فريستي

اقتباس من الرواية

صفيت سيارتي قبل حارتهن بشوي ونزلت متل المجنون ركضت لباب البيت ودفشتو بكل قوتي بسرعة طلعت الدرج عالسطح وشفت أخوها لحياة ماسكها من شعرها وواقف على حافة السطح
رائد : لا ترميها ياسامر .. لك بطلع بروحك والله .
سامر : انقلع من هون ياكلب يا واطي .. لك الدور جاية عليك رح انهيك من الوجود .. شاطر تتقاوى على بنات النااس الفقرا والمعترين وتقرب على شرفهن .. حسابك عندي كبييير
رح اقتلها ونضف شرفي .. رح اقتلكن يا وسخين يا كلاااب .. لك مفكرين بالمصاري بتاخدو كل شي .. لك مستحيل تاخد كرامتي لو بمال قاروون .. رح آخد حقي بإيدي
رائد : أختك بريئة بريئة لا تصدق شي .. اتأكد بالأول خدها عالدكتور افحصها اعميل شي بس لاتقتلهاا
كنت خايف قرب منو أكتر كنت على أمل أخلصها لحياة .. صوت بكاءها لساتو عم يرن بأدني .. جسمها الي كان عم يرجف بين إيديه .. عيونها الي كانت عم تنزل منها دموع أغزر من المطر نادوني كتير وترجوني اركض وأخلصها بس كنت أضعف من هيك
سامر : الله لا يسامحك يا عايبة .. وطيتيلي راسي ليوم القيامة .. روحي الله لا يسااااامحك
رماها لحياة من السطح بكل قلب بارد وأنا واقف عم اتفرج واقف عم اسمع صوت الارض الي هزت لما وقعت عليها
أنا المجرم الي كنت شاهد بصمت على موت حبيبتي البريئة ......

_______