🍁 عقدة مختل 🪶🍁

الجزء 22

👑عقدة مختل👑
  ❄️بارت 22❄️
      ✨بقلمي...... فدوى صقور ✨

عوطيفة طلع ليها الخز لراس: كتخرو ماشي كتحلمو وتوقضو معايا

البنات بدوا كيتوقضو وكيستوعبو شنو داير بيهم
دعاء: ماما فيا نعاس خلينا نعسو
نوال: عفاااااك
عوطيفة بنفي :لا وزيدو تفطرو وشرحو ليا شنو هداشي وشنو لحالة لي لقيتكم فيها
البنات تحركو بغاو يخرجو من صالون وهيا توقفهم عوطيفة
عوطيفة وهيا مغمضة نص في عينيها كتشمشم بحال سلوگي ههه : أش هدا ريحة
نوال عرفت ريحة بوالها ههه ولات غير دور في عينيها كي لبولات وكتغمز في البنات يسكتو
رباب: أحم والو غير ريحة العرق
عوطيفة: لا هدا ريحة بحال ريحة البوال متخفاش عليا راه دعاء بقات كتبوال حتا وصلت 15 سنة
رباب مقدرتش تصبر نفجرت بضحك: كان عندها تسرب في الجهاز لبوالي ههههه
نوال هدرت مخنوقة بضحك 😂 : كان عندها مبوشي هههه مكاينش يما رحميني
رباب: في داك لاج معرفت واش دير ليكوش ولا أولويز خلي أيامك أحلا ههههه
نوال: شكون لعب ليها في لبرميتر واععع هههه
دعاء عيات صابرة وهيا تنفجر عليهم: نتي غير تمسخري معندي عليك والو ونتي نسيتي شوهتك تاع البارح لا نسيتي نفكرك وشافت ليها في سروالها لي باقي مطبوعة في بقعة تاع لبوال غير ناشفة
عوطيفة هبطت عينيها فين كتشوف دعاء وهيا تشهق : أش داكشي تم
نوال بغباء: تفرقعت ليا ساقية
رباب ودعاء طاحو لأرض بضحك 😂😂
عوطيفة:أشمن ساقية مالك حاملة زيدي قربي لهنا نشوف
نوال كتجر مبغاش تمشي عندها
نوال: والو ... وطلقي مني
عوطيفة شافت فيها بمعنى هادي لأخرة ليك: بلتي أممم ياك ونعستي في صالون ياك
وسختي طلامط اليوم غتعيشي معاي رعب ( ناري مشات فيها مزغوبة ليام 😂😂😂)
عوطيفة طاحت عليها بالقريص غير الفخاذ ونوال تخلط عليها هران وقريص
عوطيفة: قرناتك مزوجات و والدين ولادهم ونتي بقا كتبوالي مصغيراتك ها هاكي باقة تعودي
نوال: لا هههه الله يرحم باك أعوطيفة طلقي مني... وراه غنبول
عوطيفة ناضت عليها وأخيرا
وقالت لرباب ودعاء يمشو يجيبو ليها الماء وتيد باش نوال تغسل صالون ويني حصلة هادي
نوال بفقسة: والفطور..
عوطيفة بغات تبكي بقا فيها صالونها: والله لا دقتيها

البنات مشاو يدوشو وسالاو رباب ودعاء وعوطفية مشاو يفطرو وكيعاودو ليها على البارح ونوال لبست بيجامة طويلة گفضت ليها كمامها وطوات رجلين سروال ودخلت لصالون تسيقو
عند نوال كتحك في زربية وتنگر : والله حتا حگرة أنا نعست فوق طلميط أش قربني ل زربية
عوطفية من الكوزينة: حكي وسكتي غتكوني قطرتي عليها 😂
نوال بفقصة: قطرت عليها مالي فواري ليا روبيني بالت بحالا قتلت
عوطيفة: كون غير قتلتي ومتبوليش ليا على زربية
ولكن داك سيد هو لي عبر على والديك
نوال: متفكرنيش قال ليك لي معندو زهر معندو واخا تسميه مو مسعود .. رباب ورباب أري ليا شوي في خبيز
رباب خاشية راسها في طبسيل و مامسوقاش
دعاء: أنا بقات فيا شمتة تاع ديك شربة غاسلة لمواعن كان خاصني نطلب نص حولي
نوال كضحك :كون طلبتي نص حولي كون صيفطوك ضربي لعدس بزبلو هههههه
رباب: والله هيلا وجها قاسح ههه
عوطيفة: باركة من الهدرة وكملي
سكتو شوية وهوما يسمعو صوت دقان
في الباب خرجت نوال وهيا هازة الكراطة
لاقات  جوج رجال صحاح الغارد تاع  يوسف عقلت عليهم
خنزرت فيهم شنو بغيتو
عطاها وحد فيهم حوايجهم
وتاني عطاها جوا
نوال: شنو هدا
الغارد: دعوة من مستر يوسف شخصيا لحضور لمطعم تاعو عشية
نوال بفقصة:علاش مستر يوسف ملقاش الخدمات ولا عجبتو خدمتي ولا عرفتي شنو أرو هداشي وتسناوني هنا
الغارد بقاو كيتسناو فيها
نوال دخلت حطات الحوايج ودخلت الكوزينة خشات في راسها كسكاس
عوطيفة : شكون وعلاش خارجة بديك لحالة وحطي كسكاسي هو لي بقا ليك
نوال: صحاب دعوتي جابهم الله.. الله أكبر هيا إلى الحرب
دعاء:غادة تحريي فلسطين وشفت دعوة تاع المطعم
رباب: أش هدا أنا مغاداش
دعاء خنزرت فيها: منيتك وجاكي نخليه ليهم
رباب:  من طغمتي نرجعو على قبل لفار تاعك
نوال خلتهم مضاربين وخرجات عندهم هازة كرطاتها في يد وشيتة في يد وخاشية كسكسها في راسها منضرها مسخرة ههههه
نوال: علقو لا قبضتكم مشيتو فيها غنفش مكم
الغارد دهشور  مفهمو والو وبركو يجرو وهيا تابعهم أجيو تشوفو أخوتي المنضر بحال شي طوبة تابعة جوج فيال  هههه
الغارد وقفو مني ستوعبو بلي بنت فيها نص ميترو فطول تابعهم وهوما كي لبغال هربانين
وقفو وقفة وحدة ودارو مخنزرين فيها
وهيا تبدا تفرنس هههه
نوال بضحكة غبية لا معنى ليها: هههنن مالكم وقفتو أمتقلقوش غير غديد علال بردتهم فيكم
يتبع ألبنات ❤️😍