🍁 عقدة مختل 🪶🍁

الجزء 16🍁

👑عقدة مختل👑
   ❄️  بارت 16❄️

           ✨بقلمي....... فدوى
                  صقور ✨

البنات يلاه جمعو جلايلهم وعراو على كراوعهم وبغاو يهربو حتا وقفو عليهم وحد 3 تاع الغارد صحاح كيف لغوال طاحو عليهم كيف قدرت ربي وشدوهم من قردفتهم وجرهم
والقضية تشبكات والبنات عطينها الغوات وكولشي كيجري وحد دري بغا يدير فيه البطل المغوار 😂😂و طلع فوق طبالي كيشير على الهامستر بطباسل الهامستر بقا كيجري حتا تخبا من مورا كرسي تاع آكسيل لي مني سمع صداع ناض وقف 
وحتا مجد
اكسيل : شهاد الخرا تاع نم
مجد: والله معرفت مالهم كيتناقزو
كيشوفو في ناس بستغراب بحالا جايين من الفضاء آكسيل ضرو راسو من صداع حتا حس بشي حاجة كتحرك حدا رجليه هبط راسو يشوف شنو كاين وهو يبان ليه الهامستر جاكي كيحرك في راسو باينة فيه خايف نزل عندو وهزو بين يداه
آكسيل ميل راسو بنص ضحكة: أش هداشي أصاحبي نت لي نوضتي رعب في هدا المكلخين كاملين معندي منتسالك ههه
هزو وشاف في مجد غمزو وخرجو خلاو المطعم مقربل

عند البنات كانو باقين جارينهم الغارد وهوما كيتنترو ليهم حتا وصلو لوحد لباب كحل فتحوها ودخلو ودخلوهم
نوال خنزرت فيهم كتحك في درعها ضرها من شدة:
تفوا مالكم مكلخين مكترفعوش تهدرو بفمكم
وهو يتفتح البيرو ودخل وحد راجل كبير في سن غيكون 50 بحال هكاك كان داير عكاز راسو على شكل أفعى
هو: مطعمي كتر من 23 وعشرين عام تاع نجاح وسمعة المزيانة
وكمل بعصبية... في أخر يامك أيوسف طوقان يجو برهوشات يخربو ليك سمعة مطعمك لي لكل كيضرب بيه لمثال
دعاء كترعد بالخوف: والله أسي طوقان ولا طوفان مدرنا شي حاااااااااجة
رباب: أااه والله أسي طرقان غير سمحنا
مستر يوسف شاف في الغارد وغمزو
الغارد مشا جاب ليه بيسي أسود حطو قدامو فتحو وبدا كيخربق فيه حتا بان وحد الفيديو تفتح الفيديو وبانو فيه صقعات ليام فاش طلقو الهامستر  كانت كاميرا مگاودا معهم مردوش ليها البال ولاو غير يدورو في عينيهم
مستر يوسف بسخرية: معندكمش لفلوس باش تخلصو ماشي مشكيل المشكيل هو تهدمو ليا خدمة سنين في 3 دقايق
شاف في الغارد وكمل هبطهم لتحت
دعاء عتارفت بلا عصا: والله أسيدي مأنا نوال هيا مولات الخطة
رباب بزربة: أااه أسيدي حنا غير مقدمين فيها
نوال وسعات عينيها فيهم على جهد
😂😂😂😂 ناري مشات فيها نوال كفتة بعوها البنات
يبتع....