسم مثل م محمد قال ف وصيته و زود
عقب ثلاث شهور :-
نهيان : امايه ابا اتزوج
سلمى : منو ؟
نهيان : انتي اختاري
سلمى : بنت اختي مرام
نهيان : موافق اتصلي ل خالوه
سلمى : ان شاء الله
و اتصلت و حددوا موعد الخطبة و كل شي
في بيت مرام :-
ام مرام : هلا والله ب اختي هلا
سلمى : هلا فيج وين عروستنا عيل
ام مرام : الحين انزل ان شاء الله
و نزلت مرام و شافها نهيان و يليوا يسولفون عن كل شي و خلصت الخطبه و ردوا البيت
نهيان : امايه انا موافق بس مرام موافقه ؟
سلمى : بتخبر خالتك باجر
نهيان : لا امايه م ابا باجر شوفيها الحين
سلمى : اوف منك ي الحنه
و اتصلت سلمى ع اختها و سالتها اذا مرام موافقه ولا لا و وافقت مرام ع نهيان
سلمى : وافقت
و نهيان فرح : الحمد الله لك يارب
سلمى: هب تخونها تفهم ولا ودر عنك ه الحركات
نهيان : ان شاء الله امايه
و وصل الخبر للكل و مريم منهم
عليا : مريوم نهيان خطب
مريم : الله يبارك و يتمم له ع خير
عليا : هب زعلانه
مريم و هي اضحك : لا ليش ازعل ترا نصيب.
عليا : اها اوكي
و طلعت عليا من حجرة مريم و دخل عقبها سلطان
سلطان : هلا والله ب اختي مريوم
مريم : شو ابا بسرعه قول
سلطان : افا افا يعني اذا قلت جي معناته ابا شي
مريم : سلطون ترا اعرفك انا
سلطان : هو في شي
مريم : الي هو؟
سلطان : تعرفين ربيعي مايد تذكرين يوم تعبتي و طحتي علينا ف الممشى و فاطمة اتصلت عليه كان مايد ويايه و هو الي ساعدني اوصلج المستشفى و شافج و يبت يخطبج الحين
مريم انصدمت : ويت ويت انا م اعرف شكله
سلطان : بتشوفينه ف الخطبة
مريم : موافقة
سلطان : مسرعععع
مريم ضحكت ع سلطان
بكمل عقب ان شاء الله استودعتكم الله💙.
