🍁 عقدة مختل 🪶🍁

الجزء 24

👑 عقدة مختل 👑

❄️ بارت 24❄️

✨بلقمي.... فدوى صقور ✨

رباب: أحم سلام أمستر يوسف حنا جينا دابا على ود الهامستر تاع رباب
( كتقوالها وهيا مكرهة كتقوال في خاطرها على أخير يامك أرباب تسوالي على فار سيري أدعاء أش بغيت ليك والو 😂😂😂)
مستر يوسف جاتو ضحكة : كتسوالو على داك الفار لي طلقتو باش متخلصوش ههههه
البنات ضربو طم وهبطو راسهم وبقاو يضورو في عينيهم
وهو يكمل كلامو .... متخافوش راه عند ولدي آكسيل
نوال هزت راسها فيه غير سمعت ولدو وهوما يتقلشو وذنيها وقالت في خاطرها: مني هدا في هدا سن وباقي زاز يا لوز كيغكون ولدو
وكملت بصوت مسموع
نوال: .. عمي يوسف 🙂
البنات خرجو فيها عينيهم من ديك عمي يوسف هههه ويوسف ضحك وكملت بلا مبالات
نوال: آكسيل ولا طبسيل أنا مسوقيش بغيت الفار ديالنا
يوسف كيضحك: صراحة ابنتي غير فترة قليلا باش عرفتك وصراحة عزيتي عليا مبغيتش نتخيل آكسيل كون سمعك قالتي عليه طبسيل أش غيدير ههههه
رباب بضحكة صفرة: أسي يوسف غير سمحليها وعيط على ولدك يجيب لينا شوهتنا خلينا نمشو بحالتنا
دعاء: شوهة هيا نتي بزاف عليك جاكي هههه 😂🤭 (والله يعطينا قلبك البارد ياختي تفكيرها خارج صندوق هههه روينة ولبلبالة وكل مكيهمها هو الفار ديالها 🙂)
يوسف جاوه على الگانة بحالو: غير قوالو ليا عمي يوسف و آكسيل مكينش هنا دابا
نوال: غير قوال لينا فين كاين نمشو لعندو نجيبو المونتيف
يوسف هربتو ليه بديك المونتيف: ههههه وجلسو شربو معاي قهوة بعدا
دعاء بغباء:منصيبوش خاصنا مع سبعة نعگبو لدارنا يكما طامع فينا نغسلو لمواعن خليها لمرة خرى باقي مسلاني راگد عليا من البارح
يوسف: ههههههههه ههه
دعاء: ومالك كضحك والله حتا بصاح گعما كنحس بيه واقيلة وقع ليا شلل
نوال : أشمن شلل وقع ليك شلل وواقفة
رباب بذكاء زعما: غيكون شلل نصفي تشللت غير من مسلانها من الفوق
نوال داك العرق تاع الغباء لي كيخدم مرة مرة: أه يكمن عندك الحق
يوسف مبقاش قادر وجهو ولا حمر هههه 😂 دور وجهو لجهة لأخرى مخنوق بضحك حتا تفش عادة دار عندهم
يوسف: راه كاين في صال دوصبور ها عثمان يوصلكم قالها لوحد الغارد وصلهم أعثمان عند آكسيل ومجد وصهيب
نوال دوات مع البنات بشوية داك بشوي المجهد ههه لي وصل حتا لعند يوسف والغارد
نوال كتوشوش وتفرنس: تلات الله الله وحد ليا ووحد ليك أرباب و وحد نصدقوه دعاء باقة صغيرة على قلة الحيا
جوبتها رباب: مالهم تقاشر
دعاء دوات بجهد: وماصغيرة والو حتا أنا بغيت حقي
( حقك من الورث ابنتي الله يمسخك هادي هيا الحشومية البريئة 😂😂)
يوسف دار بحالا مسمع والو وهو بغا يموت بضحك 🤭
رباب: شكراً بزاف خلينا ليك راحة
دارو لبنات غادين مع الغارد وهو يعيط ليهم يوسف
يوسف: نوال هالكارط دفيزيت تاعي لا خصتكم شي حاجة مرحبا بيكم ومرة مرة جيو عندي نشربو القهوة
نوال :بغيت نقوال ليك منين عرفتي سميتي يكما كتراقبني ولكن مامسلياش دابا ولا عينيك فيا قصد دار متبقاش تبعني راني بنت دارنا وهزت نيفها بغرور
خداتها من عندو خشاتها في ساكدوها ومشات
وبقا يوسف كيضحك: هههههههه آكسيل اليوم يركبو في جدك صعر بهدا الغباء تاعهم ولكن ضريفات
ركبو مع الغارد في وحد طومبيل
ناضية أخر مكاين
رباب: وغير هادو لي عيشين أم حنا غير كيتلهو بينا هههه
نوال تاكت راسها على الكوسان باستمتاع: من قال المال لا يشتري سعادة لا يعرف المتجر المناسب ولد العبد
دعاء : لي قالها عرفيه من الحازقين والحياة مقوداها عليه ههههه
بقاو مجمعين حتا وقفات لوطو قدام وحد نيت كلوب كبير فيها كولشي مطعم قاعة البيار وصال دصبور كولشي كيجيو ليه غير ولاد شكون وشكون
الغارد بغا يمشي وهيا توقفو نوال: فين غادي نت حناا باش غنعرفو هدا كيسال ولا كسال ولا معرت لباباه دخلت عليك بالله هادي سمية ولا خدمة ههههه
سكتت من ضحك مني مشافت حت وحد ضحك ليه على نكتتها تافهة
الغارد دخل معهم على سعدو و وعدو
في الداخل في صالة المصارعة كان مجد لاعب كومبة هو وصهيب كل وحد ناشر علينا خيرو تبارك الله مشاء الله

(نعرفكم على صهيب هو ولد يوسف ولد خت فيروز
زوين ومبگوص شعرو شهب وعوينتو بحال عينيه باباه زرقين والحجبان حرشين وشعر رطب تبارك الله ودير ليه تحسينة شبابية مخليه طويل شوي والطولة وتجريدة نعام أسيدي كيحمق والعضلات سداسية تيتيز ولد الهم عمرو 29 عام ولكن طبعو قريب لمجد هو ومجد بحال الحلاقم نفس الهيت عندهم بجوج المهم هنا مجموع غير توت البري ❤️😍😍😍)
مجد مضروب في فمو ودم كيسيل وصهيب حاجبو مفتوح وفيه نقاطي دم معرفنهم مضاربين بصاح ولا غير صحاب مقشبين
آكسيل كان جالس لابس بيل سماطي كحل وشورط كحل على وحد الفوتوي كيخدم فشي بلانات تاع المنجم جديد ولكن دوك جوج قزاقز ضروه في راسو ضرب
طابلة لي كانت قدامه حتا تقلبت وتزلع داكشي لي كان فوقها ووقف خنزر فيهم وهوما يضربو طم
آكسيل: مال زام*** بوكم سخنتو ولا
صهيب عزيز عليه يعصبو: لا سخنا نت شنو غدير ؟؟
اكسيل بسخرية: هأنا غنطلع نبرد مكم
وتم متاجه عندهم
مجد ولا كيسرط ريقو كيهمس ل صهيب بشوية: الله يحرقك أخانز زوك هاهو غيطلع يبرد مك انا وحد المرة كانت غير ضاحك معه
هرس ليا سناني جوج سيمانات وأنا نضرب في الحريرة البيضة
صهيب بغرور: هداك نت ماشي أنا
آكسيل مع طلع نزل عليه بكروشي لعين ليمنية حتا ولا كيشوف دوك جوج طيور لي كانو في توم وجيري🤭😂
مجد: عبر على م.. باقي گاع مكملها جاتو دقة من حيت لا يدري
جمعها معه آكسيل الكرش طاح مجد شاد في كرشو كيتعصر جاتو قاصحة حينت على غفلة وكيعض في شفايفو بالحر تاع ضربة باش ميطلعش صوتو
مجد: وأنا مال مي تفو بففففف
ناض صهيب وقف بغا يجمعها مع آكسيل وهو يخوي عليه وعاودو بكرشي خر جابو ليه العين ليسرية
آكسيل بسخرية: باش ميبقاش فيها الحال
في جهة لأخرى البناات كانو وصلو قدام صالا لي فيها دراري وبغاو يدخلو وهوما يحبسهم الغارد لي واقفين حد الباب وهو يهضر لغارد تاع يوسف
الغارد: غير خليهم راه مصيفطهم مسيو يوسف
الغارد لأخر: بلاتي نقلبوهم خداو صيكانهم وسكادو نوال قلبوه وردوهم ليهم
مشا غارد يوسف وخلهم هوما يدخلو مع دخلو ضربو في اكسيل كيضرب في صهيب ومجد طايح كيتعصر في لأرض
دراري مردوش ليهم البال حينت كانو عاطينهم بضهر البنات كيهدرو بشوية
نوال: وايلي غيقتلو
رباب: أشهادشي ياربي
نوال: أنا غادة نفك
دعاء: نتي سوقك جلسي لأرض قبل متجي فيك شي دقة
نوال: لا لا خلينهم هدا الوحش غيقتلهم فين هيا لإنسانية والمساعدة الغير لي علمونا في المدرسة
مشاا ت بزربة طلعت عندهم بغات تفك حشومة عل.....
باقا گاع مكملتها جاتها ضربة
يلاه اكسيل بغا يعاود صهيب وهو يخوي عليه وهيا تجي في المزغوبة لأيام طيحتها في لأرض دودة
نوال كتركل في لأرض وشادة عينيها: شكون لي طفا ضوا
مجد لي كان كيتعصر في لأرض طلع فيها راسو حابس ضحكة:
نتي لي طفوك أبنتي هههه
آكسيل شاف فيها بإستغراب طلع فيها عينيو بحاجبها

يتبع ........ألبنات ❤️❤️