فصلية الشيخ محمد

بارت 9

لين : ثاني يوم الصبح كعدت اباوع للروحي بل امرايه جوى عيني صاير كله اسود وعيوني حمر ووجهي اصفر انقهرت على نفسي وشلون رح اضيع بس على غلط اووف ياربي هاي النهاية من الشخص يتصرف ابتسرع ومايحسب احساب للئي شي اهنا يا تدمر يا اتكون سبب ابدمار شخص وانا عمي هيج سوى بيه عمي على غلط بسيط وبدون قصد دمرني ودمر كل احلامي اووف ياالله ليش هيج للهل درجه انا نحس وماعندي حظ ماالوم بابا يوم كرهني صدك انا نحس ضليت ابجي على المرايه واصيح انا نحس للحد مافقدت وكسرت المرايه بيدي يدي صارت كله دم من كل مكان بس جنت ماكاعد احس بوجع رغم الكزاز بيه ضليت اباوع عليه وجن شريط حياتي كله بيه كاعد يطلع كدامي حسيت ابهاي اللحظه انو انا صدك متت دخلت عليه امي حبيبتي كامت تركض عليه اخذتني ابسرعة للمجمع الطبي ويدي جانت كله داخل بيه الكزاز نظفها الي وكال يلزمه اخياط
حط مخدر بس كال تره رح تتئذين فا لو تحطين شي على حلكج لئن المخدر بهيج حاله مايفيد كتله خيط عادي وانطاني شي احطه على حلكي كضيته بيدي وكلت من اتوجع احطه ضل يخيط وانا شلون المااحس اباوع على يدي وبس ادموع توكع بدون صوت ابد للحد ماكمل الدكتور وجان صافن عليه كلي اكو شي اكدر اساعد بي باوعتله وجان رجال جبير مبين شفق عليه وانا الصراحه اكره هل نظره باوعتله وكتله شكرآ ماقصرت وطلعت انا وماما كتله خل نفتر على الكورنيش وجانت الساعة 8 الصبح كعدت على الشط ونزعت حذائي وحطيت رجليه بل ماي لفت على ماما
لين : يمكن هاي اخر مره اشوف الشط واحط رجليه بي
ام لين : بس بجي 😭 ماما لاتحجين هيج
لين : اكلج انا حتى لو رح ازوج عجوز اريد اروح اعدل نفسي واشتري للاخر مره وهم اريد افتر محلات الحلويات كلهن وجرب كل انواع الكيك وحتى اريد اروح للمدينه 😭😭😭😭😭عفيه 😭😭 اليوم اريد اروح ابكل مكان حتى اريد اروح للبيت خوالي اشوفهم للاخر مره 😭😭😭😭
ام لين : شفته هيج تحجي اخخخخ يابنيتي اباوعله وهيه ابعمر الوردة كاعد تروح من بين يديه
كتله يلا كومي انورح انفر البصره كله ومانرجع للنص اللليل
لين : كتله يلا . وانا امسح دموعي
رحنه للمول اشتريت ملابس من كل الماركات الاحبه وبعده رحنه اتريكنه بل مول ورحنه للستي سنتر
(سنتر اكل) كتله يصير اخذ ويا اهناك حلويات
باوعتلي وتحاول ماتبجي كالت اشتري كلشي اتحبي كلشي رح جبت نوتله ومكسرات وككوات اهواي وجبسات ابكل انوعها كتله اسوي جنطه بس حلويات
كالت براحتج بعده طلعنه من المول وجان ابوكته بابا جاب سيارتي وعافه بل كراج حتى نفتر بيه
كالتلي خل نمر على خالتج كتله تمام وصدك مرينه عليه وطبعن خوالي جانو دارين ابكلشي وصارت مشكله بينهم وبين بابا خالتي كالتنه وكالت خالي الجبير راد يجي ياخذني للبيتهم وصارت مشكله بينهم وبين بابا بليل ياربي احب خوالي اكثر من كل شي احسهم من صدك سند واحزام ظهر اليه اتصلت على بنات خالي وخالتي الثانيه وكتلهم تعالو نتلاكه رح اروح للسوك
واتفقنه هيج اجن جنت واكفه الهن بل كراج ضلينه انباوع سوى صالي تقريب 10 سنوات مانازله سوك😂😂 الصراحه الغراض كلش حلوه وارخص من المول ابدرجات 😅المهم ضلينه نفتر وناخذ كم شغله وماما وخالاتي دخلن يجيبن اغراض اجت ماما جايبه وياها سيت جناطي كالت هاي لغراضي كتله عندي اهواي جنط للملابس كالت حتى لو كون كله جديد بت خالي كالت غير عدنه عروسه مايصير قديم وسحبني على محل ملابس وضلينه نشتري اتراكات ودشداشت قصيره لئن انا كله هيج لبسي بل بيت وخاصه صيف وبعده ماما كالت اخذي دشداشات لئن ماعندي ولاوحدة فا صدك رحنه واخذت مجموعه جانن كلش حلوات ومطرزات ومديلهن حلو بعده مرينه من محل ملا مزوجين تقريبن😅 بت خالي حلفت عليه اله ادخل والصراحه انا اخجل ادخل هيج محلات 😅😅 بس الحمدلله جانت التشتغل بي ابنيه اشوي اشوي صارن يطلعن ملابس نوم الي كتلهن مستحيل ماما كالت للمره اريد جهاز عروسه باوعتله وبعيوني الدمعه ياربي منج ماما المن الجهاز للشايب عمره كد جدي اووف ماحبيت اخرب عليه كلشي اطلعه اكله ابكيفج للحد ماكامت ماتسئلني بس تشتري
واخذت اهواي الصراحه انقهرت منه تتصور رح البس هيج للشايب كد جدي اووف عكرت مزاجي ابتصرفها للحد ما رحنه من المكان وبت خالي كالت انروح للمحل مكياج جان ماركه جديده فاتحه صدك رحنه وانا اموت على المكياج اخذت كومه واصباغ الاظافر اخذت من كل الالوان ماخليت شي عناية بشره ومرطبات ووقي كلشي اخذت بعده رحنه اتغدينه وتونسنه سوى اقترحت بت خالي انروح مركز تجميل فارفضت كالت حتى لو رايحه مو ابرضاج وريهم انو انتي نظيفه وحلوه انسوي ليزر للجسمج كله وعنايه ابشعرج وبشرتج وضلت فوك راي عفيه وعفيه وصدك رحنه ماطلعنه احنه و السته المغرب كتلهن كافي تعبت وانا جاي احجي شفت محمد جاي يتصل وتلفوني صامت بسرعة رديت
لين : الو
محمد : ادري اغلط هسه ولجججج وينججج
لين: التلفون جان مربوط بلوتوث بسياره اجيت اطفي ماما كضت يدي عود يردن يسمعن😂
لين : اوي شبيك هيج عصبي جان صامت
محمد : والخره ليش خالته صامت اكدر اعرف
لين : جنت بل مول افتر ومانتبهت
محمد : من الصبح ليهسه مو 😡😡
لين : اووي يعني واذا
محمد : خرب دينج على هل اوي
لين : قبل مايكمل لئن اعرفه يجفص كتله ها شبيك
محمد : وينج
لين : افتر
محمد : ادري وين
لين : على الشط واكفين
محمد : دزي الموقع
لين : شنووووووو
محمد: وجع دزي الموقع
وسديته ابوجه
لين : اجيت اراسله اكله ويايي اهلي ماما كالت روحي شوفي اذكرت اخر مره وصدك دزيتله
ورى نص ساعة شفت سيارته صارت كدام سيارتي وسيارته جانت مضلله رقم 3😂 خبل بنات خالي يكولن شنو يشتغل
نزلت من السياره
محمد : شفته وياها اهله صفيت كدامه ونزلت
لين : نزل رحت ركض شبكته
محمد : اتفاجئت من شبكتني لئن وياها اهله حسيت بدموعها اطيح على اكتافي
لين : احبك موت
محمد : بسته ابراسه وانا اعشكج . خير ياحلو بيج شي
لين : اي بيه انت😚😚😚بسته ابخده
محمد : ولج احنه بشارع شبيج وشنو هل تصرفات مو من عوايدج
لين : اوي مشتاقه للحبيبي .تعال اعرفك على امي وخالاتي
محمد: رحت اتعرفت عليهم وكعدنه على الكورنيش حسيتهم راقين ومثقفين من طريقت كلامهم وحتى لبسهم وكعدتهم جانت هيه كاضه يدي ونايمه على كتفي حسيت بيه هم وتريد تنساه ابحضني
لين : عرفته على ماما وخلاتي والبنات وضل يسولف وياهم جنه كاعدين على الكورنيش وانا شابكه يده
محمد : انكوم نتمشه
لين : اي😃😃😃
محمد : يلا لعد
لين : كمنه تمشينه اشوي بعدنه عن البنات بس يعني يشوفونه وكفنه انباوع للشط
محمد : الحلوه بيه شي
لين : باوعتله وماكدرت اكض ادموعي كتله اريد اصير حلالك
محمد : اوعج وعد زلم شهر وانتي بسمي بس شهر وعد زلم انطيج وكلمه ماتنخلف
لين : احبك وشبكته
محمد : وانا اكثر يا اعيوني
ضلينه نفتر وشلون كاعد افتر ويا طفلتي اشتريتله بالونات و شعر بنات وكل شوي باستني ابخدي اووف منه شعلتني شعل صارت الساعة ب 8 وكتلهم عازمكم على عشه هم رفضو وكالو لازم انروح للبيت بس لين طفرت كالت اي اريد فاهيته وتاخذني للمدينه 😂 باوعتله وانا كاض ضحكتي كتله طفلتي اشعده بل مدينه
لين : هاي انت كلته بلسانك طفلتك😝😝😝
محمد :🤣🤣🤣🤣🤣🤣🤣
صدك ركبنه ورحت جبتله فاهيته من المطعم الرادته واهله سئلتهم كالو اي شي واردو همه ينزلون يطلبون بس ماخليتهم جبت تقريب من كلشي 2 او3 يعني من كل المنيو لئن ماعرف شيحبون
لين : البنات كل شوي يسئلني هاذه امين غاسله عقله😂😂😂
حتى كللي ساحرته من ورى نظراته الي ضلن كل شوي يطلعن شغله انوب كامن يمدحن ابجماله صدك عصب درت عليهن خزرتهن 😒
محمد : صدك رحنه للمدينه تقريب بيه العاب مال كبار
كعدو ياكلون وانا ماحبيت ازعجهم اخذت اكلي وكعدت على صفحه
لين : شفت محمد مستحي من البنات راح كعد للوحده رحت ورى
لين : معقوله هيج رجال حلو كاعد للوحده
محمد : ايباااا امين هل حجي ولله احس واكع عليج شي
لين : 😂😂😂
محمد : مو ضحكه العافيه كله بيه
لين : يلا عيني خلص اكلك وخل نروح نلعب
محمد : نلعب 😳😳😳😳
لين : اي 😉
محمد :😊 تره هاي الغمزه خلت نيتي تروح بعيد 😉
لين : اووي هم شيخ وهم بلا اخلاق😏
محمد :🤣🤣🤣متت ضحك عليه الخبله انوب تحجي ابدلع ولله موتتني
لين : كعدنه ناكل ونسولف سوى
ام لين : اباعله شلون متونسه ويا ومبين يحبه اعيونه فاضحته اعيوني دمعت عليه لفت من يمه وضليت ابجي وخواتي يهدن بيه
لين : خلصنه اكل وضل يتغزل بيه 😋😋😋
محمد : يلا ياحلو بعد شتريد
لين : بابي كوم نلعب
محمد : بابي😘
لين : اي
محمد : اممم زين باباتي ماتعبتي شلج بلعب
لين : اوي محمد كوم نتونس عفيه
محمد : ولج اتخبلتي
لين : الله عليك اذا تحبني صدك شوف المدينه فارغه
محمد:😒😒😒😒😒
لين : تحبني
محمد : درت وجهي منه وكتله لا😒
لين : شفته هيج رد زعلت منه كمت من يمه ورحت كعدت يم اهلي
محمد : شفته زعلت رحت للابو البطايق اخذتلي مجموعه منه واخذت شعر بنات ورحت عليه
لين : جنت كاعده احجي ويا البنات اشوف صارت كدام وجهي شعر بنات كبل طفرت لئن صدك احبه واذا ازعل اليعرفني يعرف انو ابسرعة ارضه بيه 😅
محمد : اعرفها اتحب الشعر بنات فا خليته يمه صدك طفرت اخذته بعده دارت الي وكالت مزاعلين مو ماتحبني
محمد : ياحلو مايلوكلك الزعل
لين : من رخصتك تكدر تروح 😒
محمد : اي اروح ليش لا من رخصت الجميع رح اروح واخذ طفلتي وياي سحبته من يده كامن يضحكن 😅
لين : هدني ماريدك
محمد : درت عليهن وكتلهن دلع جهال لاتهتمون 😂 وهنه ماتن ضحك
لين : انا اوريجن صرتن ويا عليه
محمد : يلا بابا بلا دلع لا اصيح عليج الطنطل ياكلج😂
لين : محمددددد
محمد : ياروحه
لين : كافي 😏
محمد : يلا امشي باباتي
لين : رحت وضلينه نلعب كاص كومه بطايق بعده رحنه صحنه للبنات وضلينه نلعب كلنه تصادمات وانا ومحمد فلشناهن😂😂😂
صارت ب 11 واحنه نلعب طلعنه من المدينه وجان احلا يوم الي اول مره هيج اتونس من صدك
محمد : حبيبيت روحي شفته شلون فرحانه وشفت الجانب الطفولي بيه حبيته زياده وانا اباوع بعيونه من طلعنه اذكرت باجر وشرح يصير خفت اصارحها مااريد اخسرها مااريد ياربي
لين : شفته صافن بيه من طلعنه باوعت للبنات كتلهن ركبن انا هسه اجي
لين : محمد عندي موضوع وياك
محمد : كولي حبيبتي
لين : شكد حلوه كلمت حبيبتي تطلع منك
محمد : احبج
لين : محمددد
محمد انت تعرف حياتي وتعرف انا شنو
محمد : رفعت حاجبي عليه كتله اي
لين : شوف ولله حبيتك من كل كلبي ولله بس مرات بل علاقه مايصير بس الحب العلاقه تحتاج اهواي اشياء يلا تكمل مو بس حب
محمد : شتقصدين
لين : انت رجال ونعم منك واكيد الف وحدة تتمناك والصراحه انا وحدة منهن
بسس
محمد : بس شنو ؟
لين : محمد...محمد شوف انت جاهز تتقبلني ابحالتي هاي
محمد : اي حاله اتقصدين ؟
لين : شوف انا مارح اتحجب ولارح اترك شغلي ولارح اكعد بل بيت وبس حالي حال نسوانكم انا مو هيج انا اريد حريتي واطلع واطب ابمزاجي مااريد اتحجب ولااريد اتقيد ابشي ابدد
محمد : 🤨🤨 اجاي تحجين انتي ؟؟
لين : محمد انت شيخ عشيره وادري هل شي مايناسبك ابنفس الوقت انت ماتناسبني وانا مارح اغير حياتي على كلمت احبج او على علاقه بعد كم سنه يمكن يبطل بيه حب
محمد : تره ماجي استوعب الجاي تحجي ابد شنو هل خربطهولج انا حياتي كله مستحيل ينتهي حبي الج
لين: مادامك هيج اتحبني اقبل بشروطي
محمد : ياشروط ها ياشروطط الرايح والجاي يشوفج اليسوه والمايسوه يتمعن بيج وابتفاصيلج اطلعين وطبين يمتى مايحلولج شنو هاي اشتردين انتي ياحريه هاي التحجين بيه ياقيد هاي مايقبل بيه بس الساق*ط
لين : انا هاذه العندي ومبين ماعجبك فاخلي ننفصل وكلمن ابطريقه
محمد: اب ابهل بساطه هيج جان حبيييي ارخيص احجييي ولج هيج انا رخيصصص عدج ولج مو على اساس اتحبيني هاااا وين راح حبج
لين : لاتصيح عليه تسمع لو ماتسمع
محمد : ولج انتي منو موانتي الحبيته اشهل كلام اشهل طريقه
لين : ولله هاذه الموجود وتره انا الف واحد يتمناني مامجبوره ادمر نفسي بيك
محمد : هيج يعني
لين : اي هيج انا مااريدك
محمد : انا اوريج يالين
لين : اعلى مابخيلك اركبه
محمد : باجر اذا مازوجت مااطلع محمد ابن سليم وتشوفين ابعينج وادزلج تصويرات هم اذا ماقهرتج وخليتج تتوسلين عمود ارجعلج
لين : حجه هيج وروحي حسيته جاي تطلع
لين : رح تزوج بت عمك التكرها
محمد : باجر انتظري صور عرسي ادزهم الج بيد مرت اخوي علي وشوفي ابعينج
لين : اوك الله وياك . الغصه صارت بيه وكوه حجيت
محمد : حسيته انقهرت ادري بيه اتحبني بس حجيه كلش جان يختلف ادري بيه رح ترجعلي وادري بيه تعشكني مو ماادري بس خليه تتئدب لئن اجوزت بل حجي
لين : صعدت بسياره وحركته واول مابعدت عنه انفجرت بجي حتى ماعرفت اسوق وصرت اصيح احبك احبك والقرئان اموت عليك 😭😭😭😭😭اخخ يمه كلبي محروك اخخخخخ 😭😭😭😭😭يمى روحي جاي تطلع روحي جاي تطلع ليش هيج حظي يالله😭ليش😭😭😭😭انا ليش هيج حياتي ليش مالي حظ بدنية 😭😭😭
رجعت للبيت ودخلت غرفتي وقفلته وضليت بس ابجي انهديت هد بل بجي للحد الصبح وانا بجي بعده كمت اخذت دوش و فرشت سجادتي وصليت اشوي ارتاحيت
وضليت اقره قرئان للحد الساعة 6 الصبح دخلت عليه امي
ام لين : صباح الخير بنيتي
لين : هلا حبيبتي
ام لين : يلا كومي نتريك سوى
لين : تمام جايه نزلت واخذت وياي محرمي وقرئاني و سجادتي وسبحه وكلت للماما اريد اخليهم بجنطه كالت الجناطي بصاله دخلت شفت 5 جناطي ماما حاطتهم جنه اجهاز عروسه اووف محمد ياريت هاذه اجهازي عليك ياريت 😭اووف مسحت ادموعي وشبكت قرئاني احس اقوى بي حطيت اغراضي بجنطه رحت للمطبخ دخلت شفت الكل مجموع خوالي وخالاتي وامي وابوي واخواني والبنات كلهم فارشين سفره كامو خوالي بوسوني كعدنه كلنه سوى ناكل ونتشاقه ونضحك صارت بل 9 واحنه على كعدتنه اجى اتصل للبابا
الاب محمود : هلا ياشيخ
اي اي جاهزه البنيه هاي احنه طالعين الكم اي اي ياشيخ
لين : عرفت هاذه اجلي 😑بس مابجيت قررت اصير قويه😣
لين : اول ماسد بابا التلفون كمت فوك بدلت ولبست عبايه على لبسي وماحطيت ولاقطرت مكياج لئن مالي خلك والطريق طويل ماداعي
نزلت جوى وشبكوني كلهم وبوسوني وجان بابا واكف بره حتى ماتعب نفسه يجي يشبكني و يودعني😑اووف
خوالي طلعو ورق (فلوس) وحطوهن بيدي ماقبلت اخذ بس كالو خليهن للحجتج اجى بابا يريد ينطيني عبرته وماقبلت اخذ لو يحبني ويخاف عليه صدك جان اجى شبكني مو انطاني فلوس 😑 مااكول بس اووف اووف على حظي اووف رحت للجناطي وولد خالي ركضو الهن وكالو احنه انصعدهن ردت اسمع صوت محمد 😑 كتلهم اريد اروح للحمام دقايق
_________________

محمد : بعد كلشي رحت ابفندق نمت كعدت الصبح لبست لبس عربي وعرفت انو شيوخنه اجو للبصره رحت الهم وسلمت عليهم ووكفنه اباب بيت البنيه يلي على اساس رح اخذه واتصل جدي عليهم وكالو رح تجي البنيه وطلع ابوها سلم علينه
دقايق وتلفوني اجاني اتصال شفته اله هاي لين
غلقته ابوجه ضلت اتلح بل اتصال رحت بعيد شوي رديت خفت عليه لأبيه شي
لين : الو
محمد : خير بيج شي
لين : ....
محمد: احجي وياج وينج كولي شبيج اجيج
لين : ....
محمد : ولج احجي لاتوكفين كلبي شكو
لين : انت اكثر انسان حبيته بدنيه
لين : انت اول رجال هيج يحبني تدري
انت الانسان العرفتني ابمعنى الحب
انت الخليتني اعشك هل دنيه ابوجودك يمي
انت اول شخص يحسسني ابحنية ودفو حضن الاب
ولله من صدك جنت اعتبرك اب الي مو حبيبي
محمد : ولج وحجيج امس مو ...
لين : احبك اهواي اهواي
محمد : وانا بعد مااحبج
لين : لاتكول هيج سمعني كلمت حبيبتي واحبج عفيه
محمد : حجت هيج وضلت اتشاهك
ارويحتي ولج هاي الشهكات شنو ولج
لين : كول احبج😭😭😭😭
محمد : والقرأن والقرأن وروح ابوي اعشكج اعشكج عشك ماصاير وحبج ماشي ابدمي ياشريان كلبي
لين : وانا هم احبك موتت 😭
محمد : يلا ياحلو كافي بجي 😁 انا احبج وماعوفج ابد خل اخلص شغل واراسلج
لين : انت اول واخر حب الي بدنيه
محمد: شنو بنت العرب اشوف مانويه تهديني
لين: 😂😭😂 كمت اضحك ابشهكات
لين : احبك شسوي
محمد : وانا احبج جثير يابنوتي
لين : اوي عيني من لهجت الشيوخ
محمد : اه اه يابنت العرب اشوف ماعاجبج لهجتنه
لين : اووي يامحلاه من لهجه😁
محمد : اخخخخ اخخخ من هل اوي امشي من يمي يلا يلا
لين : اعشككك
محمد : اعشكجججج كد سمه الله
يلا استودعتج الله
لين : اممم استودعتج الله ؟ اي عيني باي 😏
محمد : 😂😂😂 خبله بس اعشكه شسوي
رجعت يم الشيوخ وطلعو شباب اصغار بعدهم بل 20 شايلين جناطي عرفت هاي للبنيه فتحت صندوك سيارتي وصحتلهم
بعد شوي طلع العم محمود يلي هوا يصير اخو ضرغام يعني ابو البنيه وورى ابنيه
محمد : شفت البنيه انصدمت.........

_________________

لهنا انته البارت انشالله عجبكم وطبعن هاذه اطول بارت وخليت قفلته كلش حماسيه اتمنى ينال اعجابكم واذا شفت تفاعل حلو عليه انزل البارت البعده + احبكم اهواي اتمنه اتقدرون تعبي 💖