🍁 عقدة مختل 🪶🍁

الجزء 18🍁🍂

👑عقدة مختل👑
     ❄️ بارت 18❄️

            ✨ بقلمي....... فدوى صقور✨
عند شباب مجد مشا لدارو المستقلة على القصر حينت سيد ناوي يزهى يلاه ينسا صداع قبيلة و
آكسيل مشا ديركيت لقصر حط طميبلتو ودخل طلع ديريكت  لبيتو حط الهامستر في قفص
آكسيل ميل راسو فيه: مرحبا بيك معنا غير ملي خلعتي ليا البشار  بففف واخا صدعو ليا راسي أصاحبي
حطو ودخل لدرسينغ بدل حوايجو وخرج لابس شورط رمادي وتلاح فوق سرير على كرشو نعس خندش راسو بين الوسايد عدا نعس هدي عادة فيه
نرجعو عند البنات لي ولات حالتهم حالة
رباب ودعاء ولاو كيقطرو بالعرق بسيف داز على ضهرهم فياج تاع المواعن جاو يتعشاو حتا صدقو في غسيل المواعن هدي هيا تاع طلع كول لباكور نزل شكون قالها ليك
مسالاو من المواعن حتا 1 تاع ليل وبداو كيجمعو الكراسى وطوابل
رباب: أوف عيت غنموت واش أنا وجهي وجه لعشا في مطعم دريم وجهي غير وجه خدامة فيه و بزاف عليا
دعاء بتذمر: ناس عندهم زهر يهرس الحجر وحنا زهرنا تابعنا ويهرس فينا بالحجر
هدرت نوال لي كانت طالعة من طابق لتحتني حالتها بالماء ريحتها تعطعط بالعرق وخنز تاع الما الموسخ لي طاحت فيه
نوال طالع ليها الخز: نتوما زهركم نواور على زهري أنا زهري مكوز ويحزق عليا
البنات مقدروش يحبسو ضحك من منضرها وراه كتشوف حالة ناس كتحمد الله على حالتك هدي هيا حالتهم كترت الهم كضحك
دعاء: كانتي ضاربة الحطة والهدا في لأخير تالات بيك لابسة لبسة فام دميناج ههههه
رباب بتقزز: والله حتا عبرو عليك مال ريحتك بحالا شي طوبة ميتة بحال جيفة
نوال بحسرة: وراه هداك الحمار قبيلة دفعني في الماء تاع الواد الحار
البنات خراو عليها بضحك
رباب: مبقيتيش مسيطرة همشيك مسطرة هههه
دعاء: هههه قالت ليك مسيطرة على الوضع وبسيف سيد خلاك في طوليط جا لقاك واخدة راحتك في الكوزينة وزيدها خاشية راسك في تلاجة تقوال تاع باك هههه
نوال بضجر: لا ساليتو من تهجار يلاه نمشيو راه جوج هادي
مشاو البنات لبيرو تاع مستر يوسف لقاو غير الغارد واقفين  قدام الباب
نوال هزت فيهم عينيها حينت طوال عليها:سالينا
غارد كيشوف غير قدامو بحال شي ألة:مزيان
رباب:كيفاش مزيان وراه سالينا بغينا حوايجنا بغينا نمشوا
غارد:مستر يوسف مشا وساد على حوايجكم في البيرو تاعو
نوال بنرفزة: وحلو وأرى لينا حوايجنا
غارد: منقدرش ويلاه تفضلو سيرو بحالتكم
دعاء: فين غنمشو بحالتنا وسير عطينا حوايجنا واش غنخرجو بحال هاكة وحتا الفلوس لي غنشدو بيها طاكسي بقاو تم
غارد غمز وحد جوج وجاو جروهم خرجوهم قدام المطعم ولاحوهم
رباب:تفوا على شمايت واش غنمشو هاكة بحوايج الخدمات
نوال: ونتي حمدي الله بحوايج الخدمات انا راه حوايج لفام دميناج وكبار عليا وگاع مرطبين 
دعاء: تحركو يلاه نمشو بحالنا هدا الجو كيخلع
ناضو تحركو من تما وبعدو شوية من المطعم البلاصة كتخلع وليل لا طير يطير لا وحش يسير شدتهم تقفقيفة
ضربو مسافة تاع المشي رجليهم طابو
رباب: اوف وأخيرا بقا لينا غير هدا درب ونوصلو لدار دعاء
دخلو البنات مع وحد ضرب مديق ومضلم كاين غير ضو القمر
حتا كيشوفو خيال جاي من وراهم
يتبع........ كبيدات