في الطيارة :-
مريم : نهيان
نهيان : هلا
مريم : حاسة بيستوي شي اليوم
نهيان : شو هو ه الشي
مريم : م ادري بس احس الشي الي بيستوي بيعفس حياتك فوق تحت
نهيان : عوذ بالله منج عنبو تفائلي خير حق ولد عمج
مريم ضحكت عليه : ههههههههه احساسي يا ولد العم م يخيب صدقني
و بدر كان يسمعهم و مخطط حق كل شي
طبعا مريم خلصت ثانوي و م كملت دراستها لانه م لقت التخصص الي يناسبها و عسب جي م تدرس و اخوها سلطان صف 12 يعني اخر سنه له و يتخرج نكملً..
و وصلوا المطار و استقبلوهم اهلهم و فرحوا و ردوا البيت
في صالة بيت محمد
محمد : حمد الله ع السلامه ان شاء الله استانستوا
نهيان : الله يسلمك يدي استانسنا وايد الله يطول ب عمرك يارب
محمد : زينن عيل اهم شي لندن عيبتكم
حمد : هيه يدي استانسا و لندن حلوة
محمد : ان شاء الله دوم
بدر يصاصر ( يهمس ) في اذن امه و قال لها : امايه ابا اخطب مريم بنت عمي عبيد
ريم ( ام بدر ) : شو م سمعت
بدر : ابا اخطب بنت عمي عبيد مريم
ريم : ان شاء الله م بغينا نفرح فيك
و خبرت ريم زايد عسب يخبر ابوها ( عبيد ابو مريم )
زايد ب صوت عالي : يا ابو مريم نحن يايينك و طالبين القرب منكم
نهيان انصدم و خاف لانه الوحيدة الي م تزوجت مريم و عليا مطلقه وولدها ويا ابوه
مريم خافت
عبيد : انت تامر بس ع منو ؟؟؟
زايد : طالبين ايد بنتك مريم لولدنا بدر
عبيد : الشور شور البنت بنشوفها و بنرد لكم خبر
زايد : ع خير ان شاء الله
نهيان يته الغصه و سحب مريم من عندهم وداها برع
نهيان ب عصبية و عتاب : مريم ليش ؟؟؟؟؟ مريم انا حبيتج والله العظيم اذا عرستي ع التبن الي اسمه بدر م باخذ غيرج !!!!!! من يوم كنا يهال و انا اباج حلالي و نصيبي و ش استوا فيج الحين ؟؟؟؟؟؟؟ ليش تغيرتي تذكرين يوم امايه و امج كانوا يقولون نهيان لمريم و مريم لننهيان نسيتيييييي ؟؟؟؟؟؟؟؟ نسيتي بدر شو سوا فيج ؟؟؟؟؟؟؟؟؟؟
مريم و هي تصيح : نهيان بس خلاص كافي اسكتت انا عمري م حبيت بدر ولا بحبه و م نسيت شو كانوا يقولون امايه و آمك ولا بنسى ترا انا بعد احبك مثل ما انت تحبني و زود و انا قلت لك ف الطيارة حاسة في شي يستوي و منو قالك اني بوافق عليههه؟؟؟؟؟؟؟؟؟ و عمري م بنسى الي سواه فيني !!!!! انا خلاص تعبت
و م رامت مريم توقف و طاحت م اغمى عليها بس م رامت اوقف و يلست
نهيان : مسحي دوموعج و والله محد ياخذج غيري
مريم بكسرة قلبها : متأكد؟
نهيان : هيه
سار نهيان عندهم داخل و تكلم بصوت عالي
نهيان : اسمع ابويه انا احب بنت عمي مريم من يوم م كنا يهال و م برضى حد ياخذها غيري عمي عبيد انا ابا بنتك ع سنة الله و رسوله و بدر ريال م يستاهل ظفر مريم ولا انها تكون حرمته لانه هب ريال
عبيد و هو معصب : شو قصدك ف ه الكلام ؟؟؟؟؟؟؟
نهيان : قصدي اني احب بنتك و ابغيها نصيبي و حلالي و حرمتي و انا طالب ايدها جدام ابويه و امايه
محمد : انتوا لا تلعبون ع حفيدتي خلها هي تختار فاطمة سيري ازقريها
فاطمة : ان شاء الله يدي
و سارت فاطمة تزقر مريم و يت مريم و دخلت و الكل كان يشوفها و ساكت
محمد : ابويه يا مريم بدر شو سوالج و ليش نهيان معصب جي ؟؟؟
مريم خافت و شافت نهيان و اشر لها براسه تكلمي : يدي بدر كان يحبني يوم كنت ياهل و انا م احبه و كنت اعتبره اخويه و بس يوم كبرنا قام يفتح اكاونتات و يكلمني منها و يكتب لي رسايل تخوف منها """ م بخليج ترتاحين """ و انا خفت و خبرت نهيان و نهيان عرف ان ورا الحسابات بدر و تضاربوا وبس
عبيد قام بيضرب مريم من الكلام الي سمعه بس نهيان مسك ايده عسب م يضربها
محمد ؛ عبيد احترم وجودي انا يالس و م عندنا رياييل يضربن حريم تسمع ولا لا ؟؟؟؟؟؟ و انتي يا بنتي منو تبين يكون ريلج
مريم نزلت راسها : يدي م ادري
محمد : لا تستحين ولا تخافين انا وياج
مريم : نهيان
محمد : نهيان تعال لي باجر وييب الملاج عسب يملجكم تسمع ولا لا و الحين تشلها و توديها تشتري الاغراض و م في كلمه عقب كلمتي ف ه البيت تفهمونننن؟؟؟؟؟؟؟؟
نهيان : ان شاء الله يدي
طبعا نهيان مستانس ان اخيرا مريم بتستوي من حلاله و بيفتك من بدر
في سيارة نهيان :-
نهيان : مريم بلاج خايفه و زعلانه انتي استويتي نصيبي حلالي الحين المفروض تفرحين
مريم : نهيان انا فرحانه بس م هان علي زعل ابويه و اخواني مول م كنت ابا جي اطلع من عندهم
نهيان : ابوج عرف الصدق و اخوانج عليه اضحكي يلا
و ابتسمت مريم
تتتوقعونننن شو بيستوييييي؟؟؟؟؟؟؟
