🍁 عقدة مختل 🪶🍁

الجزء 14🍁❤️

👑عقدة مختل👑
💔 بارت 14💔
✨بقلمي... فدوى صقور ✨

دخلو شباب وطلعو لطابق الفوق حينت خاوي ومفيهش صداع بزاف لقاو العملاء كيتسناو فيهم مشاو عندهم بخطوات تقيلة و واتقة العملاء شافهم وناضو وقفو سلامو عليهم الهيبة أختوشي الهيبة 😂😂 وكل وحد خدا بلاصتو

نرجعو عند البنات لي كان يلاه حاطهم طاكسي
رباب وسعات فمها مبقات سدتو ونفس شي عند البنات
رباب بدهشة: واو أش هد الخير كلو
نوال بإعجاب حتا هيا: وعندك ندخلو وتشوهينا عارفينك تموتي على كرشك خدمي البرستيج ديالك
دعاء: أه عندها الحق نتي راكي وحد المجوعفة عمري نسا ليك نهار كليت ليك حقك تاع دجاج سيمانة ونتي فين ما تشوفيني في زنقة تعيطي ليا الغول بو البطون و وكال الحقوق
نوال بقات كضحك:وناري فاش فكرتني ونهار كنا مطيبين كسكسو وعيطنا ليكم وليها كانت خاشية راسها في القصعة وكتخشي في وجها سمعت ماما قالت ليك ابنتي دعاء مكتاكلي والو معرت باش عايشة وهيا تنقز كي الحزقة قالت ليها
وفمها عامر كسكسو عايشة غير بأكل اليتيم هههههههه
واع
رباب حتا هيا نفجرت بصحك تفكرت راسها كيف كانت
رباب: واع متفكرونيش كنكره راسي فاش كنتفكر وراني درت عقلي مبقيتش هاكة
دعاء بطنز: واه مبقيتيش هاكة تيقتك يلاه ندخلو
دخلو لداخل وبقاو كيستكشفو البلاصة
رباب: شوفو دروج نطلعو الفوق نشوفه كيف دير
نوال: واخا
طلعو لقاو غير ناس قلال منهم مجد و آكسيل لي كانو عاطينهم بضهر
ختارو طابلة زوينة وجالسو فيها كان المنظرة ولا أروع ولإطلالة حتا هيا
نرجعو عند شباب
مجد كان كيشرح صفقة وشروط تاعهاكان كيبان بعقلو و آكسيل خاشي صبعو صغير في فمو وساكت مركز معه
(معلومة واخا مجد عندو خدمتو ولكن حتا هو عندو أسهام في شريكة آكسيل)
العملاء كانو خمسة جوج رجال و3 العيالات هدرت وحدة منهم سميتها ستيالا كانت الوقت لي كيشرح مجد هيا عينيها بغاو ياكلو آكسيل باينة فيها مدودة هدرت بالدارجة معكلة
ستيالا بإعجاب واضحة وكتحلون في الهدرة: مسيو أكسيل حنا مواففين ألى شروث ولكن بشرث انك تعرضنا مرة احرى
وغمزتو في اخر كلامها
گاع العملاء شافو فيها وفرنسو إلا مجد واكسيل مجد شاف فيها بإستغراب وبزز حبس ضحكة مني فهم واكسيل هداك حالة خاصة طلع فيها حواجبو بجوج وعقدهم وخنزر فيها يلاه بغا يهدر ويعطيها دوا دودة سبقو مجد
مجد: إن شاء الله علاش لا وغمزها حتا هو ودار شاف في اكسيل لاقاه مخنزر فيه وهو يدور وجهو لجيهة لأخرى مخنوق بضحك 😂😂😂😂

في الجيهة لأخرى تاع المطعم
البنات من جلسو جا عندهم سرباي رحب بيهم وعطاهم طابليط باش يخترو ماكلتهم غير كيوركو على تصورة الماكلة فيه كدموند طلباتهم خداتو دعاء هيا لولة وطلبت من بعد رباب بقات صقعة تاع نوال خداتو وشافت فيهم
نوال: نتوما شنو خديتو
رباب كتهدر بعياقة تيقات راسها:أنا خديت قطع تاع لحم مع تيغميسو
دعاء بغباء:شي دغميرة هدا تيغمي
رباب كتر منها: معرت ليها غير كنسمعهم كيهدرو عليها بزاف طلبتها
نوال شافت في دعاء: ونتي شنو طلبتي
دعاء بسداجة:غير وحد شربة مبغيتش نقوي عليهم مساكن
رباب زعما فاهمة 😂: تقوي عليهم غي يخلصوه من فلوسهم راه غير صدقة كيخرجوها كل عامة على المساكين و عاش الملك
بصوت ميمي 😂😂😂
جا سرباي حط طلبات وشاف في نوال
نوال بحيرة: كون جابتي لينا غير ديك المجلة المصورة نختارو منها
دعاء طاح الحك في الماء وصاب غطاه تما: والله هيلا داك ا
لملف لي عامر ماكلة
سرباي حلا عينيه على جهد
رباب: أشمن مجلة مصورة ألغبيات ولا ملف عامر ماكلة
(سرباي قال في خاطرو وأخيراً هادي باقي فيها لأمل بعدا)
وكملت راه سميتو مني لا واقيلة نمي
سرباي فقد فيها لأمل حتا هيا :
سميتو الموني أختي الموني
رباب بإحراج وضحكة غبية:بحال بحال الله يجعل غي صحة وسلامة
نوال عطاتو طابليط صافي ختارت ومشا يجيب ليها شنو طلبت
يتبع.........