فريستي

الجزء الخامس

*‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏

نضال : أنت على شو عم تخطط رائد؟
رائد : شو قصدك ؟ ...
نضال : قصدي واضح .. بدك تخطب بنت ليش حتى تخبي هالشي عن بنت تانية .. وخاصة إذا كانت بنت رقيقة متل هديل مابتتحمل نسمة الهوا شو الي بيمنعك تخبرها
رائد : ......
نضال : ليش ساكت .. بتعرف حالك غلطان
رائد : شو بدي اعمل ؟.. مابعرف ليش مالي حابب احكيلها عن خطبتي لأني أساسآ ما قبلان بهالخطبة نضال
نضال : خبر أمك أاغي الخطبة اعميل شي .. بتعرف انو البنت طول الوقت بتحكي عنك .. وما إلها سيرة غيرك وكيف عم تساعدها .. بحس في شي جواتها تجاهك بس هي ما عم تعرفو لسه ... آمالها فيك كبيرة وأنت بدك تحطمها
كلام نضال زاد الحمل على ضهري قعدت على الكنباية وحطيت إيدي على راسي
نضال : حاجتك عم تضعف أكتر وأكتر بسس وحدة ميتة .. حياة ماتت من 3 سنين وانت لساتك عايش متل المجانين على طيفها
رائد : أمي بدها يارا
نضال : بس أنت مابدك
رائد : ......
نضال : اسمع مني ووقف على رجليك
رائد : مابعرف انا لازم روح وارتاح تعبت
طلعت من بيت نضال مخنوق ورحت عالبيت كانو ابي وأمي قاعدين بالصالة
رائد : مسا الخير
امي ابي : مسا النور
أمي : وينك أمي تأهرت اليوم
قعدت بدون ما احكي شي
امي : شبك ساكت
رائد : امي أنا مابدي يارا
أمي : شو عم تحكي انت .. بعد ماخطبناها ووافقو وصارلي يومين عم جهز لحفلة خطوبة البلد كلها تحكي فيها
أبي : بابا ولله يارا بنت حلوة ودارسة بأحسن الجامعات بالعالم نحن بدنا ياك تطلع من خالتك
رائد : أنا ماعادت حالتي سيئة .. في بنت بحياتي وموضوع يارا بدكن تنسوه
أمي (عم تصرخ ) : لك شو عم تحكي بدك تبهدلني مع الجماعة .. شو بدنا نقلهن ولله ابني حابب وحدة تاني او يمكن عم يتحجج بهالكلمة لنفركش القصة
انت ما عم تفكر بمشاعري ومكانتي بين الناس شو رح يقولو عنا انت مو معقول
وقفت وصرت احكي بصوت عالي
رائد : أمي يكون بعلمك حتى لو الخطبة تمت رح افسخها بأقرب فرصة .. مافي شي بيصير غصب عني
امي : ولي ياقلبي رح يوقف قلبي دخيلكن ..بدك تبهدلني بين الناس قلبي ماعاد يتحمل
داخت أمي ونزل ضغطها وانا ركضت لعندها حاولت صحيها بس ماصحيت حملتها وركضت عالسيارة ونقلتاها عالمشفى عملول ها فحوصات وخبرونا انو ضغطها نزل كتير و لازم ترتاح
ابي : رائد الشي الي صار آخر مرة بيصير ومابدي ياه يتكرر
رائد : مارح تعب ماما اتطمن .. بس يارا مستحيل آخدها
ابي : مين البنت الي بتحبها
رائد : مابحب حدا بس ممكن احب اي بنت ماعدا يارا
أبي : المطلوب منك تساير أمك والخطبة بكرا تتم بكل هدوء وإلا رح يصير شي مابيعجبك
راح ابي وانا اضطريت أبلع كل شي واتحمل لاوصل للي بدي ياه .. أخدنا أمي من المشفى ورجعنا عالبيت كل واحد راح ع غرفتو ونمت بعد نهار طويل وحيرة وضياع كبير
فقت الصبح على صوت دق الباب
رائد : فوت
دخلت الخادمة ومعها طقم رسمي
_رائد بيك طقمك جاهز وين بتحب حطلك ياه
رائد : اتركيه عالكنباية
قمت غسلت وجهي ولبست تيابي وأنا مبسوط بالنصر الي جاية عن قريب .. بعد كم ساعة زهير رح يطلع برحلتو لعندي ورقبتو رح تضير بإيدي وأخيرآ
طلعت من الغرفة عالصالة كانو أبي وأمي عم يفطرو بوستهن وصبحت عليهن اتطمنت على أمي ووعدتها كل شي يكون تمام بس ماقعدت عالفطور وطلعت
رن موبايلي
يارا : رأدووتي حبيبي كيفك اشتقتلك تع نفطر سوا عنا
رائد : مالي فاضي عندي شغل
يارا : يا الله شغل بيوم خطبتنا اوف يااا ... سهيل بيك : رائد كيفك
رائد : أهلين سهيل بيك
سهيل بيك : تفضل لعنا نفطر سوا .. في شغلات لازم نحكي فيها
توجهت لقصر سهيل بيك وكانت يارا واقفة عند الباب استقبلتني وفتنا عالصالة وقعدت معهن ع طاولة الأكل
فطرنا وكنا كلنا ساكتين ماعدا يارا الي لسانها مافات لحلقها وهي عم تحكي عن تحضيرات الحفلة وبعد الفطور طلب مني سهيل بيك نشرب قهوة بمكتبو
سهيل بيك : شوف يا رائد .. يارا أكتر بنت مدللة من اولادي
.. هي الوحيدة الي ماقبلت تتركني وتعيش برا متل أخواتها
هي أملي الوحيد وأنا رح أعطيك ياها إلك ولو ماكنت انت ماكنت عطيت
كابدي أي دمعة تنزل من عيونها أو أي كلمة تجرحها لأني وقتها مستعد دمر العالم كلو كرمالها
قمت وقفت واتطلعت فيه
رائد : وأنا انسان ماعندي شي اخسرو .. حتى روحي رخيصة علي .. بنتك بفترة الخطبة رح تكون ضمن الاختبار والي مابدي ياه مابعملو لو بقطع رقبتي
طلعت من القصر بعد ماودعتني يارا وكنت على أمل انو سهيل يلغي الخطبة بعد الي سمعو مني بس هالشي ماصار
" رائد أخي زهير طلع بالبولمان وهو عالطريق رح يوصل بالليل عالساعة 1 "
هيك كانت الرسالة الي وصلتني من هديل وأنا قاعد ع كرسي الصالون وهنن عم يحضرولي اللوك للخطبة
اجا نضال ودخل عالغرفة
نضال : كيفك رائد شو شايفك عم تحضر حالك
رائد : اي شوفة عينك
نضال ( بعصبية ) : أنا مارح اسمحلك تأذيها لهديل ولا حتى تجرحها .. ماكنت متخيلك ضعيف لهالدرجة بس ع كل حال أنا بعرف شغلي معك
لف ضهرو بدو يطلع من المحل بس أنا وقفت وقلتلو
رائد : أصحك هديل تعرف انو اليوم خطبتي .. عم حذرك نضال
اتطلع فيني وابتسم
يتبع ......