فريستي

الجزء الثاني

*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

استأذنت من بابا وسهيل بيك بعد ماتحججت أنو رفيقي نضال تعبان شوي وانا رايح شوفو وأرجع .. نضال الي هو نفسو بيكون ابن خالي وصديقي ..
وصلت لحارة بيت هديل كانت واقفة قدام البناية عم تبكي وتروح وتجي وكم مرة واقفين معها عم يواسوها .. نزلت من سيارتي وتوجهتلها بسرعة
رائد : مسا الخير .. هديل خبريني شو صار
كان صوتها متقطع بسبب البكي والدموع وهي عم تحكي
هديل : م..مابعرف اجيت عالبيت دقيت الباب مالقيتها سألت الجيران ما شافوها وين بدها تكون راحت .. خالة ام سعيد عم تقول انها من الضهر طلعت عالسوق ومارجعت
رائد : طيب بلكي عند شي حدا من قرايبينكن
هديل : بيت عمي وعمتي مابيحكو معنا من سنين وامي مابتروح لعندون واخوال خالات هون ماعندي
رائد : طيب تعي نطلع ندور هون بالمنطقة حوالينا
أخدتها عالسيارة كانت عم تبكي وبحالة هستيرية خلتني أزعل كتير ... انو ممكن ترجع امها بعد شوي أو ممكن تكون بشي محل وصاير معها ظرف مالقيت انو من المحرز كل هاد البكي .. عنجد غريبة يا هديل
لفينا بالسيارة أكتر من ساعة بمنطقة بيتهن بدون مانلاقي اثر لأم زهير صفيت السيارة ع طرف الشارع العام كانت هديل ساندة راسها عالشباك وحاطة ايدها على عيونها كأنها غفيانة
رائد : هديل أنتي منيحة
هديل : لا أبدآ
رائد : طيب أنتي لازم ترتاحي شوي ونحن مافينا نخبر الشرطة ليمر 24 ساعة على اختفاءها .. بدي منك ترتاحي الليلة وبكرا منروح عالمخفر لوين آخدك
هديل : عالبيت
رائد : لا مابيصير بنت متلك تقعد بالبيت لوحدها عالاقل وانتي بهالحالة .. ليكي انا عندي حل رح آخدك على فيلا خالي .. نضال و سناء ولاد خالي ساكنين سوا وكتير هنن مناح انا بوثق فيهن بترتاحي شوي لترجع امك ان شاء الله شوقلتي
هديل : ......
رائد : هديل نمتي؟
توجهت بالسيارة على بيت سناء ونضال ووقفتها ولما نزلت حاولت فيق هديل بس ماكانت تفيق خفت تكون غايبة عن للوعي حملتها بإيديي ودقيت بابا البيت ولما فتحت سناء الباب فتت فورآ بدون استأذان
سناء : بسم الله الرحمن الرحيم .. شوفي رائد مين هالبنت شو صايرلها
قلت وأنا عم حط هديل عالكنباية
رائد : جيبيلي أنينة بارفان الظاهر انها فاقدة الوعي
هديل .. هديل
جابتلي سناء البارفان رشيتو حوليها وأنا عم طبطب على وجها لحتى حركت عيونها وبلشت تصحى
رائد : هديل أنتي بخير؟ احكي شي اذا مانك منيحة لآخدك عالدكتور
سناء : الظاهر انها صحيت
هديل : ايمتا رح تجي أمي
رائد : طولي بالك .. الا ماتجي وين بدها تروح
أخدت سناء وفتنا على غرفة الضيوف لأشرحلها الوضع
رائد : ليكي سناء هي البنت امانة عندك هي صديقتي وما الها حدا غير امها اتصلت فيني من شوي قالتلي انو امها مختقية من الضهر وهي كتير تعبانة جبتها لعندك اهتمي فيها رجاءآ
بكرأ بجي باخدها ومنقدم بلاغ اختفاء بالشرطة
سناء : له له له .. مسكينة هالبنت .. ماعندها اخوات
رائد : عندها أخ بلبنان هاد الي بعرفو
سناء : بس ولله حلوة لك ضرسان عرفت تنقي هههه
رائد : لك شو نقي ومانقي عم قلك صديقتي .. بحكي مع نضال بس اطلع وبخبرو
نقلت هديل على غرفة بالبيت وطلعت بعد ماتركتها تنام وترتاح .. طول الطريق كنت مشوش وضايع حاسس حالي رجعت لدوامة أكبر بعد هال4 سنين .. اختفاء امها لهديل بهي الحالة عملي فوضى كبيرة جواتي هيئة هديل التعبانة ما عم تغيب عن بالي ومن جههة صوره اخوها زهير محفورة بمخي من زماان ومستحيل اتراجع عن انتقامي منو .. لازم يجي من لبنان بأسرع لأني اذا ما اجا رح جيبو بإيدي لهون .. عالموت
رجعت عالحفلة وتحملت سآلة يارا للأخير والي طلبت مني بآخر السهرة نطلع نكمل السهر بشي بار بس بألف يا ويلاه لقدرت خلص حالي ورجعنا عالبيت نقلت أبي ع غرفتو وبوستهن وطلعت ع غرفتي بدلت تيابي وتسطحت عالتخت بتعب .. بعد أكتر من ساعتين تفكير غفيت وصحيت الصبح ع صوت الموبايل عم يرن
رائد : ألو
هديل ( عم تبكي ) : رائد اتصل فيني واحد أنا خايفة كتير قالي انو أمي عندو
قمت بسرعة عن التخت
رائد : ماقالك شو بدو مين هو
هديل : لا مالحقت اسألو بس قالي رح يحكي مرة تانية ليقول الي بدو ياه
رائد : طيب اهدي شوي انا جاي فورآ
وصلت على بيت نضال دقيت الباب كانت السلعة 7 ونص وبعد اكتر من مرة دقيت الباب فتحتلي الخادمة دخلت وشفت نضال نازل عالدرج .. نضال بيكون مقدم بالشرطة وسناء من اكبر محاميي البلد
نضال (وهو عم يتثاءب) : يافتاح ياعليم شبك رائد فايق قبل الشحادة وبنتها تعال فوت
رائد : بدي شوف هديل اتصلو مشان امها
نضال : مين هديل ؟؟ اييي تذكرت امبارح خبرتني .. اجيت متأخر ماشفت حدا
دقيت باب غرفة هديل فتحتلي سناء الباب كانت نايمة معها بالغرفة فتت حكيت مع هديل كانت خايفة كتير وعم ترجف وحكتلي عن المكالمة بالتفصيل وأنا قعدت استنى يرجعو يتصلو مرة تانية بس ماحدا اتصل
بعد ساعة من الوقت فطرنا كلنا ماعدا هديل الي كانت حالتها كل مالها عم تتراجع حاولنا كلنا نوقف معها وأنا فعلت ميزة تسجيل المكالمات بموبايلها بس قبل ما اطلع اندق الموبايل
هديل : رائد هاد هو برايفيت نامبر خود انت رد
رائد : ألو مين أنت
مجهول : شووو زهير بيك اجيت بهالسرعة يامرضي هههه
رائد : أنا مو زهير أنا قرايبهن .. احكي مين انت وشو بدك
مجهول : بتخبرو لزهير انا استنيتو كتييير ليدفع الدين بس مادفع .. اخدتلو الوالدة وهي بالحفظ والصون ليجيبلي المبلغ
ويجي لعندي برجليه .. وإلاا خلي ينساها
رائد : دين شو ؟ واديش المبلغ
مجهول: مليونين ليرة على دوز باررة .. فكرو وخبروه لهداك الحقير وأنا برجع بستفسر .. سلام
سكر الخط قبل ما احكي شي حاولت افهم من هديل شو مخبص اخوها كمان بس ماكانت بتعرف طلبت منها تحكي معو وتخبرو قالتلي انو ماعندو خط وبيحكي معها كل فترة من الشارع
حقير يازهير .. عامل كل حساباتو منيح ومو مقصر
رائد : ليكي هديل بس يتصل اخوكي بتخبريه انك عند رفيقتك وبتطمنيه على حالك لازم هو يجي لتقدر ترجع امك بس بدي منك طلب صغير كتير
يتبع ..............