فريستي

الجزء السادس

*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

من لما دخلو نضال وهديل وهنن ماسكين إيدين بعض أيقنت انو قلبي دق من جديد وأعلن الحب من جديد .. مستحيل اقدر اكذب على نفسي وقول هاد ما حب
بنفس الصورة والضحك بيناتهن كانو عم يتوجهو لعنا وانا قلبي عم تزداد خفقاتو
نضال : مبروك يارا .. ان شاءالله منفرح بعرسكن عن قريب
يارا : ميرسي نضال كلك ذووق
توجه لعندي ومد ايدو
نضال : مبروك حبيبي رائد تتهنى
ماقدرت غير اني ارسم ابتسامة بسيطة و هديل باركت ليارا واجت لعندي وقفت قدامي
هديل : ألف مبروك سيد رائد فرحتلك
استغليت الحديث الي كان داير بين نضال ويارا وشديتها من إيدها وقربتها لعندي
رائد : شو الي جابك لهون هديل أخوكي رح يوصل بعد كم ساعة
هديل : آكل هم اخي انت؟؟
رائد : ماكان بدي ياكي تجي هديل في شغلات انتي مابتعرفيها هي الخط.....
هديل : بتمنالك حياة سعيدة سيد رائد .. وشكرآ كتير لالك لأنك علمتني عنجد اني كون أقوى وواجه الحياة والناس المتصنعين الي متلك عن اذنك .. خلينا نقعد نضال ا
مسكتلو إيدو ومشيو لطاولتهن وقعدو والاحاديث والضحكات ماوقفت بينهن
معقول هي هديل .. البنت الطيبة والحلوة الي عرفتها تتحول بهالبساطة لبنت قاسية .. معقول نضال ماخبرها اني مجبور عالخطبة هي .. أنا بورجيك يانضال
مرقو ساعات الخطبة بشكل بطيء كتير خلا أعصابي تتلف عالأخير بالذات لما رقصنا سوا كيف شفت هديل ونضال عم يرقصو سوا ومندمجين بالحديث ..
كتير بيظلمو الشب لما بيفكروه قاسي وماعندو هموم .. قلبي ماعاد يسع الحمل التقيل .. ناري القديمة الي شاعلة بصدري وتاري الي لازم اخدو وضغط امي علي وهديل الي ما عم اقدر امتلكها وعم شوفها كيف بتضيع قدامي .. وشو رح تعمل بس تعرف بالحقيقة
خلصت الخطبة بعد صبر طويييل ودعت يارا ورحت بعد ما راحو كل المعازيم
وقفت عند سيارتي .. اتطلعت بساعتي كانت 12:00 رفعت عيوني للسما وابتسمت .. عدلت البابيون وركبت بسيارتي وتوجهت لبيت نضال
دخلت كانو قاعدين بالصالة
رائد : مسا الخير .. هديل ممكن نحكي بالحديقة
هديل : اي أكيد تفضل
رائد : نضال سناء لاتستنوها لهديل يمكن نجيب أخوها وحطهن بالاوتيل هاليومين بيكون أأمن
توجهنا للحديقة وقعدنا .. كانت بتعرف انو النار شاعلة بعيوني بس ضلت محافظة على ابتسامتها الهادية
حكينا حوالي النص ساعة وانا اشرحلها كيف مجبور عللخطبة واني مابحبها ليارا وهي افلب الوقت ساكتة عم تسمع وتهز براسها ..
رائد : هديل شبك ماعم تحكي
هديل : أخي بقيلو نص ساعة ليرجع خلينا نروح نجيبو أنا فايتة بدل تيابي ونطلع
رائد : مابدك تحكي شي
هديل : مو وقتو هلأ
فاتت هديل لجوا وانا اتصلت بموبايلي وحكيت
رائد : اسمع ... زهير قرب يوصل .. بتحطوه بالسيارة بتربطوه منيح وبتاخدوه للمستودع ورح الحقكن بعد شوي مابدي ياه يفلت منكن مفهوم ؟
سكرت الموبايل وأنا عم فكر بالرسالة الي وصلتني لليوم ..
بس مستحيل اتراجع عن خطتي لأني مابخاف من شي
هديل : شو بدك تعمل بزهير
انصدمت لما قمت واتطلعت وراي وشفت هديل عم تبكي وترجف
هديل : انت شو بدك بأخي .. ليش بدك يربطوه وياخدوه انا سمعت كل شي .. سمعت كل شي
بسرعة توجهت للموبايل ومسكتو وهي عم تقول : أنا لازم خبر زهير لازم خبرو
أخدت الموبايل من إيدها ومسكتها من كتافها وأنا عم صرخ متل المجنون
رائد : ما رح اسمحلك تخربي كل شي عم اعملو ما رح اسمح
هديل ( عم تبكي ) : شو بدك بأخي اتركنيييي اتركني بدي خبرو بعد عني
اتصلت بالشباب الواقفين برا الفيلا وطلبت منهن يجو بسرعة وهديل بين إيدي رح تجن
حضنتها غصب عنها وهي كانت عم تقاوم
رائد : بترجاكي هديل ساعديني أخوكي لازم يتعاقب
اجو الشباب بسرعة وأمرتهن يمسكوها منيح
رائد : هديل أنتي وعدتيني تساعديني لنرجع لكل حدا حقو .. وعدتيني ولازم توفي بوعدك لازم .. خدوها عالسيارة ومابدي يطلع صوتها او حدا يزعجها بشي .. يلا
اخدوها لهديل وهي عم تصرخ وأنا ارتميت عالكرسي عم ابكي واحترق عليها
طلع نضال من الفيلا وركض لعندي
نضال ( عم يصرخ ) : شوصار رائد .. ليش رجالك اخدوها لهديل شو بدك تعمل فيها احكي .. هي مالها ذنب بالي صار اليوم ..
قبل ما احكي شي سمعنا أصوات خناق عند باب الفيلا ركضنا بسرعة أنا ونضال وشفنا رجال آخدين هديل ع سيارة تانية وهي عم تقاوم ورجالي مضروبين ووقعانين جنب سيارتهن
وقفت مذهول ومو عرفان شو الي رح اعملو ونضال عم يصرخ
نضال : اخدوها لهديل رائد .. شغل السيارة بسرعة نلحقهن يلاااااا
برأيكن مين اخد هديل ؟؟؟؟؟

يتبع ....