🍁 عقدة مختل 🪶🍁

الجزء 23

👑 عقدة مختل 👑

     ❄️ بارت 23❄️

       ✨بقلمي...... فدور صقور ✨

الغارد بقاو غير كيشوفو فيها مخنزرين يلاه بغا يقرب ليه وحد فيهم وهو يحبسو تاني شدو من يدو
تاني بسخرية: بعد منها أصاحبي دابا تبولي عليك 😂 😂🤭
لأول كيضحك: وياه غير قيسها تبوال ههههه بحال البخوشة البوالة
نوال تعصبت: باش عرفوتني بوالة احم أحم تفوا على مكم بجوج أنا بزاف عليكم عقلو على وجهي مزيان مزال غتجيب مكم الوقت وغتخلصو
شافتهم قصدوها وهيا تطلق رجليها لريح وصلت لدار حلت ودخلت
نوال بلعاني كتهدر بجهد: والله يعميها لشي حد كنكونو جالسين في أمان الله حتا كتكعونا
خرجو عندها البناااات وعوطيفة
عوطيفة: مالكي أبنتي تهدني متعصبيش دعاء سيري جيب لختك لماء وديري فيه شي مربع تاع سكر
نوال كتبوحط:مامعصبة موالو غير طلقيني أعوطيفة نوض نكمل تسياق حاسة بدمي كيغلي
عوطيفة جلستها فوق الكرسي: جلسي فين غادة
دارت عند البنات وكملت...رباب دعاء سيرو كملو تسياق عاف بناتي ختكم مريضة
نوال من وراها كتهز حجبانها ليهم
رباب: ولكن راها غير كتكذب
عوطيفة: حشومة تقوالو على ختكم هاكة يلاه نوضي أنوال لبيت تنعسي
(نوال خورتهم بنت الحرام😂)
مشاو البنات كملو تسياق وهيا دخلت لبيت تلحت فوق سرير وبقات متكية حتا كملو وجاو تكاو حداها وكيشوفو في سقف
دعاء: غنمشو ؟
نوال تكعدت ودارت عندها: فين؟؟؟؟؟
رباب بلا مبالات: هادي راها مريضة في دماغها
دعاء خنزرت جاتها البكية ودارت عند نوال: ياك وعدتني بلي غير تبرد القضية غنرجعو نجيبو جاكي
نوال شافت البعيد زعما كتخمم
(قوالو ليها ألبنات بلا متخمم راها غطيح غير في شي مشكيلة 😂😂😂)
نوال: بغيت نمشي لطوليط وغير كنتفكر 24 ساعة
في الجحيم كتشدني
سخفة
دعاء كضحك: ههههه وغير سيري علاه طوليط تاع تما بحال طوليطنا هادي تاعنا كتمشي تبولي حتا كتسحلاي الهوى لي كيضرب فيك من جميع لإتجهات كتولي في حاجة خرا مني كتكملي كتبغي تخوي الماء روبيني كيقطر شادينو غير بجلدة مكتعمري سطل تاع الماء حتا الماء كيعمرك كلك كتحلي جلدة وجهك كيترش عليه ماء ومني كتخوي الماء كتلقيها تحصرت كتستخدمي الفونطوز بخلاصة القول كتخرجي كي الكلبة بحالا كانتي تاجهدي ههههههه
رباب: والله العظيم أنا ديك المرة سديتها وعصبتني خرجت وخليتها تسبت في نوال هههه
نوال: ياك ألكلبة كتعتارفي ههه
دعاء: دابا ألبنات غنمشو لمطعم ولا لا 💔💔

نوال: أكيد غنمشو
رباب شافت فيها: واش هيا مريضة تنوضي تبعيها حتا نتي
دعاء ضربتيها ليدها:مالك محسادة مالك
نوال بجدية: حنا غنمشو نتي بغيتي مرحبا مبغيتيش... غتمشي بزز من والديك هههه
رباب خنزرت فيها: تفو ناس عندهم صحاب يحمرو الوجه وأنا عندي صحاب يطيحوني في المشاكل غير لي تحمر ثرمة
نوال: والمهم محمرين ليك شي حاجة ههههه
دعاء: ههههه ... غنمشو دابا أنا مامسنياش حتا لعشية توحشتو
رباب ميقت فيها: يتوحشك الويل يلاه تهنينا من صداعو
نوال: وباز بحالا كان جالس ليك على قلبك  تهزو نبدلو حوايجنا ويلاه نجيبوه بقا فيا مسكين ونقود لدارنا ماما غتكون كتسنا فيا
مشااو لابسو
نوال لابست سولبيط تاع دجين مع تيشورت بيض وفيه كتابة بلأسود وسبادرية بيضة وكاسكيطة كحلة مع ساكدوها كيف ديما وضفرات شعرها وخلات جوج زغيبات القدام بغات تبان كيوت ساعة جاو بحالا دوك جوج عواد تاع سراق زيت ههههه وكتفات بملمع شفاها وكريم شمس صافي وصيبات حجبانها
ورباب لابست سروال دجين كحل مقطع من ركبة وتيشورت گري وكويرة كحلة وسبادرية فيها الكحل والگري  مع عكر ماط ونفس الكريم لي دارت منو نوال ههه
ورباب لابست سروال عريض صفر مع شوميز بيضة طويلة شوية وفوقو الجيلي تاعو طويل صفر وفولار بيض وسبادرية بيضة حتا هيا وكتفات غير بنفس الكريم لي داروه البنات كان بقا فيه شوية عصراتو مبغاش يتعصر وهيا تمشي جابت موس حلاتو بيها هههههه تريكة جوع بتلات كيديرو من نفس الكريم وهادي هيا صحاب وإلا فالا 😂😂😂
مشاو عند عوطيفة قالوها ليها مبغات تخليهم يمشو غير بزز
خرجو شدو طاكسي
حطهم قدام نفس المطعم لي دخلو ليه أميرات وخرجو كي لكلبات 🤭😂😂😂
نزلو منو
نوال: شحال حسبتي لينا
مول طاكسي: 50درهم
نوال بطنز: يكما بانو ليك عينيا خضرين والحطة والهدة وتسحاب سميتي جيسيكا غنعطيك غ 20 درهم راه جايبنا غير من ضورة
مول طاكسي فرنس سيد تحل: وقليلة خمسين درهم أزين
رباب خنزرت فيه ولاحت عليها ل 20 درهم : وسير أولد  .... ضريفة مبغاش نخسر عليك نهاري
خداها وهبط زجاج دفل ليها عند رجليها وقال
بغيت ليك 20 كية ألخايبة بحالك هوما لي كيخرجو على صحباتهم كيخليهم يرفضو ولاد ناس بحالي 😂🤭🤭
وكسير وزاد
رباب: واخا على مك يا خانز لوذنين
دعاء: ولد الحرام وايلي على ولد ضريفة هههه
نوال: أنا تخلعت نساحبها غتخسر الهدرة هههه
رباب بفقصة: وتوحل غير مع الخايبين زيدو ندخلو
لاقاو الغارد في الباب غير شافهم حلو ليهم دخلو
رباب: بغينا نشوفو مستر يوسف
الغارد:تبعوني وداهم لوحد طابلة معزولة كان جالس فيها سي يوسف كيشرب قهوتو وهاز جريدة كيقرا لأخبار
نوال: أحم أحم
مستر يوسف هز عوينتو زرقين فيهم صراحة واخا عندو خمسين عام باقي شاد في راسو وتيتيز هد عمي يوسف 😂😂
هبط نواضر تاع شوف من عينيه وشاف فيهم بتفاجئ
يوسف: لأنيسات؟؟؟