عقدة مختل 👑
❄️ بارت 17❄️
✨بقلمي.........
فدوى صقور ✨
مني شافت أصابع الاتهام توجهت ليها ولات غير تدور في عينيها
نوال بضحكة تاع الفقصة: مني كاينين صحاب بحالكم گعما نحتاج العديان نتوما مكفين و موفين
رباب بدات كتغمز فيها زعما غير بلعاني بحالا يوسف مكيشوفش فيهم ههههه
رباب: وختي بغيت نعانوك ولكن مكناكلش العدس والبرد هدا وربعة الحيوط صعاب
دعاء: مخاطبكم مشغولا حالياً ألمرجو نداء لاحقا
يوسف شاف فيهم جاوه غير خبز ربي في طبقو واخا كيبانو قافزات هوما غير هبلات بقاو فيه ولكن ضروري يأدبهم
يوسف بمكر: إدن نتي هيا راس المدبر خرجو عليك المسلسلات والقصص أبنتي
نوال بشمتة: وبغيت ندير فيها قافزة ومصدقتش گاع الكاتبات لي كيديرو لبطلة مشات تاكل وحطت في طبسيل دود ولا سراق زيت باش متخلصش هوما سباب بيعتوني لعجل بغيت ليكم ينوض ليكم سرق زيت في طغاميكم سيرو خليت ليكم لوديه أش غنقوال ليكم معندي منقوال من غير بغيت ليكم ساحق ولاحق ورصاص لملاتحق يلاه عيط ل ويو ويو دابا يجيو يدوني محمود اليوم ياكل عليا كسكسو أش نقوال ليك أسعاد مولدتي غ لخلا وجلا
يوسف حابس ضحكة بزز: ساليتي
يلاه خليو گاع الخدام يمشيو ويخليو روينة كيف هيا وهبطو هادو يغسلو المواعن ويجمعو دنيا غير طابق الفوق
البنات حمدو الله حينت طابق كان خاوي شوية
نوال بهمس ولكن قدرو يسمعوه: مغيكونش شي حاجة كفس من هادي
يوسف بتشفي: هبط غير دوك جوج وهدا القافزة ديها لطوليطات تاع طابق الفوق ولتحت تحيد منها القفزية شوية
البنات حبسو ضحكة ههه
نوال بحسرة: كاينة شي حاجة كفس دابا تأكدت
الغارد خرجو معهم لبنات
لطابق الفوق مشاو لبنات عطاهم لغارد حوايج لخدمات مشاو لكوزينة والهيشة تاعنا مشات لطوليط
رباب تحك ودعي على نوال ودعاء تحك وتهرنن مني تفكرت جاكي غيولي فار متشرد ههههه
رباب: هدا الكوزينة كبر من دارنا كولشي بسباب نوال غاسلين المواعن غاسليهم كون في لول قالنا ليهم معندناش باش نخلصو ونجو نغسلوهم بكرامتنا
دعاء كتهرنن🥺😭:هئ هئ حمارة كلبة بسببها كوراه دابا جاكي كيعاني في البرد وجوع ( هادي هيا تاع ناس في ناس والقرع في مشيط راس😂😂😂😂)
تسمعو صوت نوال تلفتو لقوها مربعة يديها ومتكية على الباب لابسة حوايج الفام دو ميناج
نوال: وكون قالتيها ليهم في لول كانو غيعيطو ليك لبوليس أدادة الفاهمة صحبة أخير زمان شادين فيا الهدرة خودو راحتكم قلبي بيض من حليب سليم تاع فرنسا ماشي غير تاع المغرب
رباب:أش كديري هنا دابا يجو دوك لغوال ميلقوكش في طوليط يحيو علينا ويزيدونا حتا سفلي نقادوها
نوال: تو تؤ تؤ متخافيش راه سمعت الحس تقطع طليت ملقيت حد وسمحت في تسياق والحكان وجيت عندكم نشوفكم متخفوش راني مسيطرة على الوضع
ومشات كتقلب في تلاجة علما تاكل خشات راسها في تلاجة مبقات خرجتو حتا حست بشي إيديا كبيرة شادها من قرفدتها
خرجت راسها بشوية وفمها عامر بنص كيكة تاع شوكولا لاقات وحد من الغارد ضارب فيها تخنزيرة الموت جرها وداها وهيا غدا وتعكل وحالتها حالا
دعاء بخوف: يلاه نشوفوها لا يقتلها
رباب بطنز وتشفي: متخافيش راه كي لكلب بسبع رواح وزيدون ياك قالت ليك مسيطرة 😂😂 على وضع حكي حكي
عند نوال بقا جارها حتا لطوليط وحلها ودفعها جات على وجها وخرج وجها مجا غيرفي ماء تاع تسياق ولي خرجتو من وحد طوليط كانت مسدودة يععع هههههه
نوال هزت راسها بملامح تقززز : والله لا بقات فيك عقل عليا أولد الحرام
بففف هادي متكون غير شي دعوة من ديك قمقوم لكلب تاع رباب ضربت لصقت جابتها لاصقة بنت الحمارة
يتبع.......
كيف جاوكم لبارتات ألبنات😍😍
أنت تقرأ
🍁 عقدة مختل 🪶🍁
Action👑قصة حصريا بفكرة جديدة 👑 #بعنوان.....عقدة مختل ☕❤️ #بقلمي.... فدوى #تصميم.... غزالي تقديم: البطل: تقيل ورزين واخا مقطعين ليه الفيزبلات ومختل شي شوية 👀... شوية لا بزاف صراحة من لأخر مختل ومقزدر و نرجسي وحد شوية عاجبو راسو من لأخر كيقول يا أرض ت...
