فريستي

الجزء السابع

شغل نضال السيارة بسرعة وركبنا انا وياه ولحقنا السيارة الي خطفت هديل .. كانت سيارة من نوع جيب والعتمة ماخلتنا نشوف شي فيها ..
اندق موبايلي وفتحتو فورآ بعد ماشفت البرايفيت نامبر عرفت انو هو نفسو الي بعتلي رسالة التهديد
مجهول : مفكر العلقة معي سهلة رائد بيك .. الي حذرتك منو واستخفيت فيه صاار .. ورجيني شو رح تعمل ههههههه
رائد : سامر الحقييير وراك انا لحتى القطك وطالع روحك بإيديييي .. اوعك تلمس شعرة من هديل بموتك والله
سامر : ههههههه ماتخاف حبيب هديل حبيبة القلب طول عمري عايش لاحميها واحمي زهير من وسخك
رائد : رح اثبتلك وحياتك .. رح اثبتلك مين زهير ومين الوسخ الي بيننا .. على جثتي مارح اسمح لهديل تكون ضحيتو متل ماصار بحياة
سامر : اخرس يا كلب ولاتجيب اسم اختي علسانك .. اخرس
بدك ترجعلي زهير غصب عنك وإلا رح ابعتلك هديل مقطعة
سكر الخط وانا صرخت و رميت الموبايل
نضال : شوفي رائد احكيلي ليش سامر طلع بحياتك من جديد بعد كل هالسنين احكيلي
رأيد : هديل .. هديل اخت زهير اجت لعندي عالعيادة لتتعالج وانا عرفت من اضبارتها انها اختو .. حاولت اتقرب منها لحتى اعرف مكان زهير طلعت هي كمان مابتعرف هو وين متخبي بلبنان .. حطيت خطتي و بعتت رجال يخطفو امها بحجة انو الهن دين مع زهير لحتى هي تضغط على اخوها ويرجع يخلص امو .. بالبداية ماقبل يرجع بس خليت هديل تطمنو انو يرجع بالسر ويضل ببيتكن ع اساس انتو رفقاتها وهو وافق
بس مابعرف كيف سامر عرف انو هديل عندكن واني عم التقي فيها ..
بعتلي رسالة حذرني اذا بقرب من زهير رح ياخد هديل .. كيف عرف اني تعلقت فيها كيف
كان نضال فاتح عيونو وعم يتطلع علي مذهول ومو مصدق وانا ملاحق السيارة بعيوني حتى ماتضيع
نضال : ما عم صدق .. هديل بتكون اختو لزهير .. لك مستحيل ما عم صدق
رايد ( عم اصرخ ) : لك أييييي .. اي هي اختو من لحمو ودمو .. زهير قليل الشرف الي كان السبب باللي صار مع حياة .. هو الي لفق مقاطع الفيديو لحياة وعملها نايمة معي عالتخت .. بعتها لسامر وسامر بدون مايسأل ضربها بدم بارد و رماها لحياة من السطح ..
بس لانها كانت بتحبني ورفضتو لزهير
رح آخد بتار حياة .. رح آخدو من بين عيونو
سكت نضال وكان عم يسوق بسرعة كبيرة والسيارة الي قدامنا عم تحاول تضيعنا
رائد : نضال حاول تتجاوزهن ونوقفهن يلا فضي الطريق
زاد السرعة حتى وصلت عال 180 وانا ماسك اعصابي وعم اتمنى انقذها لهديل من ايدين سامر قدر نضال يوصلهن بس هنن أسرعو أكتر وفاتو بالاوتوستراد واضطرينا نوقف للاشارة وانا رح جن وما عم صدق تخلص اشارة المرور بس للاسف لما فتحت كانت السيارة ضايعة قدامنا وماقدرنا نلاقيها
رائد : لك يا الله كيف ضيعنا السارة كيييف
نضال : طول بالك لازم نعمل شي لازم نتصرف بسرعة
رائد : انا مابعرف انا ققدت اعصابي ماعم اقدر فكر هديل هديييل
كان نضال عم يتفرج علي مذهول قدام ضعفي المكبوت جواتي والقسوة الي بتصنعها قدام الناس بس ماهي إلا قناع في وراه قلب ضعيف مكسور
نضال : اتصل بالشباب خلي ياخدو زهير لمكان تاني خلي ينتبهو ليكونو هنن كمان ملاحقين اتصل بسرعة
اتصلت بالرجال وخبروني انو في سبارة كانت عم تلاحقهن من الكراج بس قدرو يضيعوهن
رائد : ليك خلي عيونكن مفتوحين منيح مابدي زهير يفلت منكن بتاخدوه عالفيلا لعنا مو عالمستودع .. هلأ بحكي مع ابو تحسين الناطور بتدخلوه عالملحق وانا رح الحقكن يلا
نضال : عظيم .. اهم الشي زهير مايضيع منا وإلا رح نخسر كل شي
رائد : لا .. لا مارح اخسر بسهولة .. لسه في بإيدي ورقتين رابحات .. رح يكسروه لزهير
غيرنا طريقنا بسرعة وتوجهنا للفيلا تبعنا وصلت كانو الشباب مفوتين زهير ومربطينو ببيت ابو تحسين الملحق للفيلا
دخلت عالغرفة والنار عم تغلي بدمي .. كان الغضب جواتي عم ياخدني ويجيبني .. يخطرلي اقتلو لزهير بارضو .. يخطرلي اخدو لسطح الفيلا وارميه متل ماكان السبب لاللي صار مع حياة .. بس ماكان قدامي غير التروي لأقدر اثبت براءة حياة
طلبت من الكل يطلعو وتركوني انا وزهير لوحدنا بالغرفة .. قربت عليه وبكل حقدي شلت الرباط من عيونو
رأئد : نورت البلد زهير افندي
زهير : شوبدك مني .. اتركني روح انا ماعملت شي
رائد : أها .. ليكك برافو .. أنكرت قبل ما اتهمك بشي .. بتعرف دليل شو ؟؟ .. مو بيقولو الي فيو شوكة بتنخزو .. لك انت كلك شوك ياحقير .. بتعرف شو كنت متمني اعيش هاللحظة وانت هيك مربوط بين ايدي .. شو حلمت اوصلك وانتقم منك عاللي عملتو بحياة .. حياة الي كانت ضحيتك بلا ذنب
زهير : أنت كيف وصلت لهديل .. وامي وينها .. اكيد انت الي خطفتها لتجيبني لهون اكيد انت
قربت لعندو ومسكت برقبتو
رائد : لك هديل أطهر من انك تجيب اسمها ع لسانك .. لك أصلآ حرام تكون أختك .. ومخدوعة فيك
زهير : كل شي إلا هديل .. اقتلني ولاتعمل شي بهديل بترجاك رائد
رائد : هههههه لو كنت خايف عليها مابتعمل كل هالعمايل الوسخة ..

ع كل حال هديل انا رح احميها منك ياوسخ
اندق موبايلي وكان المتصل سامر لانو الرقم خاص
رائد : اسمع .. هلأ بتحكي مع سامر وبتقلو انو رح نلتقي بشي مكان وننهي كل شي .. لازم كل حدا ياخد حقو على أكمل وجه
فتحت الموبايل وزهير صار يحكي
زهير : سامر .. هديل دير بالك عليها أوعك تأذيها فهمان
نحن لازم نلتقي سامر .. في شغلات لازم تعرفها قبل مانصفي كل الحسابات
أخدت الموبايل منو وحكيت مع سامر
رائد : اسمع يا واطي .. أنا رح جيب هالكلب لعندك ورح تفهم كل شي ورح جيب معي دليل براءة اختك لحتى تتأكد انو حياة ما الها ذنب بالي صار
سامر : .....
رائد : رح ندمك يا سامر .. رح خليك تعيش كل حياتك ندمان تعيس لأنك قتلت اختك بلا ذنب
سامر : ياريت لو كلامك مزبوط واختي تطلع بريئة .. ياريت
رائد : ابعتلي العنوان ورح اجي لعندك انا وزهير ورح اثبتلك الي بدك ياه بس رح تعطيني هديل بالمقابل واصحك تعمل فيها شي لانو وقتها رح احرق الأرض الي بتكون فيها عم تفهم
سامر : رح ابعتلك العنوان .. بس أي حركة منك هيك أو هيك رح صفي دمها لهديل
سكرت السماعة واندرت لزهير الي كان عم يبتسم
زهير : أمي وينها
رائد : أمك عندي .. معززة مكرمة وصار عندها خبر بأفعالك كلها
زهير : بتعرف اني بشفق عليك
رائد : اشفق على حالك يا ندل
زهير : ههههههه طول هالسنين وانت مفكر اانو حياة كانت بريئة وبلا ذنب .. عنجد مسكين ..
يتبع .....