فصلية الشيخ محمد

بارت 3

الشيخ : بويه مايصير السويتو محمد هاي انت العاقل الفاهم شلون هيج اسوي اب ابن عمك واخوك ليش هيج ياولدي ليش
محمد : اعذرني شيخ عليت صوتي بس انشالله احله
صار الصبح الساعة 8:00طلعت اروح للمدير حتى يشوفلي دكتور عمود العملية اليوم لئن جدي مايكدر يصبر اكثر

محمد : السلام وعليكم دكتور
المدير : هلا هلا ياشيخ كل الهلا اعذرني ماجنت موجود بل عراق وبس دريت انت اهنا والشيخ مريض اجيت
طمني عنه اشلونه
محمد : تسلم تسلم ولله حالته كلش صعبه واليوم لازم عملية لئن حالته بدت تدهور
المدير : اي قريت ملفه
محمد: اريد منك دكتور شاطر للعملية
المدير : ولله عندي فد دكتور شاطر ماكو منه هوا دكوور لين هيه اشطر دكتور عدي وماعده عملية فاشلة وهم هيه رئيست الاطباء ابقسمه الحالي وصديقت دكتور علي اكيد ماترفض اذا طلب منه معنو اليوم جدوله مزحوم بس انا شخصين رح احجيلك وياها
محمد : تلسم دكتور بس اتعرفت على دكتوره لين وماتناسبنه
المدير : صدك تحجي ياشيخ هيه اشطر دكتوره
محمد : ولله يادكتور لو تشوفلي غيرها دكتور شاطر
انا مااريد مره بل عملية وخصه وحدة نفس دكتوره لين
المدير : امبين جان تعارفكم مو زين
محمد : قليلة ادب استغربت وحدة نفسه بل مستشفى مالك
المدير : ولله هيه بت اصول وحدة تربيه واخلاق والكل يضرب بيه المثل مربايه ذيج التربيه عاشو اهله عليه بس السانه اشوي ادري بيه
محمد : شوفلنه دكتور زين
المدير : ياشيخ انا اشوف انسب شي دكتوره هاله لئن هيه شاطر ابمجاله ولااتخلي المشاكل الشخصية اتئثر على حيات الشيخ ويمكن انفقده لئن تدري هوا جبير بل عمر وصاب امراض اهواي ممكن اتئثر بل عملية فاانا اكول لو اتخلي هاي المشاكل على صفحة وتقبل بدكتوره لين وانا اكفله الك تره الشيخ حالته خطيره كلش وممكن انفقده اذا صار اي غلط وبعدين اتشيلون ذنبه
ويا هيج القرار راجعلك بس لاسامح الله اذا صارله شي للشيخ ...
محمد : لاتحجي هيج يادكتور جدي قوي
المدير : ياابني مايصير هل حجي المرض مابي قوي وضعيف وجدك بي السكر والقلب ودهون وكل هاذه يئثر ودكتوره لين شاطره لاتخسر جدك عمود مشاكل شخصيه بعدين اشيل ذنبه ياابني
محمد: ضليت افكر ابكلامه ومرت ساعة واحنه نحجي ونتناقش وشفت كلامه صح خل اخلي المشاكل على صفحه اهم شي حيات جدي ومااخسره لئن مالي غيره بدنية
محمد : تمام دكتور دكتوره لين خل اتسوي العملية
المدير : انا ادري بيك عاقل وفاهم وانشالله ماتندم على هاذه القرار ابد ويكوم الشيخ بسلامه
محمد : انشالله انشالله

___________________

لين : بعد حجي هذاك الحقير طلعت من المستشفه كله ورحت للبيتي كلش قهرني ابحجيه انا حياتي كله محد جاب شيرتي بل عاطل كله تمدحني وتمدح تربيتي شلون يجرء يحجي هيج وياي
بعد تفكير طويل نمت كعدت ونفس روتيني كملته والساعة 7:00وصلت للمستشفى كملت شغلي والساعة 9:00كعدنه انا وعلي وزهراء نتريك واعتذر مني خطيه وجان كلش خجلان كتله ماصار شي وانت مالك ذنب وضلينه انسولف ونضحك سوى
بعد اشوي اجى ممرض كلي انو المدير طالبني
فاتركتهم ورحت
لين : صباح الخير استاذ الحمدلله على سلامتك وسفره سعيدة .. شفت هذاك الحقير يمه
المدير : هلا ابنيتي الله يسلمج شلونج شخبارج
لين : الحمد لله ابشوفتك استاذ
المدير : شلون المستشفه شنو أوضاعها انا امنته عدج
لين : استاذ كلشي ماشي طبيعي الحمدلله وباوعت على محمد وكلت اله وجود بعض الغربان 🦇 بل مستشفه يسدون النفس
محمد : عرفته تقصدني فاخزرته ولااهتمت
المدير : شفته اتباوع على شيخ محمد وعرفت امبين متعاركين فاضحكت 😂عليهم واحد يخزر بثاني
محمد : استاذ المستشفه مالك كامل امكمل ماشالله اله وجود بعض البومات 🦉معكرات هوه المستشفه
لين : عرفته يقصدني وكلت استاذ تدري انا اهواي حراكه اكلوب ناس خطيه جانو بس الدكاتره يغارون مني صايرين حتى الشيوخ ينقهرون من شوفتي بالله عليك وضحكت 😂
محمد: ولج شتقصدين
المدير : ها شبيكم تتناكرون رح واحد يكتل الثاني
اثنينهم ابنفس الوقت : هوا البده
محمد : درت عليه خزرته
المدير : يابتي لين استريحي
حجيت وياها ابموضوع حالت الشيخ وحالته المرضيه صعبه ولازم عمليته اتم اليوم وضلينه نتناقش سوى اباحلته
محمد : اباعله كاعد اتناقش الدكتور ابحالت جدي بس ياربي شكد حلوه حتى لو اكرها حلوه ماانكر وشعرها اخخخ
المدير : بابا اريدج انتي السوين العملية واتكونين المسؤوله عنه
لين : يمكن مايناسب البعض وباوعت على محمد
محمد : خزرته
المدير : انا اتفقت ويا شيخ محمد وهوا يريدج انتي السوين العملية
لين : اسفة دكتور انت مكانتك كلش جبيره عندي بس اسفه هاذه الكدامك امس اهاني هوا واهله وسكتت اكرامن للدكتور علي فااسفة مااكدر واترخص منك عدي شغل
محمد: طلعت من المكتب وكلت للمدير شفته شفته شلون تحجي مااريده شنو بس هيه دكتوره شوفلي دكتور زين
المدير : خل احجي وياها
محمد : انا خل اروح اشوف الشيخ
اترخص
المدير : غالي غالي ياشيخ وماترخص